ខេត្តឧត្តរមានជ័យ ៖ យ៉ាងហោចណាស់មានមនុស្ស៤នាក់បានរងរបួសធ្ងន់ស្រាល ដោយសារជិះម៉តូឌុបគ្នាមកពីដើរលេង កាលពីវេលាម៉ោង៩យប់ ថ្ងៃទី១៥ ខែតុលា ឆ្នាំ២០១៥ បានទៅបុកបង្គោលស្លាកសញ្ញាបង្ហាញចរាចរណ៍ នៅចំនុចផ្លូវជាតិ៦៨ ស្ថិតនៅក្នុងភូមិពុល សង្កាត់សំរោង ក្រុងសំរោង ខេត្តឧត្តរមានជ័យ ភ្លាមៗើនោះជនរងគ្រោះត្រូវបានសមត្ថកិច្ចយើង ហៅឡានពេទ្យយកទៅសង្គ្រោះនៅមន្ទីរពេទ្យទាំងយប់។នគរបាលចរាចរណ៍ក្រុងសំរោងបានឲ្យដឹងថា ជនរងគ្រោះដោយគ្រោះថ្នាក់ចរាចរណ៍នេះរួមមាន១-ឈ្មោះ បូ សាន ភេទប្រុស អាយុ២១ឆ្នាំ រស់នៅភូមិអូរស្មាច់ សង្កាត់អូរស្មាច់ (អ្នកបើកបរ របួសធ្ងន់ បាក់ដៃ) ។
២-ឈ្មោះ សយ តុលា ភេទប្រុស អាយុ២០ឆ្នាំ រស់នៅភូមិអភិវឌ្ឍន៍ ឃុំ-ស្រុកអន្លង់វែង (រួមដំណើរ របួសធ្ងន់ បាក់ឆ្អឹងដងកាំបិត) ។៣-ឈ្មោះ រ៉ាន ធូលឿត ភេទប្រុស អាយុ១៨ឆ្នាំ រស់នៅភូមិអភិវឌ្ឍន៍ ឃុំ-ស្រុកអន្លង់វែង (រួមដំណើរ របួសស្រាល) ។ ៤-ឈ្មោះ ញឹម ប៊ុនណាន ភេទប្រុស អាយុ២២ឆ្នាំ រស់នៅភូមិអភិវឌ្ឍន៍ ឃុំ-ស្រុកអន្លង់វែង (រួមដំណើរ របួសធ្ងន់ បែកក្បាល) ។
លោក ស៊ុន សាន អធិការនគរបាលក្រុងសំរោង បានឲ្យដឹងថា មុនពេលកើតហេតុ គេបានឃើញយុវជន៤នាក់បានជិះម៉ូតូ ឌុបគ្នារហូតដល់ទៅ៤នាក់ បានធ្វើដំណើរតាមបណ្តោយផ្លូវជាតិលេខ៦៨ ក្នុងល្បឿនលឿនដូចហោះ បានរេចង្កូតទៅបុក បង្គោលដែក ដែលជាស្លាកសញ្ញាបង្ហាញចរាចរណ៍មួយទំហឹង បណ្តាលឲ្យមានអ្នកខ្លះបាក់ដៃនិងខ្លះរបួសបែកក្បាល និងធ្ងន់ស្រាលព្រោងព្រាត។ក្រោយកើតហេតុជនរងគ្រោះត្រូវបានសមត្ថកិច្ចប៉ូលិសយើង ហៅរថយន្ត សង្គ្រោះមកដឹកទៅកាន់មន្ទីរពេទ្យខេត្ត រីឯម៉ូតូត្រូវបានសមត្ថកិច្ចនាំយកមករក្សាទុកដើម្បីចាត់ការតាមច្បាប់៕
