ខេត្តសៀមរាបក្នុងកិច្ចចុះបំពេញបេសកកម្មរបស់ក្រុមការងារចម្រុះថ្នាក់ជាតិទី១៨ ដឹកនាំដោយឯកឧត្តមឧត្តមសេនីយ៍ឯក ហែម ថេង អគ្គនាយករងនៃអគ្គនាយដ្ឋានអន្តោប្រវេសន៍ក្រសួងមហាផ្ទៃ ចុះជួយខេត្តសៀមរាបលើការងារត្រួតពិនិត្យជនបរទេសអន្តោប្រវេសន៍ព្រមទាំងលោកគឹមឆៃហៀង អភិបាលរងនៃគណៈអភិបាលខេត្តសៀមរាបនិងជាប្រធានគណៈកម្មការជំរឿន និងគ្រប់គ្រងជនអន្តោប្រវេសន៍ខេត្តសៀមរាប បានអញ្ជើញដឹកនាំកិច្ចប្រជុំបូកសរុបលទ្ធផលនៃការត្រួតពិនិត្យជនបរទេសអន្តោប្រវេសន៍ជំហានទី២ ក្នុងសង្កាត់ស្លក្រាមក្រុងសៀមរាបបន្ទាប់ពីក្រុមការងារបានដំណើរការចុះត្រួតពិនិត្យ។ 
កិច្ចប្រជុំបូកសរុបនេះបានរៀបចំធ្វើឡើងនៅសាលប្រជុំរដ្ឋបាលសាលាខេត្តសៀមរាបកាលពីខែតុលា ឆ្នាំ២០១៥។គោលបំណងក្នុងកិច្ចប្រជុំសំដៅធ្វើការចុះបញ្ជីរនិងគ្រប់គ្រង អនុវត្តន៍ច្បាប់ជនអន្តោប្រវេសន៍និងពង្រឹងការអនុវត្តន៍មាត្រា ២៩នៃច្បាប់អន្តោប្រវេសន៍ចំពោះជនបរទេសដែលស្នាក់នៅព្រះរាជាណាចក្រកម្ពុជាដែលគ្មានឯកសារត្រឹមត្រូវ និងធ្វើការទប់ស្កាត់មិនឲ្យចេញសេចក្ដីចម្លងរឺ ការចេញសេចក្ដីបញ្ជាក់ពីភាពត្រឹមត្រូវតាមច្បាប់នៃឯកសារបញ្ជាក់អត្តសញ្ញាណ។
លោកវរៈសេនីយ៍ទោជាគឹមសាននាយការិយាល័យនគរបាលអន្តោប្រវេសន៍ បានអានរបាយការណ៍ស្តីពីការអនុវត្តន៍ច្បាប់ចុះត្រួតពិនិត្យ និងស្រង់ស្ថិតិចាប់បញ្ជូនជនអន្តោប្រវេសន៍ដែលរស់នៅខុសច្បាប់ទាំង ១០សង្កាត់ក្នុងក្រុងសៀមរាបជូនអង្គពិធីរួចមក មានប្រសាសន៍នោះលោក គិម ឆៃហៀង ឯកឧត្តមឧត្តមសេនីយ៍ឯក ហែម ថេង
បានបញ្ជាក់ថាក្នុងការអនុវត្តការងារគ្រប់គ្រងជនបរទេសនៅក្នុងព្រះរាជាណាចក្រកម្ពុជា ឲ្យទទួលបានលិទ្ធផលល្អប្រសើរ និង និយាយដោយឡែកខេត្តសៀមរាប គឺជាតំបន់ទេសចរណ៍ប្រវត្តិសាស្ត្រ ដែលប្រមូលផ្តុំទៅដោយភ្ញៀវទេសចរណ៍គ្រប់ជាតិសាសន៍ សំខាន់ជនជាតិបរទេស ដែលបានមកស្នាក់នៅស្របច្បាប់ និងខុសច្បាប់ផងដែរ។លោកឧត្តមសេនីយ៍ឯកហែមថេង ក៏បានលើការងារត្រួតពិនិត្យជនបរទេសអន្តោប្រវេសន៍បានគូសបញ្ជាក់ថា បន្ទាប់ពីក្រុមការងារបានអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់នាយឧត្តមសេនីយ៍សុខផល អគ្គនាយកនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃលើការងារជំរឿននិង