ខេត្តរឧត្តរមានជ័យ ៖ក្មេងទំនើង២នាក់ក្នុងចំណោមបក្ខពួក២ក្រុមផ្សេងគ្នា ត្រូវបាននគរបាលក្រុងសំរោង ធ្វើការ ឃាត់ខ្លួនយកទៅសួរនាំ ក្រោយពីបានធ្វើសកម្មភាពវាយកាប់ចាប់គ្នា បណ្តាលឲ្យយុវនម្នាក់រងរបួសបែក ក្បាល និងបង្កឲ្យមានមនុស្សរងរបួសជាច្រើននាក់ កាលពី
វេលាម៉ោង៩និង២០នាទីយប់ថ្ងៃទី១៣ ខែតុលា ឆ្នាំ២០១៥។
ជនសង្ស័យដែលត្រូវនគរបាលចាប់ខ្លួន១/ឈ្មោះ រឿត រដ្ឋា ភេទប្រុស អាយុ២៦ឆ្នាំ ២/ឈ្មោះ រឿត ចាន់ឌី ភេទប្រុស អាយុ២២ឆ្នាំ ពួកគេជាបងប្អូនបង្កើតនិងគ្នា រស់នៅភួមិត្របែក សង្កាត់បុស្បូវ ក្រុងសំរោង ខេត្តឧត្តរមានជ័យ។ដោយឡែកមនុស្ស៧នាក់ផ្សេងទៀតដែលរងរបួសធ្ងន់ស្រាលត្រូវបាន នគរបាលដោះលែងឲ្យត្រឡប់ទៅលំនៅដ្ឋានវិញ។
អធិការនគរបាលក្រុងសំរោង លោក ស៊ុន សាន បានឲ្យដឹងនៅថ្ងៃទី១៤ ខែតុលា ឆ្នាំ២០១៥ នេះថា មុនពេលចាប់ខ្លួនមានយុវជន២ក្រុមមានគ្នាប្រមាណពី៧ទៅ១០នាក់ បានមានជម្លោះពាក្យសម្តី គ្នា ក្នុងពេលរាំធុងបាស់តាមវត្តនារដូវភ្ជុំ ក្រោយមកពួកគេបានវាយកាប់ចាក់គ្នារហូតបង្កឲ្យមានមនុស្ស របួសធ្ងន់និងស្រាលជាច្រើននាក់ ភ្លាមនោះសមត្ថកិច្ចយើងបានធ្វើឃាត់ខ្លួនក្មេងទំនើងទាំងនោះបាន មួយក្រុម យកមកសួរនាំទើបដឹងថា២នាក់ខាងលើជាអ្នកប្រព្រឹត្ត ហើយអ្នករបួស៧នាក់ត្រូវបានអនុ ញាតិឲ្យត្រលប់ទៅផ្ទះវិញ។
បច្ចុប្បន្នសមត្ថកិច្ច កំពុងសួរនាំនិងកសាងសំណុំរឿងបញ្ជូនជនសង្ស័យ២នាក់ខាងលើទៅតុលា ការចាត់ការតាមច្បាប់៕
