ខេត្តឧត្តរមានជ័យ៖ ដើម្បីចូលរួមចំណែកកាត់បន្ថយភាពក្រីក្រជាមួយរដ្ឋាភិបាល ក្រុមសាមនខេមរះអភិវឌ្ឍន៍ បានសហការជាមួយអាជ្ញាធរខេត្តឧត្តរមានជ័យ បាននាំយកអំណោយជាថវិការ គ្រឿងឧបភោគ បរិភោគ និងសម្ភារះប្រើប្រាស់ទៅចែកជូនដល់ចាស់ជរា ពលរដ្ឋក្រីក្រ និងស្ត្រីដែលទើបឆ្លងទន្លេថ្មីៗ ក្រោយបុណ្យភ្ជុំ កាលពីវេលាម៉ោង៨និង៣០នាទីព្រឹកថ្ងៃទី២២ ខែតុលា ឆ្នាំ២០១៥នេះ ក្នុងន័យវប្បធម៌ចែករំលែក។
ពលរដ្ឋដែលទទួលបានអំណោយពីថ្ងៃនេះ ពលរដ្ឋក្រីក្រ ចាស់ជរា មានចំនួន២៥គ្រួសារនិងស្រី្តទើបឆ្លងទន្លេថ្មីៗ៥ គ្រួសារ នៅក្នុងភូមិ(លើភ្នំ ឃុំត្រពាំងប្រិយ៍. ស្រុកអន្លង់វែង ខេត្តឧត្តរមានជ័យ។ពិធីចែកនេះក៏មានការចូលរួមពីលោក លោកស្រី មន្ត្រីរាជការ មេភូមិ មេឃុំ កម្លាំងប្រដាប់អាវុដ និងតំណាងឲ្យក្រុមហ៊ុនខាងលើ ផងដែរ។
តំណាងក្រុមហ៊ុនសាមន ខេមរះអភិវឌ្ឍន៍ លោក ឡុង ប៊ុនអាង បានឲ្យដឹងថា អំណោយដែល យកមកចែកជូនថ្ងៃនេះសម្រាប់ចាស់ជរា និងពលរដ្ឋក្រីក្រ ១គ្រួសារទទួលបាន១ម៉ឺនរៀល អង្ករ ថ្នាំពេទ្យ ស្ករស អំបិល ប៊ីចេង ទឹកត្រី ទឹកស៊ីអ៊ីវ នំពងទា។រឯស្ត្រីទើបឆ្លងទន្លេទទួលបានថវិការមួយ គ្រសារ៣ម៉ឺនរៀល បន្ថែមក្រៅពីអំណោយដូចខាងលើ។
លោកសូ ណាតមេឃុំត្រពាំងប្រិយ៍ បានថ្លែងថា នេះគឺជាកិត្តយសណាស់ដែលក្រុមហ៊ុនឯកជន សប្បុ រសជន បាននាំយកអំណោយមកចែកពលរដ្ឋក្រីក្រដល់មូលដ្ឋានរបស់លោក បើទោះអំណោយនេះតិចតួចក្តីតែវាក៏អាចជួយសម្រួលដល់ការហូបចុករបស់ពលរដ្ឋបានមួយរយះពេលដែរ។នេះស្តែងចេញឲ្យឃើញថា ជាសកម្មភាពដ៏ប្រពៃប្រកបក្នុងន័យខ្មែរចេះជួយខ្មែរគ្រាក្រ ទាំងនេះគឺដោយសារតែប្រទេសជាតិរបស់ យើងមានសុខសន្តិភាព ក្រោយការដឹកនាំដ៏ឈ្លាសវៃរបស់ប្រមុខរាជរដ្ឋាភិបាលកម្ពុជា នាពេលបច្ចុប្បន្ន៕
