ខេត្តបន្ទាយមានជ័យ ៖ បុរសជនជាតិថៃ៥នាក់ ត្រូវបានគេដឹងថា ខ្លះជាតម្រួត និងខ្លះទៀតជាទាហាននៅខេត្តបុរីរាំ ត្រូវ បានសមត្ថកិច្ចកម្ពុជា ចាប់ឃាត់ខ្លួនកាលពីវេលាម៉ោង៩និង៤៥នាទីព្រឹកថ្ងៃទី១៨ ខែតុលា ឆ្នាំ២០១៥ នៅ ចំណុចផ្សារជប់គគី ក្នុងភូមិជប់គគីខាងលិច ឃុំបន្ទាយអម្ពិល ស្រុកបន្ទាយអម្ពិល ខេត្តឧត្តរមានជ័យ ក្រោយពីរកឃើញថា តម្រួតថៃនិងទាហានទាំងនោះបានលួចនាំចូលអាវុធខ្លីមកប្រើប្រាស់ដោយ ខុស ច្បាប់។
ជនជាតិថៃទាំង៥នាក់ដែលត្រូវនគរបាលវរះការពារព្រំដែនគោកលេខ៧០២ចាប់ខ្លួន រួមមាន ១/ឈ្មោះថានេត ភីមប៉ា ភេទប្រុស អាយុ២១ឆ្នាំ ជាតម្រួត(Police) ២/ឈ្មោះ សូរីយ៉ាន់ អ៊ិនផារ៉ាក់កាំ ហៀង ភេទប្រុស អាយុ៣៤ឆ្នាំ ៣/ឈ្មោះ ផនណាផុង សាថន ភេទប្រុស អាយុ ២០ឆ្នាំ ៤/ឈ្មោះ សាន់តិផាប អ៊ិនថនកាំផែង ភេទប្រុស អាយុ២១ឆ្នាំ ពួកគេទាំង៣នាក់ជាទាហ៊ានកាតព្វកិច្ច និង៥/ ឈ្មោះ សុសោត នួនកាត់នីត ភេទប្រុស អាយុ៣២ឆ្នាំ ជាតម្រួត(Police) ជនជាតិថៃទាំងនេះធ្វើការក្នុង ខេត្តបុរីរ៉ាំ ប្រទេសថៃ។
ក្រោយឃាត់ខ្លួនជនសង្ស័យទាំង៥នាក់ ត្រូវបានបញ្ជូនទៅអធិការដ្ឋាននគរបាលស្រុកបន្ទាយ អំពិល ដើម្បីសួរនាំនិងចាត់ការបន្តតាមច្បាប់៕
