ខេត្តកំពង់ឆ្នាំង៖បន្ទាប់ពីមានការរាំងស្ទះជិត១ឆ្នាំដោយសារមានជីវករក្នុងផ្សារលើមួយចំនួនប្រឆាំងតវ៉ាគម្រោងរៀបចំសណ្តាប់ធ្នាប់លក់ដូរជុំវិញផ្សារលើរបស់អាជ្ញាធរខេត្ត នៅរសៀល
ថ្ងៃទី១៧ ខែតុលា ឆ្នាំ២០១៥នេះ គណៈកម្មការចំរុះថ្នាក់ខេត្តបានចុះរៀបចំសណ្តាប់ធ្នាប់លក់
ដូរតាមគម្រោងដែលបានគ្រោងទុក ដើម្បីអោយអាជីវករតូចតាចជុំវិញផ្សាលើមានកន្លែងលកើដូរ មានអនាម័យនិងមានសោភ័ណភាពល្អ។ លោក ស៊ុន សុវណ្ណរិទ្ធ ដឹកនាំគណៈកម្មការចំរុះថ្នាក់ខេត្ត ដែលមានតំណាងលោកព្រះរាជអាជ្ញារងសាលាដំបូងខេត្ត មន្ទីរពាក់ពន្ធ័ អាជ្ញាធរក្រុងកំពង់ឆ្នាំង និងសមត្ថកិច្ចនគរបាលអាវុធហត្ថខេត្ត ចូលរួមផងនោះបានមានប្រសាសន៍អោយដឹងថា៖ គម្រោងរៀបចំសណ្តាប់ធ្នាប់លកដូរជុំវិញផ្សារលើនេះមានរយះពេល៣ថ្ងៃគឺ ចាប់ពីថ្ងៃទី១៧ ខែតុលា ដល់ថ្ងៃទី១៩ ខែតុលា ឆ្នាំ២០១៥។
គណៈកម្មការចំរុះថ្នាក់ខេត្តបានអោយដឹងថា៖ នៅក្នុងគម្រោងនោះគឺ វាស់វែងនិងគូសប្លង់លើការ៉ូការ៉ូឡា នៅសងខាងផ្សារលើ ដើម្បីរៀបចំដាក់រានជួលអោយអាជីវករដែលមានឈ្មោះធ្លាប់លក់ចុះក្នុងបញ្ជីកន្លងមកចំនួន៤៥៣នាក់ ស្មើនិង៤៥៣រាន ដែលរាននិមួយៗមានទំហំ១,១០ម គុណនិង ១,៧០ម រៀបចំកាត់សំយាបតូបដែលធ្វើលៀនលយហួសប្លង់កំណត់នៅមុខផ្សារ និងនៅសងខាងផ្សារលើ ដែលគម្រោងនេះគឺក្រសួងមហាផ្ទៃបានឯកភាពរួចហើយ បន្ទាប់ពីមានការប្តឹងជំទាស់របស់អាជីវករក្នុងផ្សារលើកន្លងមក ។ 
ក្នុងនោះផងដែរនិងរៀបចំអ្នកលក់ដូរពេលល្ងាចនៅមុខផ្សារ អោយឡើងលកើនៅលើចិញ្ចើមផ្លូវមុខផ្សារ និងសាកសួរយោ បល់របស់អាជីវករ រៀបចំចាក់សាបកន្លែងលក់ត្រីនិងបន្លែផ្នែកខាងក្រោយផ្សារលើ។
នៅពេលនោះដែរ លោក ស៊ុន សុវណ្ណរិទ្ធ និងប្រធានមន្ទីរពាក់ពន្ធ័ បានចុះត្រួតពិនិត្យ និងសាកសួរយោបល់អាជីវករលក់ត្រី សាច់ បន្លែ និងអាជីវករដែលមានផ្ទះជុំវិញផ្នែកខាងក្រោយនៃផ្សារលើ អំពីគម្រោងការចាក់សាបរៀបចំកន្លែងលក់ផ្នែកខាងក្រោយផ្សារផងដែរ។ ដែលក្នុងពេលនោះតាមការស្ទាបស្រង់មតិ គឺអាជីវករភាគច្រើន បានឯកភាពជួយចេញថវិការបក្ខដិភាគ ក្នុងគម្រោងចាក់សាបរបស់អាជ្ញាធរខេត្ត ដើម្បីអោយបងប្អូនមានកន្លែងលក់ដូរត្រឹមត្រូវគ្មានភក់ជ្រាំនិងមានអនាម័យ។ ព្រោះថាកន្លែងលក់ដូរខាងក្រោយផ្សារលើកន្លងមក គឺលក់នៅលើរៀនផ្ទាល់ដីពេលមានភ្លៀង គឺតាមផ្លូវដើរសុទ្ធទេភក់ជ្រាំ។
អាជីវករផ្សារលើកន្លងមកធ្លាប់រាយការណ៍ជូនលោកអភិបាលខេត្តថា៖ក្នុងការចុះឈ្មោះ
រៀបចំរានលក់ដូរសងខាងផ្សារលើគឺមានការនិយមបក្ខពួក ដោយគេដឹងថាមានជីវករមួយចំនួនមានរានលក់ដូរក្នុងម្នាក់ៗពី៤រានរហូតទៅដ់៩រាន ដែលករណីនេះលោកអភិបាលខេត្តបានព្រមានថា មិនអនុញ្ញាតអោយមានដូច្នេះឡើយ គឺអាជីវករម្នាក់ត្រូវមានរានលក់ដូរតែ១ប៉ុណ្ណោះ៕
