ខេត្តកំពង់ឆ្នាំង៖របងនិងបង្គោលផ្លាកសាលាសង្កាត់ខ្សាមបានរលំបាក់ខូចខាតទាំងកណ្តា
លយប់ ដោយសាររថយន្តឡុចស៊ីសរបស់លោកស្រីម្ចាស់សណ្ឋារគារអាស៊ី បើកយ៉ាងលឿននៅផ្លូវបត់កោងគេចឆ្កែ ជ្រុលចង្កូតបុកយ៉ាងពេញទំហឹង។ករណីនេះបានកើតឡើងនៅវេលាម៉ោង៩និង៣០នាទីយប់ ថ្ងៃទី១៥ ខែតុលា ឆ្នាំ២០១៥ នៅលើផ្លូវជាតិលេខ៥ ស្ថិត
នៅក្នុងភូមិទី២ សង្កាត់ខ្សាម ក្រុងកំពង់ឆ្នាំង។ ក្រោយពេលបង្កហេតុគេបានបើករថយន្តទាំងខូច អូសកាងមុខនិងកាងក្រោយគេចខ្លួន ទោះបីសមត្ថកិច្ចឃាត់ក៏មិនស្តាប់ឡើយ ព្រោះតែខ្លាចអ្នកកាសែតថតរូបភាព។
សមត្ថកិច្ចនគរបាលប៉ុស្តិរដ្ឋបាលសង្កាត់ខ្សាមដែលនៅជាប់កន្លែងកើតហេតុ និងស
មត្ថកិច្ចនគរបាលចរាចរណ៍ក្រុងកំពង់ឆ្នាំងបានអោយដឹងថា៖ មុនពេលកើតហេតុគេឮសូរ
ឆ្កែស្រែកញេចៗ បន្ទាប់មកក៏ឮសូររថយន្តបុករបងបង្គោលថ្មផ្លាកសាលាសង្កាត់ខ្សាមលាន់
គ្រាំងយ៉ាងខ្លាំង ធ្វើអោយរថយន្តបង្កម៉ាកឡុចស៊ីសពណ៌ទឹកមាស អត់ស្លាកលេខ ដែល
បើកបរពីលិចមកកើត បើកបុករបងបង្គោលថ្មរួចក៏បានបែរក្បាលវិលទៅទិសខាងលិចវិញ
ដែលគេសន្និដ្ឋានថាមានល្បឿនប្រមាណ១០០គីឡូម៉ែត្រក្នុង១ម៉ោង។
ក្រោយពេលកើហេតុគេឃើញមានមនុស្សជិះក្នុងរថយន្ត៣នាក់ ក្នុងនោះក៏មានវត្ត
មានលោកស្រីម្ចាស់សណ្ឋាគារអាស៊ី រស់នៅក្នុងភូមិកណ្តាល សង្កាត់កំពង់ឆ្នាំង ប្តីក្រោយ
របស់នាង និងមនុស្សម្នាក់ផ្សេងទៀត ចុះមកមើលរថយន្តមួយភ្លែត បន្ទាប់មកគេក៏ឡើង
បើករថយន្តខូចកំពិតតែនៅឆេះ អូសទាំងកាងបុខនិងកាងក្រោយរាកខាកៗ ពេញផ្លូវគេច
ខ្លួនទៅសណ្ឋាគារ ទោះបីសមត្ថកិច្ចឃាត់យ៉ាងណាក៏គេមិនឈប់ឡើយ ប៉ុន្តែគេបានស្រែ
កប្រាប់ថា គេនិងជួលជុលការខូចខាតទាំងអស់អោយវិញ។ករណីនេះសមត្ថកិច្ចចាត់ទុកថាជាការសំណាងហើយ ដែលរថយន្តទំនើបបានផ្ទុះពោងការពារម្ចាស់ដែលមានផ្ទៃពោះនិងអ្នកជិះនៅក្នុងរថយន្ត បើពុំនោះទេគេអាចនឹងមានគ្រោះថ្នាក់ធ្ងន់ធ្ងរមិនខានឡើយ។
សមត្ថកិច្ចបានអោយដឹងទៀតថា៖ក្រោយពីការគេចខ្លួនខ្លាចអ្នកកាសែតថត លោក
ស្រីម្ចាស់សណ្ឋាគារអាស៊ីរូបនោះ បានយយរថយន្តបង្កនោះទៅគ្រប់លាក់ទុកក្នុងសណ្ឋា
គារ។ករណីនេះសមត្ថកិច្ចនិយាយថា និងអោយលោកចៅសង្កាត់ខ្សាមធ្វើរបាយការណ៍
នៃការខូចខាតនិងការទាមទារសំណងជួលជុល ដាក់មកអធិការដ្ឋាននគរបាលក្រុងកំពង់ឆ្នាំង ដើម្បីសមត្ថកិច្ចកោះអញ្ជើញលោកស្រីម្ចាស់រថយន្តមកដោះស្រាយគ្នាបញ្ចប់រឿង។
តាមការសន្និដ្ឋាន ការជួសជុលការខូចខាតទាំងនោះអស់ប្រមាណពី២០០ទៅ៣០០ដុល្លា
តែប៉ុណ្ណោះ លោកស្រីម្ចាស់រថយន្តមិនខ្វះលុយអោយឡើយ៕
