ខេត្តបន្ទាយមានជ័យ ថ្ងៃទី១៩ខែតុលា ឆ្នាំ២០១៥ នៅចំណុចភូមិជ្រែ ឃុំបឹងបេងស្រុកម៉ាឡៃ ខេត្តបន្ទាយមានជ័យ ពលករខ្មែរចំណាកស្រុកចំនួន៣៥នាក់ត្រូវបានកំលាំងនគបាលស្រុកម៉ា ឡៃធ្វើការឃាត់រួចបញ្ជូនមកអធិការដើម្បីធ្វើការអប់រំរួចឲ្យវិលត្រឡប់ទៅផ្ទះសំបែងវិញព្រោះពលករទាំង៣៥នាក់នេះបម្រុងចាកចេញឆ្លងដែនខុសច្បាប់ទៅរកការងារធ្វើនៅស្រុកថៃ។នគបាលមូលដ្ឋាននៅស្រុកម៉ា ឡៃបាននិយាយថាក្រោយពីថ្ងៃបុណ្យភ្ជុំបិណ្ឌត្រូវបានបញ្ចប់បាន៥ថ្ងៃកន្លងមកនោះមានពលករខ្មែរជាច្រើនពាន់នាក់កំពុងនាំគ្នាធ្វើដំណើរមកពីបណ្តាខេត្តនានានៅក្នុងប្រទេសកម្ពុជាឆ្លងកាត់ខេត្តបន្ទាយមានជ័យដើម្បីធ្វើដំណើរ ចាកចេញពីភូមិស្រុកដើម្បីទៅរកការងារធ្វើនៅក្នុងប្រទេសថៃដោយខុសច្បាប់ខ្លះនិងមានច្បាប់ខ្លះ។នគបាលមូលដ្ឋានបាននិយាយបន្តទៀតថាបើទោះបីកម្លាំងសមត្ថកិច្ចខិតខំប្រឹងប្រែងទប់ស្កាត់បានជាច្រើននាក់យកមកអប់រំបានជាបន្តបន្ទាប់យ៉ាងណាក៏ដោយក៏ការឆ្លងដែនរបស់ពលករទាំងអស់នោះ
នៅតែលួចឆ្លងដែនបាននៅតាមច្រករបៀងផ្សេងៗបានយ៉ាងងាយ។ការដែលពលករអាចលួចឆ្លងដែនបានម៉ាសេរីនោះត្រូវបានគេនិយាយថាមានការឃុបឃិតគ្នាពីសំណាក់នគបាលការពារព្រំដែនបើអស់លោកមិនបើកដៃឲ្យពលករទាំងនោះឆ្លងដែនខុសច្បាប់ទៅប្រទេសថៃរកការងារធ្វើក៏ពលករទាំងនោះមិនអាចលួចឆ្លងដែនបានដែរ។ការឆ្លងដែនខុសច្បាប់ទៅប្រទេសថៃរបស់ពលករខ្មែរនោះដែរក៏ត្រូវគេនិយាយថាពលករខ្មែរទាំងអស់នោះប្រឈមនិងបញ្ហា គ្រោះថ្នាក់ដល់អាយុជីវិតដោយប្រការផ្សេងៗដូចជាត្រូវទាហាថៃបាញ់សម្លាប់ និងចាប់ដាក់គុកធ្វើ ទារុណកម្ម ចាញ់បោកមេខ្យល់កេងកម្លាំងពលកម្ម និងការជួញដូរមនុស្សទៅប្រទេសទី៣ជាដើមដូច្នេះគួរតែពលករទាំងអស់ពិចារណាឲ្យបានដិតដល់មុននិងឈានជើងចេញទៅរកការងារធ្វើនៅប្រទេសថៃនោះ៕
