ខេត្តបន្ទាយមានជ័យ កម្លាំងនគរបាលប៉ុស្តិ៍រដ្ឋបាលឃុំគោកបល្ល័ង្គ និងនគរបាលប៉ុស្តិ៍ឃុំតាឡំ របស់ស្រុកមង្គលបូរី ខេត្តបន្ទាយមានជ័យ នៅព្រឹកថ្ងៃទី១៨ ខែតុលា ឆ្នាំ២០១៥នេះបានធ្វើការចុះបង្ក្រាបករណីចែកចាយគ្រឿងញៀនបានមួយករណីដោយឃាត់ខ្លួនជនសង្ស័យបានចំនួន២នាក់ និងដកហូតថ្នាំញៀនបានមួយចំនួនទៀតនៅចំណុចខាងជើងភូមិគោកបល្ល័ង្គ ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យ។មន្ត្រីនគរបាលស្រុកមង្គលបូរី បានឲ្យដឹងថាអ្នកប្រើប្រាស់ម្នាក់ត្រូវបាននគបាលឃាត់ខ្លួន មាន ឈ្មោះភូវ័ន្ត ភេទប្រុសអាយុ១៥ឆ្នាំ នៅភូមិប្រឡាយជ្រៃ ឃុំគោកបល្ល័ង្គ។ក្រោយពីការចាប់ខ្លួនជនសង្ស័យរូបនេះបានហើយកម្លាំង
នគរបាលបានដកហូតបានថ្នាំញៀនប្រភេទគ្រាប់២គ្រាប់ ហើយរហូតដល់ម៉ោង៥ល្ងាចកំលាំងនគបាលបានបន្តទៅចាប់អ្នកចែកចាយគ្រឿងញៀនបានម្នាក់ទៀត នៅចំណុចកណ្តាលវាលស្រែ ខាងត្បូងភូមិចុងគោក ឃុំតាទ្បំ ប្រហែល៥០០ម៉ែត្រពីភូមិឃាត់ខ្លួនបានមានឈ្មោះស៊ុនថន ភេទប្រុស អាយុ២៨ឆ្នាំ នៅភូមិឃុំខាងលើ ដកហូតបានរួមមានថ្នាំញៀនប្រភេទគ្រាប់ចំនួន៨គ្រាប់និងទូរស័ព្ទដៃចំនួន២គ្រឿង និងម៉ូតូស្មាស១គ្រឿងថែមទៀត។មន្ត្រីនគរបាលបានបញ្ជាក់ថា ក្រោយការបង្ក្រាប និងចាប់ខ្លួន ជនសង្ស័យទាំ២រូបនេះបាននោះបានក្រោមការបញ្ជាផ្ទាល់ពីសំណាក់លោកឧត្តមសេនីយ៏ត្រី អាត់ខែមស្នងការនគបាលខេត្តបន្ទាយមានជ័យ។ជនសង្ស័យ និងវត្ថុតាងត្រូវបានបញ្ជូនភ្លាមៗ ទៅសួរនាំនៅអធិការនគបាលស្រុកមង្គលបូរី ដើម្បីកសាងសំណុំរឿង ទៅកាន់តុលាការចាត់ការតាមនីតិវិធី៕
