ស្ទឹងត្រែង៖ជនសង្ស័យចំនួន៥នាក់ដាក់អន្ទាក់សត្វព្រៃជាប់សត្វគោ របស់ជំទប់ឃុំបាននាំគ្នាកាប់ផ្លះយកសាច់ចែកគ្នា ត្រូវបានកំលាំងនគរបាលប៉ុស្តិ៍តាឡាត ចាប់បញ្ជូនខ្លួនកមកាន់ស្នងការដ្ឋាននគរបាលខេត្តកាលពីល្ងាចថ្ងៃទី១៤តុលាម្សិលមិញនេះ។
ជនសង្ស័យទាំង៥នាក់ពាក់ព័ន្ធនិងការលួចគោនេះ ត្រូវបានសមត្ថកិច្ចធ្វើការឃាត់ខ្លួនជាបន្តបន្ទាប់ ចាប់ពីយប់ថ្ងៃទី១៣រហូតដល់ព្រឹកថ្ងៃទី១៤ខែតុលាឆ្នាំ២០១៥នៅក្នុងភូមិខ្សាច់ថ្មី ឃុំតាឡាត ស្រុកសេសាន ខេត្តស្ទឹងត្រែង។
សមត្ថកិ្ចនគរបាលប៉ុស្តិ៍បានអោយដឹងថាជនសង្ស័យទាំង៥នាក់ពាក់ព័ន្ធពីបទលួចដែលសមត្ថកិច្ចឃាត់ខ្លួនមាន១ឈ្មោះឡៅ ថុន ភេទប្រុសអាយុ២៦ឆ្នាំ ២ឈ្មោះថៃ ម៉ាភេទប្រុស អាយុ២០ឆ្នាំ ៣ឈ្មោះតូ ចំរ៉ុង ភេទប្រុស អាយុ២២ឆ្នាំ អ្នកទាំ៣កសិករ រស់នៅភូមិខ្សាច់ថ្មី ឃុំតាឡាត ស្រុកសេសាន ៤ឈ្មោះសាយ សុខុម ភេទប្រុស អាយុ១៣៣ឆ្នាំ និង៥ឈ្មោះចាន់ថៃសាយ ភេទ ប្រុសអាយុ២ឆ្នាំ កសិករ មានទីលំនៅក្នុងភូមិក្របីជ្រុំ ឃុំក្បាលរមានស្រុលសេសាន ខេត្តស្ទឹងត្រែង។ចំណែកម្ចាស់គោជាជំទប់ឃុំទី១ឃុំតាឡាត។
សមត្ថកិច្ចបានបន្តអោយដឹងទៀតថាជនសង្ស័យទាំង៥នាក់ ពួកគេបានដាក់អន្ទាក់យកសត្វព្រៃនៅក្នុងព្រៃមួយកន្លែង ខណដែលពួកគេបាននាំគ្នា ទៅមើលអន្ទាក់ដាក់យកសត្វព្រៃ បែរជាជាប់សត្វស្រុក(គោ)ទៅវិញ។ពេលនោះពួកគេមិនបានដោះលែងទេ បែរជានាំគ្នាកាប់យកសាប់ផ្លះចែកគ្នាទៅវិញ។រឿងនេះបានបែកធ្លាយទៅដល់ម្ចាស់គោ ជាជំទប់ទីឃុំតាឡាត បានដាក់ពាក្យបណ្តឹងទៅនគរបាលប៉ុស្តិ៍តាឡាត និងបានធ្វើការចុះឃាត់ខ្លួនទាំងយប់បាន២នាក់ ព្រឹកឡើងទើបបន្តឃាត់ខ្លួនចំនួន៣នាក់ទៀតរួននិងម៉ូតូ២គ្រឿង នាំមកកាន់ស្នងការដ្ឋាននគរបានខេត្តចាត់ការបន្ត។
នៅព្រឹកថ្ងៃទី១៥តុលានេះជនសង្ស័យទាំង៥នាក់ ត្រូវបានកំលាំងការរិយាល័យព្រហ្មទណ្ឌកំរិតស្រាល រៀបចំសំណុំរឿងពាក់ព័ន្ធក្នុងករណីខាងលើ បញ្ជូនខ្លួនទៅកាន់អយ្យការ អមសាលាដំបូងខេត្ត ដើម្បីចាត់វិធានការតាមផ្លូវច្បាប់៕
