ខេត្តបន្ទាយមានជ័យ៖ ព្រឹកថ្ងៃទី៨ខែតុលាឆ្នាំ២០១៥នេះសមាគមនារីកម្ពុជាដើម្បីសន្តិភាពនិងអភិវឌ្ឈន៍ខេត្តបន្ទាយមានជ័យបានចូលរួមកាន់បិណ្ឌវេនទី១១នៅវត្តសុភមង្គល ក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។លោកស្រីឆាន់ច័ន្ទសោភាបានដឹកនាំសមាគមនារីកម្ពុជាមួយក្រុមនបាននាំយកបច្ច័យដូចជាថវិការ២លាន២សែនរៀលអង្ក២ការុង អឹុមស្មើនិង៦កេះទឹកសុទ្ធ១៣យួរមីុ៦កេះនិងទឹកក្រូចកំប៉ុង២កេះទឹកក្រូចដប២កេះបានយកទៅប្រកេនលោកគ្រូចៅអធិការវត្តសុភមង្គល ហៅវត្តក្បាលខ្មោច។
ក្នុងពិធីកាន់បិណ្ឌនេះលោកស្រីឆាន់ច័ន្ទសោភានិងសមាគមនារីដើម្បីសន្តិភាពបាននាំគ្នារាប់បាត្រនិងធ្វើពិធីបង្សុគោលដល់ព្រះសង្ឃដើម្បីឧទ្ទិសកុសលផលបុណ្យ ជូនដល់វិញ្ញាណក្ខន្ធបុព្វបការីជននិងបងប្អូនប្រជាពលរដ្ឋខ្មែររាប់លាននាក់ដែលបានបាត់បង់ជីវិត ក្នុងរបបប្រល័យពូជសាសន៍រួមនិង ញាតិកាទាំង៧សណ្តានដែលបានរលត់ក្ខន្ធទៅហើយនោះដើម្បីមកទទួលយកផល្លានិសង្ឃដែលកូនចៅធ្វើបុណ្យធ្វើទាននៅពេលនេះ។
គួរបញ្ជាក់ថារដូវបុណ្យភ្ជុំបិណ្ឌដែលជាបុណ្យប្រពៃជាតិខ្មែរតាំងពីយូរលង់មកហើយត្រូវគេនិយាយថាបានលប់បំបាត់ទាំងស្រុង នៅក្នុងការគ្រប់គ្រងរបបប្រល័យ ពូជសាសន៍ចាប់តាំងពីឆ្នាំ១៩៧៥រហូលដល់ឆ្នាំ១៩៧៩។ពិធីបុណ្យភ្ជុំបិណ្ឌត្រូវគេមើលឃើញថាបានចាប់ផ្តើមឱ្យប្រជាពលរដ្ឋដែលជាអ្នកជឿលើព្រះពុទ្ធសាស៍នានាំគ្នាបានធ្វើបុណ្យធ្វើទានឡើងវិញគឺចាប់ពីថ្ងៃរំដោះ ៧មករា ឆ្នាំ១៩៧៩ រហូតមកដល់បច្ចុប្បន្ននេះ ។
ពិធីបុណ្យភ្ជុំបិណ្ឌនោះគេសង្កេតឃើញប្រជាពលរដ្ឋគ្រប់ទិសទីបាននាំគ្នាធ្វើបុណ្យក្នុងទឹកមុខសប្បាយរីករាយប្រកបដោយទឹកចិត្តជ្រះថ្លានិងព្រះពុទ្ធសាសនា ។ ក្នុងឱកាសដែលប្រទេសជាតិទទួលបានសុខសន្តិភាព បង្រួបបង្រួមជាតិនិងមានការរីកចំរើនអភិវឌ្ឍហើយ ប្រជាជនមានជីវភាពធូធា រស់នៅទទួលបានភាពកក់ក្តៅ ក្រោមដំបូលរដ្ឋធម្មនុញ្ញ តែមួយ៕
