បន្ទាយមានជ័យ ៖ក្នុងជួបពិភាក្សាជាមួយនគរបាលអន្ដោប្រវេសន៍ នៅព្រឹកថ្ងៃទី២០ ខែតុលា ២០១៥ លើស្ពានមិត្តភាពកម្ពុជា -ថៃ ច្រកទ្វាអន្ដោជាតិប៉ោយប៉ែតរវាង ឯកឧត្តមឧត្ដមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ របស់ក្រសួងមហាផ្ទៃកម្ពុជា លោក ណាថាថន ប្រោះសុនថន អគ្គនាយករង អន្តោប្រវេសន៍ថៃ ដើម្បីពង្រឹងការទំនាក់ទំនងល្អ បង្កើនប្រសិទ្ធភាព រក្សារសន្តិសុខ សុវត្តិភាព ជូនប្រជាពលរដ្ឋ។
ឯកឧត្តមឧត្ដមសេនីយ៍ សុខ ផល ប្រាប់អ្នកសារព័ត៌មានដឹងថា ក្នុងជំនួបនេះ ធ្វើឡើងដើម្បីរឹតចំណងមិត្តភាពរវាងសមត្ថកិច្ចអន្តោប្រវេសន៍កម្ពុជានិងសមត្ថកិច្ចអន្ដោប្រវេសន៍ថៃ ធ្វើការផ្លាស់ប្ដូរព័ត៌មានគ្នាទៅវិញទៅមក និងដើម្បីទប់ស្កាត់បទល្មើសផ្សេងៗ ឧក្រិដ្ឋកម្ម និងភាវរកម្មឆ្លងដែន ។
ឯកឧត្តមឧត្ដមសេនីយ៍សុខ ផលបានសំណូមពរដល់គ្រប់បណ្ដាបុស្ដិ៍អន្តប្រវេស្ដិ៍ ច្រកទ្វាព្រំដែន សហការនិងពង្រឹងការទំនាក់ទំនងល្អជាមួយសមត្តកិច្ចអន្តប្រវេស្ដិ៍ថៃ បង្កើនប្រសិទ្ធភាព ដើម្បីរក្សារសន្តិសុខ សុវត្តិភាព ជូនប្រជាពលរដ្ឋ ទាំងសងខាង។
គួរបញ្ជាក់ថា ក្នុងជំនួបនេះ ខាងនគរបាលអន្តោប្រវេសន៍ថៃមកពីបណ្ដាលគ្រប់ប៉ុស្ដិ៍ច្រកទ្វាថៃ-កម្ពុជា ។ ក្នុងនោះសម្រាប់ច្រកទ្វាអន្ដរជាតិប៉ោយប៉ែត្រ មានលោក ស៊ឹម សំអាត មេប៉ុស្ដិ៍នគរបាលអន្តោប្រវេសន៍ច្រកទ្វាអន្ដរជាតិប៉ោយប៉ែត្រ ជាអ្នករៀបចំកម្មវិធីនេះ ៕
