ខេត្តបន្ទាយមានជ័យ ជនសង្ស័យចំនួន២នាក់ដែលបានប្រព្រឹតក្នុងករណីអំពើឃាតកម្មនៅស្រុកស្វាយចេកក្នុងឆ្នាំ១៩៩៥ត្រូវបានកំលាំងការិយាល័យនគបាលព្រហ្មទណ្ឌកំរិតធ្ងន់ សហការជាមួយកំលាំង នគរបាលស្រុកព្រះនេត្រព្រះខេត្តបន្ទាយមានជ័យ ក្រោមការបញ្ជាផ្ទាល់ពីលោកឧត្តមសេនីយ៏ត្រី អាត់ ខែមស្នងការនគបាលខេត្តបន្ទាយមានជ័យនៅថ្ងៃទី២០ ខែតុលា ឆ្នាំ២០១៥នេះបាន ចុះអនុវត្តដីកានាំខ្លួនជនជាប់ចោទបានចំនួន២នាក់ដែលបានប្រព្រឹត្តអំពើឃាតកម្មកាលពីឆ្នាំ១៩៩៥កន្លងមក។លោកអាត់ខែមបាននិយាយថា ជនជនដែលត្រូវជាប់ចោទទី១មានឈ្មោះ ពេជ្រ ហាំង ប្រុសអាយុ ៥៩ ឆ្នាំ និងទី២ មានឈ្មោះ ពានចេក ប្រុសអាយុ ៥០ ឆ្នាំរស់នៅភូមិ បន្ទាត់បោះ ឃុំ បូស្បូវ ស្រុកព្រះនេត្រព្រះ ខេត្តបន្ទាយមានជ័យ 
ជាមួយគ្នា ដែលពួកគេទាំង២នាក់ ត្រូវបានចោទប្រកាន់ពីបទមនុស្សឃាតគិតទុកជាមុនប្រព្រឹត្តនៅភូមិបារាយណ៍ ឃុំ តាផូ ស្រុកស្វាយចេក ខេត្តបន្ទាយមានជ័យកាលពីថ្ងៃទី៦ ខែវិច្ឆិកា ឆ្នាំ ១៩៩៥កន្លងមក ។លោកអាត់ខែមបានបញ្ជាក់ទៀតថា ក្រោយទទួលបានដីកាពីតុលាការ ស្តីពីអំពើឃាតកម្មខាងលើនេះកើតឡើងអូសបន្លាយអស់រយ:ពេល២០ឆ្នាំកន្លងផុតហើយនោះទើបលោកបញ្ជឲ្យកម្លាំងនគរបាលជំនាញ ធ្វើការស្រាវជ្រាវរហូតតាមចាប់ ពួកគេទាំង២នាក់យកមកផ្តន្ទាទោសតាមនីតិវិធីតែម្តង៕
