ខេត្តព្រះសីហនុ៖លោក កង ឌីណា ប្រធានមន្ទីរធម្មការខេត្តព្រះសីហនុនិង ស្ត្រីឈ្មោះ កុក សុខា ប្រធានការិយាល័យគណនេយ្យ មន្ទីរធម្មការ អ្នកទាំង២ កំពង់ត្រូវបានគេសង្ស័យថា មន្ត្រីជាប់កិច្ចសន្យាមួយចំនូនសុទ្ធសឹងជាមនុស្សរបស់ខ្លូនដែលរៀបចំឡើងដើម្បីបើកប្រាក់បៀវត្យប្រចាំខែរបស់ ក្រសូងចែកគ្នា ចាយ ហើយអំពើបែបនេះត្រូវបានគេអះអាងថាកើតមានរាប់ឆ្នាំមកហើយ។យោងតាមប្រភពពត៏មានមួយចំនូនបានលូចបង្ហើបប្រាប់ឲ្យដឹងថានៅមន្ទីរធម្មការនិងសាសនាខេត្តព្រះសីហនុមានមន្ត្រីជាប់កិច្ចសន្យាចំនូន១២នាក់ដែលស៊ីប្រាក់បៀវត្តន៍ប្រចាំខែពីក្រសូងធម្មកានិងសាសនាក្នុងមួយនាក់ៗចំនូន១៤០០០០រៀលក្នុងមួយខែ។
ដោយប្រភពពត៏មាននោះបានធ្វើការអះអាងថាក្នុងចំណោមមន្ត្រីជាប់កិច្ចសន្យាទាំង១២នាក់ខាងលើមានចំនូនប្រមាណ៦ទៅ៧នាក់ជាមុនស្សដែលលោក កង ឌី ណា និង លោកស្រី កុក សុខា ប្រធានការិយាល័យគណនេយ្យ មន្ទីរធម្មការរៀបចំឡើងគ្រាន់តែឲ្យមានតែឈ្មោះសំរាប់ ចាំបើកតែប្រាក់ខែតែប៉ុណ្ណុះ ហើយមនុស្សទាំងអស់នោះមិនបានមកធ្វើការទេ ។
.លោក កង ឌីណា ប្រធានមន្ទីរធម្មការនិងសាសនាខេត្តព្រះសីហនុជុំវិញបញ្ហារនេះបានធ្វើការបញ្ជាក់ថាមន្ត្រីជាប់កិច្ចសន្យាពិតជាមានមែនតែត្រង់ថាមន្ត្រីដែលជាប់កិច្ចសន្យាទាំងនោះមានមុខមកធ្វើការក្នុងមន្ទីរធម្មកាជាប្រចាំឬមានតែបញ្ជីរឈ្មោះ(អត់មានមនុស្ស) យ៉ាងណានោះលោក កង ឌី ណា មិនបានប្រាប់ឲ្យដឹងនោះទេ។ដោយឡែកចំពោះរឿងបញ្ហារបើកប្រាក់ខែ លោក កង ឌី ណា បានបញ្ចាក់ថា បច្ចុប្បន្នមិនមានការពាក់ពន្ធ័ជាមួយមន្ទីរនោះទេ គឺក្រុមមន្ត្រីជាប់កិច្ចសន្យាដល់ខែគេបើកលុយដោយខ្លូនឯងតាមរយៈកាត(ATM)ដែលក្រសូងរៀបចំឲ្យ ដូននេះមានរឿងអី ពាក់ពន្ធ័ជាមួយមន្ទីរទៀត។
