ខេត្តកំពង់ឆ្នាំង៖ នៅក្នុងសាលាឃុំឆ្នុកទ្រូ នាថ្ងៃទី២១ ខែតុលា ឆ្នាំ២០១៥ ឯកឧត្តម ចេង ញ៉ាន់ អភិបាល.. រងខេត្តកំពង់ឆ្នាំង បានដឹកនាំការប្រជុំមួយ ជាមួយអាជ្ញាធរស្រុកបរិបូណ៌ និងអាជ្ញាធរឃុំឆ្នុកទ្រូផ្សព្វផ្សាយផែនការរបស់គណៈអភិបាលខេត្តកំពង់ឆ្នាំង ពីឆ្នាំ២០១៥ ដល់ឆ្នាំ២០១៩ ត្រូវធ្វើការផ្លាស់ប្ដូទីតាំងផ្ទះបណ្តែតលើទឹករបស់ប្រជាពលរដ្ឋ ចំនួន១.៥៧៧គ្រួសារ នៅក្នុងឃុំឆ្នុកទ្រូ ស្រុកបរិបូណ៌ អោយមករស់នៅលើគោកវិញ។ កិច្ចប្រជុំនេះ មានការចូលរួមពី មន្ទីរដែនដីរូបនីយកម្មខេត្តមន្ទីសាធារណះការខេត្ត លោកអភិបាលស្រុកបរិបូណ៌ សមត្ថកិច្ចស្រុក លោកមេឃុំ និងក្រុមប្រឹក្សាឃុំឆ្នុកទ្រូសរុបមានចំនួន១៤នាក់។
នៅក្នុងកិច្ចប្រជុំផ្សព្វផ្សាយកផែនការនេះ ឯកឧត្តម ចេង ញ៉ាន់ បានបញ្ជាក់អោយដឹងថា៖ អាជ្ញាធរខេត្ត បានធ្វើការសិក្សាជាមួយអង្គភាពពាក់ព័ន្ធក្នុងខេត្ត ដោយឃ្វាលដីនៅក្នុងតំបន់៣ នៅចំណុចផ្លូវចូលវត្តកំពង់ព្រះ ស្ថិតនៅក្នុងឃុំឆ្នុកទ្រូ ដែលមានទំហំទទឹង៦០០ម៉ែត្រ និងបណ្ដោយ១០០០ម៉ែត្រ សម្រាប់រៀប ចំអោយប្រជាពល រដ្ឋឡើងពីទឹកមករស់នៅ ដោយមន្ទីរសាធារណះការខេត្ត ធ្វើការបូមប្រឡាយចាស់ជា ប់ផ្លូវជាតិ៥២ ក្នុងភូមិឆ្នុកទ្រូ មានទទឹង៦០ម៉ែត្រ បណ្ដោយជិត២០០០ម៉ែ ត្រ និងជម្រៅអោយស្មើនឹងបាតទន្លេ ហើយយកដីចាក់នៅចំណុចខាងលើអោយយមានកំពស់ពី៤ម៉ែតឡើងទៅ សំរាប់ធ្វើផ្សារ១កន្លែង និងពុះធ្វើជាដីឡូត៍ក្នុង១ឡូត៍ៗ មានទំហំ៨ម៉ែត្រគុណ២០ម៉ែត្រ សំរាប់ចែកអោយប្រជាពលរដ្ឋរស់នៅ។ . ឯកឧត្តមអភិបាលរងខេត្ត បានបញ្ជាក់អោយដឹងថា៖ប្រជាពលរដ្ឋដែលរស់នៅលើទឹកទន្លេក្នុងឃុំឆ្នុកទ្រូមានចំនួនសរុប១.៥៧៧គ្រួសារ ក្នុងនោះមានប្រជាពលរដ្ឋខ្មែរ៩០២គ្រួសារ ឥស្លាម៧២គ្រួសារ និងវៀតណាម៥៩៧គ្រួសារ។ នៅក្នុងផែនការខាងលើនេះ ក្រោយពីមានការរៀបចំពុះដីជាឡូត៍រួចមក តម្រូវអោយប្រពលរដ្ឋដែលមានផ្ទះបណ្តែលលើទឹកទាំងអស់ ផ្លាស់ប្តូរទីតាំងមកនៅលើគោកវិញ ដោយម្ចាស់ការខ្លួនឯង និងអោយអ ស់ត្រឹមឆ្នាំ២០១៩។ឯកឧត្តមអភិបាលរងខេត្តកំពង់ឆ្នាំង បានសំណូមពរដល់មន្ត្រីរាជស្រុក និងឃុំ ត្រូវធ្វើការផ្សព្វ ផ្សាយផែនការនេះដល់បងប្អូនប្រជាពលរដ្ឋទាំងអស់អោយបានយល់ដឹងគ្រប់ៗគ្នា និងត្រូវចូលរួមអនុវត្តផែនការនេះអោយបានជោគជ័យ។ ព្រោះការរស់នៅលើទឹកកន្លងមកវបានធ្វើអោយប៉ះពាល់ដល់សុខភាព បរិស្ថានទឹកយ៉ាងធ្ងន់ធ្ងរ ដូចជាការលក់ដូរប្រេងឥន្ទនៈ បញ្ចូលអាគុយ ជួសជុលម៉ាស៊ីន សិប្បកម្មទឹកកក និងការបន្ទោរ បង់ដាក់ទន្លេក្នុង១ថ្ងៃៗសិបរាប់តោន៕ 
