ឧត្តរមានជ័យ កាលពីវេលាម៉ោង១៩និង៤៩នាទីយប់ ថ្ងៃទី១៩ ខែតុលា ឆ្នាំ២០១៥. សមត្ថកិច្ចក្រុងសំរោងបានឲ្យដឹងថា នៅពេលវេលាខាងលើ មានករណី ប្លន់ប្រដាប់អាវុធ នៅចំណុចផ្ទះរបស់ជនរងគ្រោះ ស្ថិតនៅក្នុងភូមិឆ្អើប សង្កាតសំរោង ក្រុងសំរោង ខេត្តឧត្តរមានជ័យ ដែលបង្ករឡើងដោយ ជនសង្ស័យមួយក្រុមមានគ្នា៤នាក់ មិនស្គាល់អត្តសញ្ញាណ ប្រដាប់អាវុធ៤ដើម(AK២ដើម និងអាវុធខ្លី២ដើម)បានធ្វើសកម្មភាពប្លន់ យកប្រាក់អស់ចំនួន៤.៦៥០.០០០៛និងទូរស័ព្ទដៃចំនួន២គ្រឿង។សមត្ថកិច្ចប៉ូលិសបានបន្តទៀតថា ក្រោយពេលធ្វើសកម្មភាពរួច បក្សពួកក្រុមចោរ បាននាំគ្នារត់គេចខ្លួនបាត់។ជនរងគ្រោះឈ្មោះ(ប្តី)ពៅ សារ៉ាត ភេទប្រុសអាយុ២៦ឆ្នាំ(ប្រពន្ធ)ឈ្មោះថុន ម៉ាប់ ភេទស្រីអាយុ២៥ឆ្នាំ រស់នៅចំណុចកើតហេតុខាងលើ។
សមត្ថកិច្ច បានបន្តថា ហេតុការណ៍នេះមិនបង្ករឲ្យមានរបួសទេ។ហើយករណីនេះកម្លាំងអធិកាដ្ឋាន និងកម្លាំងការិយាល័យជំនាញស្នងការនគរបាលខេត្តកំពុងដុតដៃ ដុតជើង តាមស្រាវជ្រាវចាប់ឃាត់ខ្លួនជនសង្ស័យយកមកផ្តន្ទាទោសទៅតាមនិតិវិធីច្បាប់៕ 
