កំពង់ធំៈ ក្រោមការយកចិត្តទុកដាក់របស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគិតគូរ និងយកចិត្តទុកដាក់ ចំពោះប្រជាពលរដ្ឋ និងកងកម្លាំងប្រដាប់ អាវុធដែលបានកំពុងតែបំពេញភារៈកិច្ចនៅទិសសមរភូមិមុខនិងសមរភូមិក្រោយ ដើម្បីត្រៀបទប់នឹងសភាពអាកាស ត្រជាក់ ដែលកំពុងតែខិតរំកិលចូលមកក្នុងពេលឆាប់នេះ ទើបឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ បានពាំនាំអាវរងារដែលជាអំណោយដ៏ថ្លៃថ្លារបស់សម្តេច មកចែកជូនកងកម្លាំងចំណុះឲ្យតំបន់ប្រតិបត្តិ ការសឹករងកំពង់ធំ ចំនួន៥០៥នាក់ ក្នុងម្នាក់ទទួលបានអាវរងារមួយនិងថវិកា១ម៉ឺនរៀល ជូនដល់ថ្នាក់ដឹកនាំ ដែលជាអំណោយរបស់លោកវរៈសេនីយ៍ឯក យី សំអូន មេបញ្ជាការងកងរាជអាវុធហត្ថខេត្តកំពង់ធំ នៅព្រឹកថ្ងៃទី ២១ ខែ តុលា ឆ្នាំ ២០១៥ ។
ឯកឧត្តម ឧត្តមសេនីយ៍ត្រី សោម ស៊ុន បានថ្លែងអំណរគុណចំពោះសម្តេច ដែលបានគិតគូរពីសុខទុក្ខរបស់កងកម្លាំង ដែលមានភារៈកិច្ចឈរយ៉ាងរ៉ឹងមាំការពារជាតិ សាសនា ព្រះមហាក្សត្រ ការពាររាជរដ្ឋាភិបាលស្របច្បាប់ មិនឲ្យក្រុម គ្រួសារនិយម ឆ្លៀតឪកាស់ផ្តួលរលំដោយសកម្មភាពខុសច្បាប់ប្រឆាំងបានឡើយ និងគោរពយ៉ាងម៉ឺងម៉ាត់បីថ្នាក់លើ ។
ក្នុងឪកាសនៃពិធីចែកអំណោយ ឯកឧត្តម ឧត្តមសេនីយ៍ត្រី សោម ស៊ុន បានអប់រំនិងក្រើនរំលឹកដល់កងកម្លាំងទាំងអស់ឲ្យត្រូវគោរពច្បាប់ និងវិន័យសេក្តីថ្លៃថ្នូររបស់អង្គភាព ដើម្បីឲ្យស័ក្កសមជាកងយោធពលខេមរៈភូមិន្ទ ស្រឡាញ់គ្នា សាមគ្គីគ្នាចៀសវាងបែកបាក់សាមគ្គីផ្ទៃក្នុង និងត្រូវយកចិត្តទុកដាក់សហការជាមួយអាជ្ញាធរដែនដី ផ្សាភ្ជាប់ជាមួយនិង ប្រជាពលរដ្ឋ ជួយប្រជាពលរដ្ឋជួបការលំបាកនៅក្នុងភូមិសាស្ត្ររបស់ខ្លួន និងចុះសួរសុខទុក្ខក្រុមគ្រួសារ
អតីតយុទ្ធជន ក្នុងនោះឯកឧត្តម បានឆ្លៀតឪកាស ស្នើរឲ្យយោធិនគ្រប់រូប ត្រូវពង្រឹងនូវស្មារតីស្នេហាជាតិ មាតុភូមិ គោរពបទបញ្ជា មេបញ្ជាការមិនត្រូវស្តាប់ការឃោសនា អាក្រក់នានា របស់មជ្ឈដ្ឋាន មួយចំនួន ដែលមានចេតនាញ៉ុះញ៉ុង ធ្វើឲ្យបែកបាក់ផ្ទៃក្នុងជាតិ ដែលធ្វើឲ្យកាន់តែអន់ថយនាំឲ្យកើតមាននូវបញ្ហារនានា និងអន្តរាយដល់ប្រទេសជាតិ ដូច្នេះត្រូវមាន ភាពក្លាហានវាយបក តបតាមការជាក់ស្តែងនូវសភាពការមិនពិត ។
ដោយផន សុជាតិ
