បន្ទាយមានជ័យ : នាយការិយាល័យអន្តោប្រវេសន៍នៃស្នងការនគរបាលខេត្តបន្ទាយមានជ័យលោក បាន ធឿន បានធ្វើការផ្សព្វផ្សាយណែនាំ និងចាត់វិធានការផាកពិន័យ លើម្ចាស់ផ្ទះសំណាក់សណ្ឋាគារទាំងឡាយណាដែលមិនអនុវត្តចុះបញ្ជីរលើការស្នាក់នៅរបស់ជនបរទេសរយ:ពេលវែង និងខ្លី ។
ការលើឡើងនេះធ្វើឡើងក្នុងកិច្ចប្រជុំផ្សព្វផ្សាយដល់ម្ចាស់ ឬតំណាងម្ចាស់ផ្ទះសំណាក់សណ្ឋាគារធំ ៗ ក្នុងខេត្តបន្ទាយមានជ័យ កាលពីព្រឹកថ្ងៃទី១៩ តុលា ២០១៥ នៅនឹងការយាល័យនគរបាលអន្តោប្រវេសន៍នៃស្នងការនគរបាលខេត្តបន្ទាយមានជ័យ ដោយមានតំណាង និងម្ចាស់ផ្ទះសំណាក់ចូលរួមចំនួន ១២ នាក់ ។
លោក បានធឿន នាយការិយាល័យនគរបាលអន្តោប្រវេសន៍បានលើកឡើងថា ដើម្បីឈានដល់ការគ្រប់គ្រងជនបរទេសដែលមកស្នាក់នៅរយ:ពេលវែងខ្លី តាមបណ្តាសណ្ឋាគារ និងផ្ទះសំណាក់ លោកបានកោះប្រជុំតំណាង ឬម្ចាស់សណ្ឋាគារធ្វើការផ្សព្វផ្សាយ នូវផែនការរបស់ក្រសួងមហាផ្ទៃ ស្តីពីបែបបទ និងតារាងចុះបញ្ជីរជនបរទេសដល់ម្ចាស់ផ្ទះសំណាក់សណ្ឋាគារអោយអនុវត្តនៅពេលដែលមានជនបរទេសចូលស្នាក់នៅ ត្រូវថតចម្លងនូវលិខិតឆ្លងដែន និងចុះបញ្ជីរជនបរទេសក្នុងតារាងដែលបានប្រគល់អោយ និងរាយការណ៍តាមរយ:ទូរស័ព្ទ
ជាបឋមហើយបញ្ជូនតារាងឈ្មោះជនបរទេសនៅរាងរាល់ថ្ងៃពុធ មកប៉ុស្តិ៍នគរបាលរដ្ឋាបាល ឬនគរបាលជំនាញ ។លោកបន្តទៀតថា ជនបរទេសត្រូវបានបែងចែកជា២ក្នុងការស្នាក់នៅ គឺរយ:ពេលវែងចាប់ពី៣ខែឡើងទៅ និងរយ:ពេលខ្លីត្រឹម៣ចុះក្រោម ។ ការអនុវត្តបាននូវការណែនាំនេះ វាធ្វើអោយមានភាពងាយស្រួលនៅពេលមានហេតុការណ៍ណាមួយកើតឡើងលើជនបរទេស ឬជនបរទេសនោះប្រព្រឹត្តិបទល្មើសអ្វី យើងអាចគ្រប់គ្រងបាន និងអាចទបស្កាត់ទាន់ពេល ។ 
មិនថែមតែប៉ុណ្ណោះលោកបានសំនូមពរអោយដល់អ្នកគ្រប់ផ្ទះសំណាក់ សណ្ឋាគារ ត្រូវប្រុងប្រយ័ត្ន និងពិនិត្យលើភ្ញៀវដែលមកស្នាក់នៅ ជៀសវាងការមកស្នាល់នៅដើម្បីប្រើប្រាស់គ្រឿងញៀន ឬប្រព្រឹត្តិបទល្មើស ដែលអាចនាំអោយប៉ះពាល់ដល់ផ្លូវច្បាប់ និងខូចឈ្មោះផ្ទះសំណាក់សណ្ឋាគារ ។
ជាមួយនិងការផ្សព្វផ្សាយណែនាំនេះដែលបើម្ចាស់សណ្ឋាគារណាមិនអនុវត្តមិនព្រមរាយការណ៍ការហើញបណ្តោលអោយមានជនបរទេសស្នាក់លោកនិងចុះត្រួកពិនិត្យបើរកឃើញថាមានជនបរទេសស្នាក់នៅនិងធ្វើការផាក់ពិន័យ្យម្តង់ជាពីរដង់រហូតដល់លើកទីបីនិងស្នើបិទអាជីវក៕
