ខេត្តស្ទឹងត្រែង:ការជិះម៉ូតូប្រឈមនិងគ្រោះថ្នាក់បំផុត ដោយសារមានការធ្វេសប្រហែសឆ្លងផ្លូវមិនមានភ្លើងស៊ីញ៉ូត្រឹមត្រូវ មិនបានងាកមើលឆ្វេងស្តាំ និងមិនបានងាកមើលក្រោយមុនបត់ ពាក្យនេះគួរតែចាំជាប់ជានិច្ចពេលដែលចេញដំណើរ។ការខ្វះការប្រុងប្រយ័ត្នបែបនេះ ធ្វើអោយមានគ្រោះថ្នាក់ភ្លាមៗមួយរំពេច ខ្លះបាត់បង់ជីវិត ខ្លះរបួសស្រាល និងខ្លះទៀតត្រូវពិការអស់មួយជីវិត។ជាក់ស្តែងនៅវេលាម៉ោង៧និង៣០នាទីព្រឹកថ្ងៃទី២០ខែតុលានេះ នៅចំនុចក្បែរស្នាក់ការសន្តិសុខ ៧៤៤ អាវុធហត្ថស្ថិតក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង បុរសវ័យចំណាស់ម្នាក់បានជិះម៉ូតូមុខរថយន្តបត់ចូលផ្ទះ មិនស៊ីញ៉ូមិនបានងាកមើលក្រោយ ខណរថយន្តកំពុងមានឡ្បឿនលឿន បានបុកពីក្រោយពេញទំហឹង បណ្តាលអោយស្លាប់ភ្លាមៗនៅនឹងកន្លែងតែម្តង។
នគរបាលចរាចរបានឲ្យដឹងថាជនរងគ្រោះត្រូវរថយន្តបុកស្លាប់នោះមានឈ្មោះយេន ផាត អាយុ៥៥ឆ្នាំ រស់នៅភូមិច្រប់ ឃុំ ក្បាលរមាស ស្រុកសេសាន ខេត្តស្ទឹងត្រែង ។ចំណែកម្ចាស់រថយន្តមិនត្រូវបានស្គាល់អត្តសញ្ញាណនោះទេ ក្រោយកើតហេតុបានរត់គេចខ្លួន ព្រោះខ្លាចមានអំពើហឹង្សាកើតឡើង ព្រោះអ្នកខ្លះគេមិនដឹងថាអ្នកណាខុសអ្នកណាត្រូវនោះទេ។
សមត្ថកិច្ចបន្តថាបើតាមសាក្សីដែលឃើញហេតុការណ៍ បាននិយាយឲ្យដឹង ថាមុនពេលកើតហេតុជនរងគ្រោះជិះម៉ូតូម៉ាកឌ្រីមសង់ ពណិ៍ខ្មៅគ្មានស្លាកលេខ ទិសដៅពីកើតទៅលិច(ជិះមុខរថយន្ត) ស្របទិសជាមួយរថយន្តម៉ាកស៊ាំយ៉ុងដឹកអ្នកដំណើរ មួយគ្រឿងពណ៌ស ពាក់ស្លាកលេខភ្នំពេញ2S 9715 ។ចេញពីភូមិមកផ្ទះ លុះមកដល់ចំនុចកើតហេតុ ជនរងគ្រោះមិនបានបើកភ្លើងស៊ីញ៉ូ ស្រាប់តែបត់ម៉ូតូពីមុខឡានដោយមិនបានងាកមើលក្រោយ ខណរថយន្តកំពុងមានល្បឿនលឿន មិនអាចជាន់ហ្វាំងជាប់ បានបុកជនរងគ្រោះពេញទំហឹង បណ្តាល ឲ្យស្លាប់ភ្លាមៗនៅនឹងកន្លែងតែម្តង។ការបើកបរខ្វះការប្រុងប្រយ័ត្ន និងមិនចាំពាក្យស្លោក ថ្ងៃនេះថ្ងៃស្អែកកុំអោយមានគ្រោះថ្នាក់ចរាចរណ៍ អាចបង្កអោយមានគ្រោះថ្នាក់ដល់ស្លាប់បែបនេះ។
ករណិនេះខាងលើនេះក្រោយហេតុការណ៍គ្រោះថ្នាក់ចរាចរណ៍កើតឡើង គេបានឃើញសមត្ថកិច្ចជំនាញបានចុះមកធ្វើការវាស់វែង និងបាននាំយកទាំងរថយន្តនិងម៉ូតូមកកា ន់ស្នងការនគរបាលខេត្ត ដើម្បីចាត់ការទៅតាមផ្លូវច្បាប់ ។រីឯសពជនរងគ្រោះសមត្ថកិច្ច បានប្រគល់ជូនក្រុមគ្រួសារសាច់ញ្ញាត្តយកទៅ ធ្វើបុណ្យតាមប្រពៃណី ៕
