. ឧត្តរមានជ័យ៖កាលពីវេលាម៉ោង១៥និង១៣នាទីថ្ងៃទី១៣ ខែតុលា ឆ្នាំ២០១៥ លោកវរសេនីយ៍ទោហម ភិរម្យ អធិការនគរបាលស្រុកបន្ទាយអំពិល បានអោយដឹងថា មានករណីគ្រោះថ្នាក់ចរាចរណ៍ មួយរវាងរថយន្តនិងម៉ូតូ ស្របទិសគ្នាពីកើត ទៅលិច លើផ្លូវជាតិលេខ៥៦A.ត្រុងចំណុចភូមិសិង្ហ ឃុំគោកមន ស្រុកបន្ទាយអំពិស ខេត្តឧត្តរមានជ័យ បានទៅបុកជនរងគ្រោះដែលកំពុងជិះម៉ូតូនោះ បណ្តាលឲ្យរងរបួសយ៉ាងធ្ងន់ធ្ង។លោកវរសេនីយ៍ទោ ហម ភិរម្យ អធិការនគរបាលស្រុកបានបន្តទៀតថា ជនបង្ករឈ្មោះឡៅ បូឡា ភេទប្រុសអាយុ៣៥
ឆ្នាំរស់នៅភូមិត្រពាំងអំពិល ឃុំគោកមន ស្រុកបន្ទាយអំពិល បើករថយន្តCAMRYពណ៍ទឹកបុិច ពាក់ស្លាកលេខភ្នំពេញ២.I-៨៦៩៨ម្ចាស់គ្មានរបួស។ជនរងគ្រោះ មានឈ្មោះង៉ាម កុសល់ ភេទប្រុសអាយុ៣៨ឆ្នាំ រស់នៅភូមិស្លាកន្សែង សង្កាត់សៀមរាប ក្រុងនិងខេត្តសៀមរាប បើកម៉ូតូ ហុងដាទ្រីមC១២៥ពណ៍ ខ្មៅ
ពាក់ស្លាកលេខ សៀមរាប១Q-៣១ ៣៨ មុខរបរជាទាហាន នៅប្រាសាទតាមាន់ រងរបួសធ្ងន់ បានបញ្ជូនមកមណ្ឌលសុខភាពគោកមន។ករណីនេះកម្លាំងជំនាញបានដកហូតសំភារះវត្ថុតាងមករក្សាទុកនៅអធិការដ្ឋាននគរបាលស្រុករងចាំដោះស្រាយគ្នាទៅតាមផ្លូវច្បាប់៕
