ខេត្តសៀមរាប៖ សណ្ឋាគារ The Luxury Concepf ត្រូវបាន ទុស្សេខ្សែភ្លើងឆេះអស់មួយបន្ទប់ជាន់ក្រោមទាំងព្រឹកព្រលឹម បណ្តាលឲ្យភ្ញៀវបរទេសភ័យនាំគ្នារត់ចេញក្រៅបន្ទប់និង អ្នកជិតខាងព្រមទាំង ក្រុមគ្រួសារ នាំគ្នាមកជួយ យកបំពង់បាញ់ពន្លត់អគ្គិភ័យអស់ចំនួន១០បំពង់
តូច ពន្លត់បានដោយជោគជ័យ។
ហេតុការបង្កឱ្យមានការភ្ញាក់ផ្អើលទាំងព្រឹកនេះកើតឡើងកាលពីវេលាមោ់ង៦និង០០នាទីព្រឹកថ្ងៃទី១៥ ខែតុលា ឆ្នាំ២០១ចំនឹងថ្ងៃគោរពរវិញ្ញាណខ័ន្តរបស់សម្តេចឪ សម្តេចតា ទូទាំងប្រទេស ស្ថិតនៅចំនុចជាប់របងអតីតមន្ទីរអប់រំយុវជននិងកីឡាខេត្ត ទល់មុខផ្ទះសំណាក់ យីហោ ឡេ ឌីបាក់ ក្នុងក្រុមទី១៤ ភូមិ វិហារចិន សង្កាត់ស្វាយដង្គំ ក្រុងសៀមរាប។
តាមសម្តីពីម្ចាស់សណ្ឋាគារបានប្រាប់ថា មុនកើតហេតុលោកមិនបានដឹងថា មានភ្លើងឆេះចេញពីបន្ទប់នោះទេ ព្រោះបន្ទប់ដែលឆេះនេះគ្មានភ្ញៀវស្នាក់នៅក្នុងនោះទេ ហើយខ្ញុំបានដោតកង្ហាទុកនៅក្នុងបន្ទប់នោះចោល ស្រាប់តែហុយផ្សែងចេញពីក្នុងបន្ទប់ជាន់ក្រោមនោះ ខ្ញុំសន្និដ្ឋានថា មកពីទុស្សេខ្សែកង្ហានោះ ទើបខ្ញុំបានទូរស័ព្ទទៅប្រាប់មេប៉ុស្តិ៏ស្វាយដង្គំឱ្យមកជួយអន្តរាគមន៍ដើម្បីហៅឡានទឹក ប៉ុន្តែមួយសន្ទុះក្រោយមកក៍នៅមិនឃើញឡានទឹករបស់នគរបាល រហូតដល់ឆេះហុយខ្លាំងទៅៗគ្មាននរណាចូលបាន ដើម្បីពន្លត់បានឡើយ មានតែប្រើបំពង់បាញ់ពន្លត់អស់ចំនួន១០បំពង់ហើយ ទើបឃើញឡានទឹករបស់កងរាជអាវុធហត្ថខេត្តមកដល់ជួយបាញ់ពន្លត់បន្ថែម។
តាមប្រភពពីកងរាជអាវុធហត្ថក្រុងបានប្រាប់ថា មុនពេលកើតហេតុត្រូវបានម្ចាស់សណ្ឋាគារទូរស័ព្ទហៅមន្ត្រីនគរបាលប៉ុស្តិស្វាយដង្គំឱ្យមកជួយអន្តរាគមន៍ ដើម្បីជួយហៅរថយន្តពន្លត់អគ្គិភ័យរបស់ស្នងការនគរបាលខេត្ត ប៉ុន្តែត្រូវបានខាងនគរបាលប៉ុស្តិស្វាយដង្គំហៅតាម Icomតែគ្មានអ្នកទទួល។ប្រភពបានបន្តថា ក្រោយពីលឺតាមIcomថា មានភ្លើងឆេះសណ្ឋាគារនៅជិតសាលារៀនស្ទឹងថ្មី ខាងលោកក៏ត្រូវបានមេបញ្ជាឱ្យរថយន្តពន្លត់អគ្គិភ័យចេញទៅជួយអន្តរាគមន៍ភ្លាមៗ។ប្រភពបានបន្ថែមទៀតថា ក្រោយពីចេញឡានទឹកចំនួន១ឡាន មកដល់ភ្លាមក៏ជួយនាំគ្នាទាញទុយោបាញ់ចូលទៅក្នុងបន្ទប់ដែលឆេះនោះប្រើអស់ទឹក១ឡាននិងបំពង់បាញ់ពន្លត់អគ្គិភ័យអស់ចំនួន១០បំពង់តូច ទើបអាចទប់ស្ថានភាពបាន ។ប្រភពបានបញ្ជាក់ថា ម្ចាស់សណ្ឋាគារមានឈ្មោះ សាំង វិទូ ភេទប្រុសអាយុ៤៥ឆ្នាំរស់នៅភូមិ សង្កាត់កើតហេតុខាងលើ ។ចំណែកសម្ភារៈខូចខាតដែលត្រូវឆេះដោយសារទុស្សេខ្សែភ្លើងនៅក្នុងបន្ទប់គ្មានភ្ញៀវដេកនោះមានៈពូក១,ភួយ១,កន្លែងពោះគោនិងកង្ហារចំនួន១ ។ប៉ុន្តែមិនបង្កឲ្យរងគ្រោះប៉ះពាល់ដល់ភ្ញៀវដែលបានចូលស្នាក់នៅក្នុងបន្ទប់ផ្សេងៗទេ៕
ឧត្តម+សុផាត
