បន្ទាយមានជ័យ៖ នៅសាលប្រជុំសាលាខេត្តក្រុមប្រឹក្សាខេត្ត គណះអភិបាលខេត្តបន្ទាយមានជ័យព្រមទាំង កងកម្លាំងប្រដាប់អាវុធ មន្ត្រីរាជការ ប្រជាពលរដ្ឋប្រមាណជាង២០០នាក់បានចូលរួមគោរពវិញ្ញាណក្ខន្ធ ព្រះករុណា ព្រះបាទសម្ដេចព្រះនរោត្ដម សីហនុ ព្រះមហាវីរក្សត្រ
ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ គម្រប់ខួប៣ឆ្នាំនាព្រឹកថ្ងៃទី១៥ ខែតុលា ឆ្នាំ២០១៥ ។
បន្ទាប់ពីលោក គោស៊ុំ សារឿត អភិបាលខេត្តបន្ទាយមានជ័យបានលើកឡើងពីព្រះរាជជីវប្រវត្តិសង្ខេបរបស់ព្រះករុណា ព្រះបាទនរោត្តម សីហនុ ព្រះបរមរតនកោដ្ឋរួចមកក៏ឈានដល់ពិធីគោរពព្រះវិញ្ញាណក្ខន្ធព្រះបរមរតនកោដ្ធនិងឧទ្ទិសបង្សុកូលថ្វាយព្រះរាជកុសលដល់ ព្រះបរមរតនកោដ្ឋ្។ព្រះករុណា ព្រះបាទនរោត្តម សីហនុ ព្រះបរមរតនកោដ្ឋបានយាងចូលទិវង្គតនៅថ្ងៃទី១៥ ខែតុលា ឆ្នាំ២០១២ នៅក្រុងប៉េកាំង ប្រទេសចិន ទីដែលព្រះអង្គយាងទៅពិនិត្យ ព្រះរាជសុខភាព។ ព្រះអង្គយាងចូលទិវង្គត ក្នុងព្រះជន្មាយុ៩០ព្រះវស្សា។ក្នុងពិធីនេះក៏មានការចែកអំណោយដល់តាជីយាយជីផងដែរ៕
