បន្ទាយមានជ័យ ៖ កម្លាំងចម្រុះនៃអគ្គនាយកដ្ឋានអន្តោប្រវេសន៍គោលដៅខេត្តបន្ទាយមានជ័យ បានឃាត់ជនអន្តោប្រវេសន៍ជនជាតិវៀតណាម៩នាក់ និងមានក្មេង៤នាក់មកកាន់ការិយាល័យអន្តោប្រវេសន៍នៃស្នងការនគរបាលខេត្តបន្ទាយមានជ័យ កាលពីម៉ោង៨យប់ថ្ងៃទី០៥ តុលា ២០១៥ ដើម្បីបញ្ជូនបន្តទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃ ។
លោក បាន ធឿន នាយការិយាល័យអន្តោប្រវេសន៍នៃស្នងការនគរបាលខេត្តបន្ទាយមានជ័យបានអោយដឹងថា ជនបរទេសអន្តោប្រវេសន៍រួមទាំងក្មេងៗ៤នាក់ផងនោះ ត្រូវបានសមត្ថកិច្ចចម្រុះដែលរួមមាននគរបាលនៃអគ្គនាយកដ្ឋានអន្តោប្រវេសន៍ និងនគរបាល
ការិយាល័យអន្តោប្រវេសន៍ខេត្តក្រោមការដឹកនាំដោយលោកឧត្តមសេនីយ៍ ឃុន សំបូរ អគ្គនាយករងនៃអគ្គនាយកដ្ឋានអន្តោប្រវេសន៍ បន្ទាប់ពីការចុះត្រូតពិនិត្យជនបរទេសលើកទី២ ចាប់ពីថ្ងែទី២៥ កញ្ញា ២០១៥ ។ ជនបរទេសទាំងអស់នេះ ជាជនជាតិវៀតណាមត្រូវបានឃាត់ខ្លួន កាលនៅ
ក្រុងប៉ោយប៉ែតកាលពីរសៀលថ្ងៃទី០៥ តុលា ២០១៥ ដោយក្នុងនោះមានស្ត្រី២នាក់ និងក្មេងតូចៗ៤នាក់តាមម្តាយ ។ តាមការសាកសួរជនរបរទេសជាជនជាតិវៀតណាមទាំង៩នាក់នេះបានចូលមកកម្ពុជាភាគច្រើនតាមរយៈច្រកជ្រៃធំ ច្រកបាវិត ហើយមកធ្វើជាកម្មករ តាមរោងសិប្បកម្ម និងតាមផ្ទះ ។ ការឃាត់ខ្លួននេះដោយសាតែពួកគេ បានមករស់នៅលើទឹកដីកម្ពុជាដោយខុសច្បាប់ គ្មានឯកសាអ្វីទាំងអស់ ។
លោកបន្តទៀតថា ក្រោយការសាកសួរចប់សប់គ្រប់ នៅថ្ងៃស្អែកទី០៦ កម្លាំងរបស់លោកនឹងបញ្ជូនជនជាតិវៀតណាមទាំងអស់នេះតាមរយៈរថយន្ត ទៅអគ្គនាយកដ្ឋានអន្តោប្រវេសន៍ឯរាជធានីភ្នំពេញ ៕
