ខេត្តបន្ទាយមានជ័យ ថ្មីៗនេះលោកសុឹមសុផលប្រធានពន្ធាគារខេត្តបន្ទាយមានជ័យបានប្រាប់ឲ្យដឹងថា គិតរហូតមកដល់ពេលនេះ អ្នកទោសដែលជាប់ក្នុងពន្ធនាគារខេត្តសរុបចំនួន៩៩៨នាក់ ស្រី១០៧នាក់ ក្នុងនោះមានអនីតិជនចំនួន៣៤នាក់ ស្រី៤នាក់ ជនជាតិបរទេសចំនួន២៨នាក់ ស្រី៩នាក់ ក្នុងនោះជនជាតិថៃចំនួន១២នាក់ ស្រីម្នាក់ ជនជាតិវៀតណាមចំនួន១១នាក់ ស្រី៨នាក់ ជនជាតិឡាវចំនួនម្នាក់លោកបានសំណូមពរដល់ព្រះរាជអាជ្ញាខេត្តបន្ទាយមានជ័យដែលមានអ្នកទោសជាប់ក្នុងពន្ធនាគារបណ្តោះអាសន្នដល់ទៅ២ឆ្នាំនោះលោកសុំឲ្យតុ លាការបើកសវនាការឲ្យបានឆាប់កុំពន្យាពេលបន្តទៅទៀតព្រោះមានអ្នកទោសខ្លះមានភាពអយុត្តិធម៍។
លោក លី សារី អភិបាលរងខេត្តបន្ទាយមានជ័យក្នុងពិធីចែកអំណោយជូនដល់អ្នកទោសដែលកំពុងអប់រំកែប្រែខ្លួនក្នុងពន្ធនាគារខេត្តដែលជាអំណោយរបស់មន្ត្រីថ្នាក់ដឹកនាំ រួមជាមួយនឹងសប្បុរសជនក្នុងខេត្តនាឱកាសបុណ្យភ្ជុំបិណ្ឌដែលជាបុណ្យប្រពៃណី ហើយអំណោយទាំងនោះមានដូចជា នំប៉័ងចំនួន១០០០ដើម ស្កសរចំនួន៥០០គីឡូក្រាម ទឹកសុទ្ធចំនួន៩០យួរ បារីចំនួន១០សង់លោកលីសារីសំណូមពរដល់អ្នកទោសទាំងអស់ត្រូវឲ្យចេះកែខ្លួនឲ្យបានល្អដើម្បីក្លាយខ្លួនទៅជាមនុស្សល្អរស់នៅក្នុងសង្គមពេលដែលខ្លួនចេញពីគុក។ 
លោកឧកញ៉ា ហង្ស ស៊ីផា ទីប្រឹក្សាឧបនាយករដ្ឋមន្ត្រី កែ គឹមយ៉ាន បានឲ្យដឹងថា ក្រោយពេលដែលនាំយកអំណោយមកចែកជូនអ្នកទោសដែលកំពុងអប់រំកែប្រែក្នុងពន្ធនាគារខេត្តនាពេលនេះគឺមានអ្នកទោសខ្លះជាប់ពន្ធនាគាររហូតដល់២ឆ្នាំមកហើយមិនទាន់ត្រូវបានតុលាការបើកសវនាការកាត់ទោសឬជំនុំជម្រះនៅឡើយទេ ហើយអ្នកទោសទាំងនោះក៏បានធ្វើការសំណូមពរសុំឲ្យមន្ត្រីអនុវត្តន៍ច្បាប់ក្នុងប្រព័ន្ធតុលាការត្រូវអនុវត្តន៍ឲ្យបានឆាប់កុំពន្យារពេលទុកយូរពេកដើម្បីឲ្យពួកគាត់មានសេរីភាពឡើងវិញ ។
