ខេត្តបន្ទាយមានជ័យ លោកយាយម្នាក់បានស្លាប់អស់រយះពេល២ថ្ងៃហើយក្រោយពីបានធ្វើបុណ្យរួចចប់សព្វគ្រប់ក្រុមគ្រួសារបាននាំគ្នាដង្ហែកសពយកទៅដុតក្រោយពេលលើកសពចេញពីក្តាមម្ឈូសរួចមកសពនោះហាក់ដូចជានៅមានសភាពទន់ដូចមនុស្សនៅរស់ក្រុមគ្រួសារមិនហានបូជាទុកមើលបន្តិចទៀតខ្លាចលោកយាយប្លឹក។បើតាមការអះអាងរបស់ក្រុមគ្រួសារសពបានឲ្យដឹងថាលោកយាយមានឈ្មោះ សាកទឺង អាយុ៦៤ឆ្នាំលោកយាយមានកូន៦នាក់និងចៅបង្កើត១២នាក់ហើយសព្វថ្ងៃមានចៅ២នាក់រស់នៅក្នុងបន្ទុកជាមួយគាត់តាំង២តូចមកម្លេះព្រោះម្តាយទៅធ្វើការនៅប្រទេសថៃបាត់ជាយូរខែឆ្នាំមកហើយលោកយាយសព្វថ្ងៃ រស់នៅក្នុងភូមិរ៉ោងម៉ាសីុន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័។
លោកយាយស្លាប់នៅវេលាម៉ោង៤ល្ងាច ថ្ងៃទី១៥ខែតុលាឆ្នាំ២០១៥។ក្រុមគ្រួសារបាននិយាយបន្តទៀតថាក្រោយពីបានធ្វើបុណ្យសពបាន២ថ្ងៃរួចមកក្រុមគ្រួសារក៏បានដង្ហែសពយកមកដុតនៅវត្តសុភមង្គល ហៅវត្តក្បាលខ្មោច ក្រោយពេលលើកសពចេញពីម្ឈូសរួចមកស្រាប់តែសពនៅមានសភាពទន់ហាក់បីដូចមនុស្សរស់អញ្ចឹងពេលនោះក្រុមគ្រសារមិនដាច់ចិត្តបូជាទេព្រោះខ្លាចលោកយាយប្លឹមក៏តម្កល់ទុកនៅជិតបច្ឆាខ្មោចបន្តខ្លាចគាត់រស់ឡើងវិញ។
ក្រុមគ្រួសារបាននិយាយបន្តទៀតថាសពបានតម្កល់ទុកអស់រយះជាច្រើមម៉ោងមកហើយដូចជាគ្មានអ្វីប្រែប្រួលនោះឡើយ ចំណែកអាច្ចារ្យវិញបាននិយាយថាសពនោះមានសភាពប្រែប្រួលចុងដៃនិងបបូមាត់មានសភាពខ្មៅបន្តិចម្តងៗ។បើតាមការឲ្យដឹងពីកូននិងចៅរបស់គាត់បានមូលមតិគ្នាបាននិយាយថានៅម៉ោង៤ល្ងាចនេះគាត់និងអញ្ជើអ្នកជំនាញឲ្យមកពិនិត្យសពម្តងទៀតបើអ្នកជំនាញថាសពនេះពិតជាស្លាប់ពិតប្រកដមែននោះក្រុមគ្រួសារនិងនាំគ្នាបូជាគាត់ទៅតាមប្រពៃណីតែម្តង៕
