. ឧត្តរមានជ័យ៖ កាលពីវេលាម៉ោង១២និង៥០នាទីថ្ងៃទី១៣ ខែតុលា ឆ្នាំ២០១៥ ស្ត្រីម្នាក់រងរបួសយ៉ាងធ្ងន់ធ្ងដោយរថយន្ត របស់ជនជាតិថៃ ម្នាក់បានបុកយ៉ាងពេញទំហឹងនោះ។លោកវរសេនីយ៍ត្រីធូ សុភា ប្រធានការិយាល័យ សណ្តាប់ធ្នាប់ក្រុងបានអោយដឹងថា រថយន្តនិងម៉ូតូ ក្នុងទិសដៅស្របគ្នា រវាងរថយន្តតូចនិងម៉ូតូ នៅលើផ្លូវជាតិលេខ៦៨ ស្ថិតនៅក្នុងភូមិគីវីវន្ត សង្កាត់កូនក្រៀល ក្រុងសំរោង ខេត្តឧត្តរមានជ័យ បណ្តាលឲ្យស្ត្រីម្នាក់រងរបួសធ្ងន់១ម្នាក់។លោកវរសេនីយ៍ត្រីធូ សុភា ប្រធានការិយាល័យ សណ្តាប់ធ្នាប់ក្រុងបានបន្តទៀតថា ជនរងគ្រោះដែលត្រូវរថយន្តបុក រងរបួសធ្ងន់នោះ មានឈ្មោះឡៅ សុភា ភេទស្រីអាយុ៤០ឆ្នាំ 
រស់នៅភូមិបុស្ស សង្កាត់កូនក្រៀល ក្រុងសំរោង ខេត្តឧត្តរមានជ័យ(រងរបួសធ្ងន់)។អ្នកបើករថយន្ត ឈ្មោះប៊ុនម៉ា ហមផាម៉ា ភេទប្រុសអាយុ៤៣ឆ្នាំ(ជនជាតិថៃ)រស់នៅភូមិវាំងឆាក់អុំ ឃុំភូទើយ ស្រុកវិឈានបុរី ខេត្តភេតឆាក់ប៊ុន មូលហេតុ៖មិនគោរពសិទ្ធអត្តិភាព ហើយភ្លាមៗនោះ ជនរងគ្រោះត្រូវបានសមត្ថកិច្ចសណ្តាប់ធ្នាប់បញ្ជូនទៅកាន់មន្ទីរពេទ្យខេត្ត រីឯរថយន្តនិងម៉ូតូត្រូវបានសមត្ថកិច្ចយកទៅរក្សាទុករងចាំដោះស្រាយគ្នាទៅតាមផ្លូវច្បាប់៕
