ខេត្តឧត្តរមានជ័យ កាលពីវេលាម៉ោង១០និង១៥នាទីយប់ថ្ថៃទី០៣ ខែតុលា ឆ្នាំ២០១៥ នៅចំនុចចំការកៅស៊ូក្រុមហ៊ុនបេសរ៉ូយ៉ាល់ ស្ថិតនៅភូមិថ្នល់កែង ឃុំត្រពាំងប្រាសាទ ស្រុកត្រពាំប្រាសាទ ខេត្តឧត្តរមានជ័យ។សមត្ថកិច្ចមូលដ្ឋានបានឲ្យដឹងថា ជនរងគ្រោះដែលត្រូវឃាតករសម្លាប់ឈ្មោះ តូច ចិត្ត ភេទប្រុស អាយុ៣៦ឆ្នាំ រស់នៅភូមិទួលប្រសើរ ឃុំបាក់អន្លូង ស្រុកត្រពាំប្រាសាទ ។ជនដៃដល់ត្រូវបានគេដឹងថាមានឈ្មោះ វែង ផល្លី ភេទប្រុស រស់នៅក្នុងភូមិឃុំកើតហេតុខាងលើ។
លោក អុិន កាយ អធិការស្រុកត្រពាំងប្រាសាទ បានឲ្យដឹងនៅថ្ងៃទី០៤ ខែតុលា ឆ្នាំ២០១៥នេះថា មុនកើតហេតុជនដៃដល់ និងជនរងគ្រោះ បាននាំគ្នាផឹកសុីនៅចំការកៅស៊ូខាងលើ ក្រោយមកមានទំនាស់ពាក្យសម្តីគ្នា ត្រូវជនរងគ្រោះទាលុយជំពាក់ ធ្វើឲ្យពួកគេឈ្លោះប្រកែកគ្នារហូតតឹងសរសៃករ ភ្លាមនោះជនរងគ្រោះបានដើរចេញពីវង់ផឹកសុីសំដៅទៅផ្ទះ ភ្លាមនោះស្រាប់តែជនសង្ស័យ វែង ផល្លី បានយកកាំបិតតាំងតោមកកាប់ជនសឥរងគ្រោះបណ្តាលឲ្យរបួសសុះសាច់រហូតដល់ស្លាប់ក្នុងថ្លុកឈាម រួចឃាតករបានរត់គេចខ្លួនបាត់ស្រមោល។
បច្ចុប្បន្នសមត្ថកិច្ចកំពុងបើកការស្រាវជ្រាវលើករណីនេះ ដើម្បីតាមចាប់ខ្លួនជនសង្ស័យយកមកផ្តន្ទាទោស តាមច្បាប់។ សពជនរងគ្រោះត្រូវបានបានសាច់ញាតិមកទទួលយកទៅធ្វើបុណ្យតាមប្រពៃណី៕
