កំពង់ធំៈ ឈ្មួញឈើដុះស្លែរ ខេត្តព្រះវិហារ ដែលជាជំនាញប៉ាវផ្តាច់ផ្លូវជាតិលេខ ៦២ ត្រូវបានសមត្ថកិច្ច ឃាត់រថយន្ត ដឹកឈើ ប្រភេទរថយន្តសាំយ៉ាង ដឹកឆ្លងកាត់ខេត្តកំពង់ធំ ត្រូវលោក សាយ ណូរ៉ា ព្រះរាជអាជ្ញារងអមសាលាដំបូងខេត្តកំពង់ធំ ឃាត់រថយន្តកាលពីថ្ងៃទី ២ ខែ ឧសភា ឆ្នាំ ២០១៤ និងបានប្រគល់ រថយន្ត នឹងវត្ថុតាងបញ្ជូនឲ្យផ្នែករដ្ឋបាលព្រៃឈើស្ទោង រក្សាទុក ។
រហូតមកដល់ពេលនេះ ត្រូវបានព្រះរាជអាជ្ញាអមសាលាដំបូងកោះឲ្យឈ្មួញឈើ ដើម្បីឲ្យចួលខ្លួនមកបំភ្លឺ នៅព្រឹកថ្ងៃទី ៥ ខែ ឧសភា ឆ្នាំ ២០១៤ នៅបន្ទប់អាយ្យកា បន្ទាប់ពីឃាត់ខ្លួនធ្វើការសាកសួរ លោកព្រះរាជ អាជ្ញាបានសម្រេចឃាត់ខ្លួន ចែរ៉ា តាមការបញ្ជារបស់លោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ និងបញ្ជូនមកឲ្យផ្នែករដ្ឋបាលព្រៃឈើ ចាត់ការតាមនិតិវិធីនៃច្បាប់ ។
ប្រជាពលរដ្ឋ មានសេចក្តីត្រេតអរ ចំពោះព្រះរាជអាជ្ញា ដែលបានបំពេញតាមតួនាទី ដ៏ត្រឹមត្រូវ មិនលំអៀង ដើម្បីលុបបំបាត់ អំពើពុករលួយ ព្រោះកន្លងមក ខេត្តកំពង់ធំ មិនសូវមាននណាម្នាក់ ហ៊ានធ្វើអ្វីនោះទេ ដោយសារ សុទ្ធតែបងប្អូន កូនចៅ សាច់ឈាមគេទាំងអស់ ចំពោះថ្នាក់ដឹកនាំ ក៏សុទ្ធតែកូនក្មួយគេ អញ្ចឹង ហើយបានជា ខេត្តកំពង់ធំ បានក្លាយទៅជាជម្រុកនៃអំពើពុករលួយ ។
ក្នុងនោះដែរ ប្រជាពលរដ្ឋ បានសំណូមពរ ឲ្យស្ថាប័នតុលាការ ចាត់ការជាមួយ មន្ត្រីកងកម្លាំងប្រដាប់អាវុធ និងស្ថាប័នស៊ីវិល មួយចំនួនដែលបាន លបលួច ឃុបឃិតគ្នាយករថយន្តដឹកបទល្មើស ដែលចាប់បាន យក ទៅជិះនិងប្រើប្រាស់ជាផលប្រយោជន៍ ផ្ទាល់ខ្លួនមិនតែប៉ុណ្ណោះ ជនទាំងនេះបានយករថយន្តទាំងនេះទៅជិះ ប្រដេញរថយន្តបទល្មើសឈើ អោយប្រសាចដោយគ្មានញញើតពីច្បាប់បន្តិចឡើយ ជាពិសេសកន្លងមក សមត្ថកិច្ច ជំនាញ ឬសមត្ថកិច្ចកងរាជអាវុធហត្ថ
មួយចំនួនបានចាប់បានតែ រថយន្តដឹកបទល្មើស ចំណែកឯ ម្ចាស់រថយន្តមិនដែលចាប់បានម្តងណាឡើយ ទើបតែលោក អ៊ិត សុធា ព្រះរាជអាជ្ញា និងព្រះរាជអាជ្ញារង ដែលទើបតែមកកាន់តំណែងថ្មី បានបើកឆាកចំនួន២ករណី ចាប់ម្ចាស់មក ផ្តន្ទាទោសតាមច្បាប់បានទោះជាសកម្មភាពឃាត់រថយន្ត ចាប់ម្ចាស់ពុំបានមែន តែលោកព្រះរាជអាជ្ញា មានល្បិចហៅម្ចាស់ឡាន មកចូលទ្រុងតាមក្រោយបាន សកម្មភាពរបស់លោក ព្រះរាជអាជ្ញា បានឆ្លុះបញ្ជាំងឲ្យឃើញពី ការស្មោះត្រង់ អនុវត្តន៍តាមតួនាទីរបស់ខ្លួននិងជាគោលជំហរ ដ៏រ៉ឹងមាំសម្រាប់មូលដ្ឋានគ្រិះនៃអំពើយុត្តធម៌ និងសេចក្តីជឿជាក់របស់ប្រជាពលរដ្ឋ នឹងការអនុវត្តន៍ ច្បាប់របស់តុលាការ ។
ក្នុងនោះដែរ មហាជនទូទៅបាន សំណូមពរ ឲ្យលោកអ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ ជួយឆ្កេះសំណុះរឿង ករណីលោកវរៈសេនីយ៍ត្រី សេង ប៊ុនតេង កងរាជអាវុធហត្ថខេត្តកំពង់ធំ បានចាប់រថយន្តក្រុងចូល ទៅក្នុងបន្ទាយកងរាជអាវុធហត្ថខេត្តកំពង់ធំ ព្រមទាំងមានការឃុបឃិតគ្នា ដោយបិទទ្វាររបងបន្ទាយមិនឲ្យ លោក ប៉ែន សារ៉ាត ព្រះរាជអាជ្ញាខេត្តកំពង់ធំ
និងសមត្ថកិច្ចជំនាញមេព្រៃ ព្រមទាំងអ្នកសាតពត៌មានចូលទៅថតរូប និងបានធ្វើសកម្មភាព លួចឈើគ្រញូងអស់ចំនួន៧ដុំ ដែលមានមុខកន្លះម៉ែត្រប្រវែង២ និងជាង ២ម៉ែត្រ រហូតមកដល់ពេលនេះ ចំនួនឈើទាំង៧ដុំ មិនទាន់ឃើញប្រគល់មកឲ្យសមត្ថកិច្ចជំនាញព្រៃឈើ នៅឡើយទេ ។
