ខេត្តបន្ទាយមានជ័យ នៅព្រឹកថ្ងៃទី ៥ ខែតុលា ឆ្នាំ២០១៥នេះ កម្លាំងនគបាលការិយាល័យ ចរាចរណ៍ ផ្លូវគោក នៃស្នងការដ្ឋាននគរបាលខេត្តបន្ទាយមានជ័យ ជាច្រើននាក់ បានចុះធ្វើការណែនាំដល់ម្ចាស់យានយន្តគ្រប់ប្រភេទដែលបើកបរឲ្យចេះការគោរពច្បាប់ចរាចរណ៍នៅតាមផ្លូវសាធារណៈនិងតាមបេនឡានតាក់ស៊ី តាមចំណុច ស្ថានីយ៍ចតឡានគ្រប់ប្រភេទ ។លោកវរសេនីយ៍ទោសនគឹមសួគ៌ នាយការិយាល័យចរាចរណ៍ផ្លូវគោកខេត្តបន្ទាយមានជ័យ បានប្រាប់ឲ្យដឹងថាដោយមានការបង្អុលបង្ហាញពីលោកឧត្តមសេនីយ៍ត្រី អាត់ខែម ស្នងការនគរបាលខេត្តលោកបានឲ្យនគបាលចរាចរណ៍ទាំងអស់ត្រូវយកចិត្តទុក ដាក់ខ្ពស់អំពីសុវត្ថិភាពរបស់ប្រជាពលរដ្ឋដែលធ្វើចរាចរណ៍នៅតាមដងផ្លូវនិងទីកន្លែងសាធរណៈ។
លោកបានឲ្យកម្លាំងនគបាលចរាចរណ៍ចេញ ប្រតិបត្តិការផ្សព្វផ្សាយអំពីច្បាប់ចរាចរណ៍និងអំបញ្ហាការធ្វើចរាចរណ៍ទៅមករបស់ប្រជាពលរដ្ឋក្នុងឱកាសបុណ្យភ្ជុំបិណ្ឌនេះចាប់ពីថ្ងៃទី៥ ខែតុលា ឆ្នាំ២០១៥នេះ រហូតដល់ប្រជាពលរដ្ឋធ្វើដំណើរទៅកាន់ស្រុកកំណើតអស់ទើបបញ្ចប់ ។
លោកបានបន្តទៀតថាការត្រួតពិនិត្យច្បាប់ចរាចរណនេះក្នុងគោលបំណង ដើម្បីធ្វើការទប់ស្កាត់នូវ គ្រោះថ្នាក់ចរាចរណ៍ផ្សេងៗដែលកើតមានឡើង ជាយថាហេតុចំពោះអ្នកដំណើរទាំងឡាយទាំងពួង ក៏ដូចជា អ្នកបើកបររថយន្តផងដែរ ជាពិសេស ផ្តោតសំខាន់ ទៅលើការផ្ទុកអ្នកដំណើរ ហួសចំណុះ និងដាក់មនុស្សឲ្យអង្គុយលើដំបូល និងដាក់ឥវ៉ាន់សំពីងសំពោង ធ្វើឲ្យបាត់បង់សណ្តាប់ធ្នាប់
សាធារណៈជាដើម។លោកសនគឹមសួគ៍បានសំណូមពរ សូមឲ្យបងប្អូនប្រជាពលរដ្ឋ ទាំងអស់ មេត្តាគោរពច្បាប់ចរាចរណ៍ ពេលធ្វើដំណើរ ដើម្បីការពារសុវត្ថិភាព របស់ខ្លួន និងជៀសឲ្យផុតពីគ្រោះថ្នាក់ចរាចរណ៍ផ្សេងៗ ដែលកើតមានឡើងជាយថាហេតុ៕
