ខេត្តបន្ទាយមានជ័យ ព្រឹកថ្ងៃទី២២ខែតុលាឆ្នាំ២០១៥ស្ថិតនៅក្នុងភូមិជ្រៃ ឃុំបឹងបែង ស្រុកម៉ាឡៃ ខេត្តបន្ទាយមានជ័យ កម្លាំងនគរបាលការិយាល័យប្រឆាំងការជួញដូរមនុស្សនិង ការពារអនីតិជន ខេត្តបន្ទាយមានជ័យ បានសហការជាមួយ កំលាំងចំរុះចុះបង្ក្រាទប់ស្តាត់ពលករឆ្លងដែនទៅរកកាងារធ្វើនៅប្រទេសថៃដោយខុសច្បាប់បានចំនួន១៨នាក់ ស្រី៨នាក់ កុមារ៣នាក់ដើម្បីយកមកអប់រំនិងឲ្យពលករទាំងនោះងាក់មករកការងារធ្វើនៅស្រុកខ្មែរវិញនិងបានជួបជុំបងប្អូននិងមិនមានគ្រោះថ្នាក់ដល់អាយុជីវិតទៀតផង។លោកឧត្តមសេនីយ៍ត្រី អាត់ខែមស្នងការនគបាលខេត្តបន្ទាយមានជ័យ បាននិយាយថា សម្រាប់ប្រជាពលករ ទាំង១៨នាក់នេះត្រូវបានមន្ត្រីនគបាលរបស់លោក ធ្វើការអប់រំ ហើយឲ្យត្រឡប់ទៅវិញ ដោយពន្យល់ទៅស្វែងរកការធ្វើលិខិតស្នាមឲ្យបានត្រឹមត្រូវវិញជៀសវាងមានគ្រោះថ្នាក់ដល់ជីវិត នៅពេលឆ្លងដែនទៅរកការងារធ្វើនៅប្រទេសថៃដោយខុសច្បាប់។លោកអាត់ខែមបានដាក់ផែនការឲ្យកម្លាំងនគរបាល តាមវរៈ តាមបណ្តាស្រុក និងតាមព្រំដែន សហការគ្នាដើម្បីធ្វើការទប់ស្កាត់ឲ្យមានប្រសិទ្ធភាព ចំពោះការលួចឆ្លងដែនរបស់ពលករដែលទៅរកកាងារធ្វើនៅស្រុកថៃខុសច្បាប់ក្នុងនោះដែរកម្លាំងនគរបាលបានឃាត់ខ្លួនពលករលួចឆ្លងដែនដោយខុសច្បាប់បានជាច្រើនរយនាក់យកមកអប់រំនិងឲ្យវិលត្រឡប់ទៅលំនៅដ្ឋានវិញជាបន្តបន្ទាប់ផងដែរ៕