.គូរំលិកផងដែរថា លោក កង ឌី ណា រូមនិងស្ត្រី ឈ្មោះ កុក សុខា ប្រធានការិយាល័យគណនេយ្យ មន្ទីរធម្មការកាលពីអំឡុងឆ្នាំ២០០៩ .២០១០ក៍ធ្លាប់មានរឿងអាស្រូវជាប់ពាក់ពន្ធ័និងថវិការគម្រោងឧបត្ថម្ភរបស់អង្គការ UNICEF សំរាប់អ្នកកើតជម្ងឺអេដស៏ ចំនួន ៨០នាក់ ក្នុងចំនូនទឹកប្រាក់ប្រមាណជាង ១ម៉ឺនដុល្លាសហរដ្ឋអាមេរិក រួមនឹងថវិការឧបត្ថម្ភ របស់មន្ត្រីជាប់កិច្ចសន្យា ចំនួន ៨នាក់ ស្មើនឹងទឹកប្រាក់ប្រមាណ ១២លានរៀលផងដែរ ដោយកាលនោះលោក កង ឌី ណា និងស្ត្រី កុក សុខា បានប្រើប្រាស់យុទ្ឋវិចី ក្លែងហត្ថលេខា និង ក្លែងលិខិតសាធារណៈ យ៉ាងរលូនស៊ីដាក់ប្រាក់ទាំងនោះ ហើយត្រូវបានអ្នកកើតជម្ងឺអេដស៏ រួមគ្នាផ្តិតមេដៃប្តឹង ដាក់ទៅអោយអង្គការ UNICEF មួយច្បាប់ ដែលជាម្ចាស់ជំនួយ និង ដោយអោយអង្គការលីកាដូ ប្រចាំខេត្តព្រះសីហនុ ១ច្បាប់ និង ១ច្បាប់ដាក់ទៅជូនលោកជំទាវបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដើម្បីអោយជួយរកយុត្តិធម៌ ទាមទារយកប្រាកឧបត្ថម្ភរបស់ពួកគេវិញ និង សំណូមពរអោយស្ថាប័នអ្នកអនុវត្តន៏ច្បាប់ ធ្វើការផ្តន្ទាទោស លោក កង ឌីណា និង ស្ត្រីឈ្មោះ កុក សុខា ផងដែរ។
.ហើយអ្វីដែលគូរឲ្យចាប់អារម្មបន្ថែមទៀតនោះគឺលោក កង ឌីណា តែងតែ ជំរិតទារលុយដាក់ខែនៅតាមវត្តអារាម ទាមទារចែកប្រាក់កម្រៃ ដែលវត្តអារាមបានមកពីរកាធ្វើបុណ្យទានម្តងម្កាល ដូចជាបុណ្យចូលឆ្នាំ បុណ្យកឋិន បុណ្យផ្កាជាដើម ។ និយាយអោយត្រង់ទៅ អោយតែមានកម្រៃបានពីបុណ្យទាន គឺត្រូវកាត់ទឹកអោយទៅមន្ទីរធម្មការ ចំនួនប្រមាណ ៤០% ទើបបានដោយលោកប្រធានអះអាងថា យកទៅជួយសមរភូមិព្រះវិហារ ដោយហេតុផលខាងលើ លោកសង្ឃ នៅតាមវត្តអារាមមួយចំនួន សុខចិត្តអង់ចង្ហាន់ក៏យល់ព្រមដែរ អោយតែប្រាកដថា យកទៅជួយជាតិ ។
.អ្វីដែលបានលើកឡើងខាងលើនេះប្រជាពលរដ្ឋរស់នៅក្នុងខេត្តព្រះសីហនុជាពិសេសព្រះសង្ឃនៅតាមវត្តអារាមសូណូមពរទៅដល់រដ្ឋមន្ត្រីក្រសូងធម្មការនិងសាសនានិងអង្គភាពប្រឆាំងអំពើពុករលួយ មេត្តាចុះមិនពិនិត្យជាក់ស្តែងដើម្បីមានវិធានការតាមផ្លូវច្បាប់ចំពោះភាពមិនប្រក្រតី ក្នុង មន្ទីរធម្មការ និង សាសនាខេត្តព្រះសីហនុដែលកំពុងតែកើតមានយ៉ាងពេញបន្ទុក។