ត្រួតពិនិត្យជនបរទេសអន្តោប្រវេសន៍ក្នុងសង្កាត់ស្លក្រាមក្រុងសៀមរាបទទួលបានលទ្ធផលល្អក្រៃលែង។ ឯកឧត្តមបានឲ្យដឹងផងដែរថាតាមតួលេខនៃការជំរឿនជនបរទេសដែលស្នាក់នៅព្រះរាជាណាចក្រកម្ពុជា នៅថ្នាក់ជាតិមានចំនួនសរុប ៧ម៉ឺន១២នាក់ ។ ឯកឧត្តមឧត្តមសេនីយ៍ឯក ហែម ថេង ក៏បានបញ្ជាក់យ៉ាងច្បាស់ ចំពោះការគ្រប់គ្រងជនអន្តោប្រវេសន៍គ្រប់ជាតិសាសន៍សំខាន់ជនជាតិវៀតណាមមួយចំនួន ដែលបានចូលមករស់នៅក្នុងមូលដ្ឋានគ្មានច្បាប់លិខិតបទដ្ឋានត្រឹមត្រូវឡើយ។ ក្នុងករណីត្រួតពិនិត្យឃើញជនបរទេសមានឯកសារ សម្គាល់អត្តសញ្ញាព ពិសេស អត្តសញ្ញាណប័ណ្ឌសញ្ជាតិខ្មែរ ដែលផ្តល់ស្របតាមនីតិវិធីយន្តការនិងបែបបទដែលបានកំណត់អាជ្ញាធរមានសមត្ថកិច្ច ត្រូវឲ្យជននោះធ្វើកិច្ចសន្យាទុកដាក់ថែរក្សាឯកសារសម្គាល់អត្តសញ្ញាណទាំងនោះឲ្យបានគត់មត់ល្អ សម្រាប់បង្ហាញដល់សមត្ថកិច្ច នៅពេលមានតម្រូវការ និង ត្រូវរាយការណ៍ជូនក្រសួង ដើម្បីពិនិត្យដោះស្រាយ ។ ក្នុងករណី ត្រួតពិនិត្យឃើឯកសារសម្គាល់អត្តសញ្ញាណណាមួយ ជាឯកសារក្លែង ត្រូវធ្វើការដកហូត និង អនុវត្តទៅតាមនីតិវិធីនៃច្បាប់និងបទដ្ឋានជាធរមាន។លោកក៏បានរំលឹកផងដែរថា រាល់ការងារដែលអនុវត្តនៅសង្កាត់ទាំងពីរកន្លង មក គឺត្រូវបន្តបញ្ចុះកម្លាំង ក្នុងការត្រួតពិនិត្យឡើងវិញ នូវរាលបញ្ហាដែលមានការសេសសល់ និង តាមដានអ្នកដែល លបលួចមកពីកន្លែងផ្សេងមកស្នាក់នៅទៀតផង ។ ឯកឧត្តមឧត្តមសេនីយ៍ឯក ហែម ថេង ក៏បានសម្តែងការកោតសសើរចំពោះអាជ្ញាធរមូលដ្ឋានមួយចំនួន ដែលបានអនុវត្តត្រឹមត្រូវទៅតាមនីតិវិធីច្បាប់។លោកក៏លើកផងដែរ អំពីការស្រាវជ្រាវរកឃើញអាជ្ញាធរមូលដ្ឋានមួយចំនួន ដែលបានចេញនូវលិខិតស្នាក់នៅជូនដល់ជនជាតិបរទេស និង សូមឲ្យអាជ្ញាធរមានសម្ថកិច្ចចុះធ្វើការត្រួតពិនិត្យនិងមានវិធានការជាបន្តទៀតផងដែរ។ ក្នុងនោះឯកឧត្តមក៏បានថ្លែងអំណរគុណផងដែរ អំពីកិច្ចសហប្រតិបត្តិការល្អរវាងអាជ្ញាធរ ខេត្ត ក្រុង សង្កាត់ ភូមិ ក៏ដូចលោកមេប៉ុស្តិ៍ ឲ្យកិច្ចការទាំងនេះទទួលបានជោគ ជ័យកន្លងមក ព្រមទាំងសូមឲ្យបន្តនូវប្រពៃណី កិច្ចសហការ ក្នុងការគ្រប់គ្រងជនបរទេស ដោយត្រូវប្រើសិទ្ធិ ប្រើអំណាចទៅតាមផ្លូវច្បាប់ទៀតផង ៕ដោយគឿនវ៉េត
