ខេត្តឧត្តមានជ័យ៖ កូនប្រុសភ្លោះចំនួន ៣នាក់ បានប្រសូត្រចេញពីផ្ទៃម្ថាយ ប្រកបទៅដោយជោគជ័យ និងមានសុខភាពល្អ ដែលកើតចេញពីត្រកូលគ្រួសារក្រីក្រមួយរស់នៅភូមិទួលចារ្យថ្មី ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។ទារិការប្រុសភ្លោះ ៣នាក់ ដែលបាន
កើតមកមានជីវិតធម្មតាដូចទារកដទៃទៀត បង្កើតដោយគ្រូពេទ្យឆ្មប ប្រចាំការនៅក្នុងមន្ទីរបង្អែកស្រុកអន្លង់វែង នៅវេលាម៉ោង ៤ទៀបភ្លឺថ្ងៃទី៩ ខែតុលា ឆ្នាំ២០១៥ ដោយម្ថាយបង្កើតឈ្មោះ វ៉ាត ស្រីកែវ អាយុ ២៦ឆ្នាំ និងឪពុកឈ្មោះ ជួន សុផន អាយុ ២៨ឆ្នាំ ដែលមានមុខរបរធ្វើស្រែ រស់នៅភូមិទួលចារ្យថ្មី ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។តាមការរៀបរាប់ពីម្ថាយឪពុកបានរៀបរាប់ថា ពួកគាត់បង្កើតបានកូនប្រុសភ្លោះបីនាក់ ជាកូនទី៤ ដែលកូនទី១ បានកើតមកភ្លាម ក៏បានស្លាប់ទៅវិញ ហើយកូនទី២ និងទី៣ បានរស់មានជីវិតជាធម្មតា។ នៅមុន
មានទំនង់កូនប្រុសទាំងបីនាក់នេះ ពួកគាត់ពុំមានយល់សប់ ឬសុបិន្តអ្វីឡើយ ក៏ប៉ុន្តែនៅពេលពួកគាត់ដឹងថា ប្រពន្ធមានផ្ទៃពោះភ្លាមៗ គាត់បាននាំប្រពន្ធទៅពិនិត្យនៅមន្ទីរពេទ្យខេត្តសៀមរាប និងបានទៅពិនិត្យជាប្រចាំ តាមការណាត់របស់គ្រូពេទ្យ។តាមឱ្យដឹងពីគ្រូពេទ្យឆ្មប ដែលបង្កើតទារកទាំងបីនាក់ បាននិយាយថា ទារកប្រុសភ្លោះ៣នាក់ មានសុខភាពល្អ និងម្ថាយមានសុខមាំមួន ដោយសារតែម្ថាយ និងទារកនៅក្នុងផ្ទៃទទួលបានការថែទាំសុខភាព ពីក្រុមគ្រូពេទ្យជាប្រចាំធ្វើឱ្យសុខភាពម្ថាយ និងទារក មានសុខភាពល្អ សំរាលប្រកបដោយជោគជ័យ ពុំមានប៉ះពាល់ដល់អាយុជីវិតម្ថាយ និងទារក កើតមកគ្រប់លក្ខណៈ។តាមការបញ្ជាក់ពីជីតាបង្កើតរបស់ទារកភ្លោះបីនាក់ ឈ្មោះ វ៉ើន វ៉ាត អាយុ ៥៦ឆ្នាំ ជាមន្រ្តីយោធាបម្រើការនៅអង្គភាព គរ.៤ ផ្នែកសឹងរងស្រុកត្រពាំងប្រាសាទ បានឱ្យដឹងថា លោកបានជម្រុញឱ្យកូនដែលមានផ្ទៃពោះទៅពិនិត្យនៅមន្ទីរពេទ្យជាប្រចាំ ទោះបីជាគ្រួសារកូន និងកូនប្រសារគ្មានលុយកាក់ច្រើនក្តី ក៏លោកសុខចិត្តបំប៉េះបំបោចផ្តល់លុយកាក់ ដើម្បីឱ្យកូនបានទៅពិនិត្យផ្ទៃពោះនៅមន្ទីរពេទ្យ និងធ្វើទៅតាមវេជ្ជបញ្ជារបស់គ្រូពេទ្យ ពីព្រោះកូនស្រីបង្កើតរបស់លោក សំរាលកូនជាលើកទី១ កូនកើតមកបានស្លាប់ភ្លាមៗ ដោយសារតែមិនបានទៅពិនិត្យសុខភាព នៅពេលមានផ្ទៃពោះ៕ 
