កំពង់ឆ្នាំង៖ ក្រុមគ្រួសារសមាជិកសមាគមអតីតយុទ្ធជនកម្ពុជាខេត្តកំពង់ឆ្នាំង ចំនួន៦៤គ្រួសារ មុនថ្ងៃភ្ជុំបិណ្ឌ១ថ្ងៃគឺនៅព្រឹកថ្ងៃទី១១ ខែតុលា ឆ្នាំ២០១៥ បានមកទទួលថវិកាមរណៈសង្គ្រោះ ពីសមាគមអតីតយុទ្ធជនកម្ពុជា ដែលពិធីប្រគល់ថវិកានេះបានធ្វើឡើងនៅក្នុងតំបន់ប្រតិបត្តិ
ការសឹករងខេត្តកំពង់ឆ្នាំង ក្រោមអធិបតីភាព ឯកឧត្តម ឈួរ ច័ន្ទឌឿន អភិបាលខេត្តនិងជាប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ឆ្នាំង ដោយមានចូលរួមពីលោកឧត្តមសេនីយ៍ត្រី ធន់ធឿន ប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង លោក ថោង ចំរើន អនុប្រធានសមាគម លោក លោកស្រីប្រធានអង្គភាពជុំវិញខេត្ត ព្រមទាំងក្រុមគ្រួសារសពសមាជិកសមាគមជាច្រើនរូបទៀត។
ឯកឧត្តម ឈួរ ច័ន្ទឌឿន អភិបាលខេត្តនិងជាប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ឆ្នាំងបានមានប្រសាសន៍ថា៖រាជរដ្ឋាភិបាលកម្ពុជា ដែលមានសម្តេចមហាអគ្គសេនាបតីតេជោ ហ៊ុន សែន នា យករដ្ឋមន្ត្រីនៃព្រះ រាជជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ជានិច្ចជាកាលសម្តេចបានយកចិត្តទុកដាក់យ៉ាងខ្លាំងដល់ជីវភាពរស់នៅប្រចាំថ្ងៃ របស់បងប្អូនអតីតយុទ្ធជន និងគ្រួសារ ដោយបានអនុវត្តគោលនយោបាយជាតិចំពោះអតីតយុទ្ធជននិងក្រុមគ្រួសារអតីតយុទ្ធជន។ សម្តេចបានលើកឡើងនៅក្នុងមហាសន្និបាតសមាគមអតីតយុទ្ធជនថា៖ ជ័យជំនអ៧មករា សុខសន្តិភាព និងអ្វីៗទាំងអស់ដែលមាននៅក្នុងពេលនោះ មិនអាចតាក់ផ្តាច់បានពីគុណបំណាច់ របស់អតីតយុទ្ធជនយើង និងក្រុមគ្រួសារគេឡើយ។
ឯកឧត្តម ឈួរ ច័ន្ទឌឿន បានមានប្រសាសន៍បន្តទៀតថា៖ ឯកឧត្តម សូមចូលរួមរំលែកទុក្ខ ពីសំណាក់ក្រុមគ្រួសារសពអតីតយុទ្ធជនទាំងអស់ ជាពិសេសបងប្អូនជាក្រុមគ្រួសារសពដែលមកទទួលថវិកាមរណៈសង្គ្រោះនៅពេលនេះ ហើយក៏សុំអភ័យទោសផងដែរ ចំពោះការយឺតយ៉ាវក្នុងការប្រគល់ប្រាក់នេះកន្លងមក ប៉ុន្តែទន្ទឹមនិងការយឺតយ៉ាវនេះ នៅថៃ្ងនេះបងប្អូនបានទទួលប្រាក់មរណៈសង្គ្រោះនេះហើយក្នុង១គ្រួសារ៤លានរៀល ដែលនេះគែជាការគិតគូរយ៉ាងខ្លាំងពីសម្តេច ហ៊ុន សែន ជាប្រធានសមគមអតីតយុទ្ធជន ដើម្បីអោយបងប្អូនបានប្រាក់សំរាប់យកទៅធ្វើបុណ្យទានឧទ្ទិសកុសលអោយប្តីឬកូននៅក្នុងពេលបុណ្យភ្ជុំបិណ្ឌនេះ។
ឯកឧត្តម ឈួរច័ន្ទឌឿន ក៏បានផ្តាំផ្ញើរដល់ក្រុមគ្រួសារអតីតយុទ្ធជន ជាសមាជិកសមាគម ដែលបាន ម កទទួលថវិការមរណៈសង្គ្រោះពេលនេះថា៖ សូមបងប្អូនយកថវិកានេះទៅប្រើប្រាស់អោយបានចំគោលដៅ ដើ ម្បីជាអត្ថប្រយោជន៍ក្នុងការដោះបន្ទុកផ្សេងៗ និងប្រើប្រាស់តាមតម្រូវការចាំបាច់នៅក្នុងគ្រួសាររបស់ខ្លួននិង សូមបងប្អូនរក្សាទុកនូវសលាកបត្រទទួលប្រាក់នេះអោយបានត្រឹមត្រូវព្រោះសម្រាប់ជាប្រយោជន៍ទៅថ្ងៃក្រោ យ និងទុកសំរាប់អោយកូនចៅជំនាន់ក្រោយបានដឹងពីគំរូវីរៈភាពរបស់ ប្តីឬកូនចៅ ដែលបានលះបង់ជីវិតដើម្បីបុព្វហេតុជាតិនិងមាតុភូមិកម្ពុជា។
នៅក្នុងពេលនោះដែរក្រុមគ្រួសារអតីតយុទ្ធជន ក៍បានថ្លែងអំណរគុណយ៉ាងជ្រាវជ្រៅផងដែរដល់សមា
គមអតីតយុទ្ធជន ដែលមានសម្តេច ហ៊ុន សែន ជាប្រធាន និងប្តេជ្ញាគាំទ្រសមអោយសម្តេចធ្វើជាប្រធានសមា គមអតីតយុទ្ធជន និងជានាយករដ្ឋមន្ត្រីគ្រប់អាណត្តិ ដើម្បីបានជួយដឹកនាំប្រទេសជាតិអោយមានការរីកចំរើន និងបានជួយដោះស្រាយគោលនយោបាយជូនអតីតយុទ្ធជននិងក្រុមគ្រួសាររហូតតទៅ។
សូមបញ្ជាក់ថា៖ កាលពីថៃ្ងទី៧ ខែតុលា ឆ្នាំ២០១៥មុននេះ ក្រុមគ្រួសារអតីតយុទ្ធជនចំនួន៦១គ្រួសារក៏បានទទួលប្រាក់មរណៈសង្គ្រោះ រួចម្តងហើយក្រោមអធិបតីភាពឯកឧត្តម គន់ គីម អគ្គលេខាធិការសមាគមអតីតយុទ្ធជន និងមកដល់ថៃ្ងទី១១ ខែតុលានេះ សមាគមក៏បានបើកជូនដល់ក្រុមគ្រួសារអតីតយុទ្ធជនចំនួន៦៤គ្រួសារទៀត ដែលសរុបគឺបានចំនួន១២៥គ្រួសារ ស្នើនិងទឹកប្រាក់១២ម៉ឺន៥ពាន់ដុល្លា៕
