ខេត្តកំពង់ឆ្នាំង៖ ការតវ៉ារបស់ក្រុមអាជីវករលក់ដូរជុំវិញផ្សារលើ ក្រុងកំពង់ឆ្នាំង បានផ្ទុះ ឡើងនៅល្ងាចថ្ងៃទី២០ ខែតុលា ឆ្នាំ២០១៥ បន្ទាប់ពីក្រុមគណៈកម្មការចម្រុះខេត្តបាន វាស់វែងដីគូសគំនូស សបែងចែកកន្លែងអោយលក់ដូរនៅសងខាងផ្សារលើ ដែលមានទំហំ១,៤៥មគុណនិង១,៨៥ម តូចពេកក្នុង១កន្លែង ដែលពីមុនអាជីវករថា មានអ្នកលក់ដូរតែជាង២០០នាក់ ឥឡូវមានឈ្មោះដល់ទៅជាង៤០០នាក់។ ការតវ៉ានេះបាន ធ្វើអោយគណៈកម្មការចំរុះខេត្ត បានបន្ថែមសមត្ថកិច្ចជាច្រើននាក់ទៀត ដើម្បីការពារសុវត្ថិភាពរបស់ខ្លួន ព្រោះខា្លចមានអំពើហឹង្សាកើតឡើង ដែលក្នុងនោះគេឃើញ មេបញ្ជាការ មេបញ្ជាការងកងរាជអាវុធហត្ថខេត្ត លោកស្នងការង និងកងកម្លាំងប្រដាប់អាវុធជាច្រើននាក់ទៀតមកអន្តរាគម ។
អាជីវករអោយដឹងថាណ ក្រោយពីអង្កការចៃការ ប្រទេសជប៉ុនបានធ្វើផ្លូវសងខាងផ្សារលើ ដោយក្រាលការ៉ូឡា យ៉ាងស្អាតរួចមកគណកម្មការចំរុះខេត្ត បានរៀបចំអោយក្រុមអាជីករ ដែលធ្លាប់តែលក់ដូរសងខាងផ្សារលើ ចូលលក់ដូរកន្លែងចាស់ឡើងវិញ ដោយបានប្រជុំឯកភាព គ្នាគូសគំនូសប្លង់សងខាងផ្សារលើ អោយអាជីវករលក់ដូរ មានចំនួនសរុប ៤៥៣ កន្លែង ដោយក្នុងមួយកន្លែងមានទំហំ ទំហំ១,៤៥ម៉ែត្រ គុណនិង ១,៨៥ម៉ែត្រ។
ដោយសារតែការវាស់កន្លែងអោយលក់ដូរតូចពេកនេះហើយ ទើបពួកគាត់ផ្ទុះការតវ៉ា ព្រោះតែមិនអាចលក់ដូរបាន បើកន្លែងលក់បបរ លក់ផ្លែឈើ និងលក់សាច់ជ្រូកគឺ ដាក់រានលក់មិនកើតផង នេះគឺសម្រាប់អាជីវករលក់ពេញមួយថ្ងៃ ខុសពីអ្នកក្រាលកន្ទេលលក់ដូរតែមួយព្រឹកដូចប៉ែកខាងត្បូងផ្សារ គឺអាចទទួលយកបាន។ ការតវ៉ារបស់ពួកគាត់ គឺសុំអោយគណៈកម្មវាស់ដីអោយពួកគាត់សម្រាប់លក់ដូរបានទំហំ ២ម៉ែត្រគុណនិង២ម៉ែត្រ និងសុំពួកគាត់ធ្លាប់លក់កន្លែងណា បានលក់កន្លែងនោះវិញ មិនព្រម
ចាប់ឆ្នោតយកកន្លែង តាមការរៀបចំរបស់គណៈកម្មការឡើយ ។ ដោយឡែកបងបង្អូនអាជីវការចាស់បានអោយដឹងថា ពីមុនមកមានអាជីវករចាស់លក់ដូរតែជាង២០០នាក់តែប៉ុណ្ណោះ តែឥឡូវមានគេចុះឈ្មោះទៅដល់ជាង៤០០នាក់ ដែលគេដឹងថាមានអ្នកម្នាក់ឯងមានក្លែងលក់ដូរ៤ឬ៥ក្នលែង គេយល់ថាជារឿងបក្ខពួកគ្រួសារនិយម ឬត្រីងៀតពង។
បន្ទាប់ពីមានការតវ៉ាស្ទើក្លាយជាអំពើហឹង្សានេះរូចមក គេឃើញលោក ស៊ុន សុវណ្ណរិទ្ឋ អភិបារង ខេត្តកំពង់ឆ្នាំង និងជាប្រធានគណៈកម្មការចំរុះរៀបចំផ្សារ បានទៅសម្របសម្រួលដោយបានបញ្ជាក់ថាៈ ការវាស់វែងនេះគ្រាន់តែជាការវាស់វែង បណ្តោះអាសន្នទេ បងប្អូននៅកន្លែងណា លក់នៅកន្លែងនោះសិនចុះ តែសុំអោយគណៈកម្មការបន្តការវាស់វែងបន្តទៀត និងរាល់សំណូមពររបស់បងប្អូនអាជីវករនិងយកទៅពិភាក្សាគ្នា ព្រមទាំងឆ្លងយោបល់លោកអភិបាលខេត្តបន្តទៀត ។ ជុំវិញករណីនេះ បងប្ងូនអាជីវករចាស់សំណូមពរដល់លោកអភិបាលខត្ត ជួយដោះស្រាយដោយយុត្តិធម៌ផង ព្រោះពួកគាត់ដឹងច្បាស់ណាស់ថាអ្នកណាជាអាជីវករចាស់ធ្លាប់លក់ដូរ និងអ្នកណាជាអា ជីវករថ្មីមិនធ្លាប់លក់ដូរ និងអ្នកខ្លះគ្រាន់តែចុះឈ្មោះយកកន្លែងទុកលក់អោយគេតែប៉ុណ្ណោះ បើមិនដូច្នោះទេរឿងនេះពិតជាក្លាយជារឿងធំមិនខានឡើយ៕
