ព្រះវិហារៈ ឈើប្រណិតស្ថិតក្នុងដែនគ្រប់គ្រង់អាជ្ញាធរអប្សរាប្រាសាទកោះកែរ ដែលមានជនខិលខូចលបលួច ឃុបឃិតគ្នាអារឈើក្នុងតំបន់គ្រប់គ្រង់របស់អាជ្ញាធរអប្សរា ប្រាសាទកោះកែរ នៅ មុខប្រាសាទប្រាំ និងឈើធ្នង់នៅតាមបណ្តោយផ្លូវ ឆ្ពោះទៅប្រាសាទកោះកែរ ដែលមានមុខ១០០ ប្រវែង១២ម និងឈើបេង ឈើធ្នង់ ជាច្រើនដើមដែលត្រូវ បានលួច អាក្នុងអំឡុងយប់ថ្ងៃទី១២ ខែ តុលា ឆ្នាំ ២០១៥កន្លងមកនេះ ក្រោយពីនាយរងអធិការរដ្ឋបាលព្រៃឈើខាងជើងបឹងទន្លេសាប សហការជាមួយលោកអនុសេនីយ៍ទោ នួន ភារៈ មេបញ្ជាការកងរាជអាវុធហត្ថស្រុកគូលែន សមត្ថកិច្ច ប៉ូលិស និងលោកអនុសេនីយ៍ឯក អ៊ូច បូរិទ្ធ ដឺបេជើងគោកប្រចាំទិសស្រុកគូលែន ចុះទៅពិនិត្យសស្ថានភាពការកាប់ បំផ្លាញព្រៃឈើ ស្ថិតក្នុងដែនអភិរក្សប្រាសាទកោះកែរ ទើបដឹងថា មានមនុស្ស១០នាក់ជាប់ពាក់ព័ន្ឋនឹងការលួចកាប់ឈើប្រណិតក្នុងនោះមានឈ្មោះ វ៉ា ទី២ ស្រឿន ស្រឿង ទី៣ ចេង ឌឹម ទី៤ ឆាំ ផន ទី៥ សឿត អ៊ី ទី ៦ រឿន ម៉ៅ ទី៧ ឡេង ខឿន ទី៨ ឈឺន រ៉ោន ទី៩ លឿន លឹមទាំង៩នាក់នេះរស់នៅភូមិរំចេក ឃុំស្រយ៉ង់ ស្រុកគូលែន ខេត្តព្រះវិហារ ទី១០ ស៊ឹម ញឹប ជាភ្នាក់ងារប្រាសាទកោះកេរ្តិ៍ រស់នៅភូមិរំចេក ឃុំស្រយ៉ង់ ស្រុកគូលែន ខេត្តព្រះវិហារ ។
ជនជាប់ពាក់ព័ន្ឋទាំង១០នាក់ត្រូវបានផ្នែករដ្ឋបាលព្រៃឈើត្បែងមានជ័យ កោះហៅឡើងទៅបំភ្លឺ នៅថ្ងៃទី២០ខែ តុលាឆ្នាំ ២០១៥ ខណៈពេលដែលជនពាក់ព័ន្ឋដឹងខ្លួន ជនខ្លះបានរត់គេចខ្លួនដើម្បីរើបំរាស់ពីសំណាញ់ច្បាប់ តែសូមកុំភ្លេចថា ( ជុងមិនដែលភ្លេចកុកទេ តែកុកទេដែលភ្លេចជុង) ក្នុងនោះដែរសកម្មភាពការដឹកជញ្ជូនឈើប្រណិត បានដឹកចេញ ពីដែនអភិរក្សអាជ្ញាធរអប្សរាប្រាសាទកោះកែរ យ៉ាងគគ្រឹកដូចទឹកបាក់ទំនប់ ខណៈពេលដែលករណីស្រាវជ្រាវរកជន ខិលខូចដែលបានកាប់ឈើក្នុងប្រាសាទយ៉ាងក្តៅគគុក បែរជាមានមន្ត្រីកងរាជអាវុធហត្ថម្នាក់ឈ្មោះ ហៃធឺយ ត្រូវបានលោក នួន វិរៈមាន មេបញ្ជាការកងរាជអាវុធហត្ថស្រុកគូលែន បានបញ្ជាក់ថា លោក ហៃធឺយ ពីមុនជាមន្ត្រីរបស់លោក តែក្រោយមកគាត់បានផ្លាស់ប្តូរអង្គភាពហើយ ។
ក្នុងនោះត្រូវបានមហាជន និងប្រជាពលរដ្ឋ មានការរិះគន់យ៉ាងខ្លាំង ខណៈពេល លោក ហៃធឺយ បានយកតួនាទីជាប៉េអ៊ឹមប្រកបមុខរបររកស៊ីឈើយ៉ាងសកម្ម ដៃម្ខាងដឹកឈើ ដៃម្ខាងចាប់ឈើប្រជាពលរដ្ឋ ដៃម្ខាងយកលុយជាក់ស្តែងនៅថ្ងៃទី១៨ ខែតុលាកន្លងមកនេះ លោក ហៃធឺយ ដែលជាឈ្មួញយកស្បៃកជាកងរាជអាវុធហត្ថ មកដឹកឈើធ្នង់តាមគោយន្តកន្ត្រៃ មានមុខ ៨០ ក្រាស់២.២០ទាំងតូចធំចំនួន5សន្លឹក ដោយពុំត្រូវបានសមត្ថកិច្ចមេព្រៃធ្វើការចាប់ឬហាមឃាត់ នោះទេជាហេតុធ្វើឲ្យមានការសង្ស័យថា ប្រហែលជាមេព្រៃសង្កាត់រដ្ឋបាលព្រៃឈើគូលែន បានទទួលលាភស្ការៈទេដឹង បានជាបទល្មើសដឹកឈើដូចទឹកបាក់ទំបន់។
ដោយ ប៊ុន រដ្ឋា
