ខេត្តបន្ទាយមានជ័យ នៅព្រឹកថ្ងៃទី១៦ខែតុលាឆ្នាំ២០១៥នេះមន្ទីរអប់រំខេត្តបន្ទាយមានជ័យបានឲ្យលោកគ្រូនិងអ្នកគ្រូនិងសិស្សានុសិស្សជាច្រើនរយនាក់បានធ្វើការដង្ហែក្បួននៅតាមដងផ្លូវសាធារណៈដើម្បីធ្វើការផ្សព្វផ្សាយដល់មាតាបិតាសិស្សទូទាំងខេត្តបន្ទាយមានជ័យ ដែលមានកូនចាប់ពីអាយុ៦ឆ្នាំឡើងនាំគ្នារូតរះប្រញាប់ប្រញាល់យកឯកសារពាក់ពន្ធដើម្បីយកកូនទៅចុះឈ្មោះចូលរៀនឆ្នាំសិក្សា២០១៥ឆ្នាំសិក្សា២០១៦។
ក្នុងការសិស្សដង្ហែក្បួនធ្វើការផ្សព្វផ្សាយនោះអ្នកគ្រូឆាន់ច័ន្ទសោភាជាគ្រូបង្រៀននៅសាលាសម្តេចឪបានឲ្យដឹងថាថ្ងៃនេះមន្ទីរអប់រំខេត្តបន្ទាយមានជ័យ បានឲ្យលោកគ្រូនិងអ្នកគ្រូទាំងអស់ព្រមទាំងសិក្សានុសិស្សជាច្រើនរយនាក់បាននាំគ្នាកាន់បដាដែលមានពាក្យស្លោកថា សូមឲ្យសិស្សានុសិស្សទាំងអស់រូតរះមកចុះឈ្មោះចូលរៀនចាប់ពីថ្ងៃទី១៦ដល់ថ្ងៃទី៣១ខែតុលាឆ្នាំ២០១៥តទៅនៅសាលារៀងៗខ្លួន ធ្វើការដង្ហែនៅតាមដងផ្លូវសាធារណៈដើម្បីដាស់តឿនដល់មាតាបិតាសិស្សឲ្យនាំកូនទៅចុះឈ្មោះចូលរៀន។អ្នកគ្រូឆាន់ច័ន្ទសោភាបាននិយាយបន្តទៀតថាលុះនៅថ្ងៃទី១ខែវិច្ឆការឆ្នាំ២០១៥នៅទូទាំងប្រទេសនិងបើកបវេសនកាលឆ្នាំសិក្សា
២០១៥ឆ្នាំសិក្សា២០១៦ដូច្នេះអាណាព្យាបាលណាដែលមានកូនចាប់ពីអាយុ៦ឆ្នាំឡើងនាំគ្នារូតរះមកបំពេញបែបបទនិងយកឯកសារពាក់ពន្ធដូចជាសៀវភៅគ្រួសារ សំបុត្រកំណើតយកមកចុះឈ្មោះចូលរៀននៅតាមសាលារៀងៗខ្លួន។សូមបញ្ជាក់ផងដែរថាក្នុងការយកកូនមកចុះឈ្មោះចូលរៀននៅតាមសាលានិមួយៗនោះដោយគ្មានការបង់ប្រាក់នោះឡើយបើបានដឹងថាមានលោកគ្រូនិងអ្នកគ្រូណាឲ្យសិស្សបង់ប្រាក់ខុសពីគោលការនិងវិន័យទោសទៅតាមផ្លូវច្បាប់៕
