ខេត្តបន្ទាយមានជ័យ ព្រឹកថ្ងៃទី២២ ខែតុលា ឆ្នាំ២០១៥នេះ លោក លឹម គានហោ រដ្ឋមន្ត្រីក្រសួងធនធានទឹកនិងឧតុនិយមបានដឹកនាំក្រុមការងារជាច្រើននាក់ចុះមកពិនិត្យស្ថានភាពទឹកនិងការងារបង្កបង្កើនផលស្រូវនៅក្នុងខេត្តបន្ទាយមានជ័យក្នុងនោះមានស្រុកមង្គលបូរីដែលជាស្រុកធំជាងគេក្នុងការបង្កបង្កើនផលស្រូវ។បើតាមប្រធានមន្ទីរកសិកម្មខេត្តបន្ទាយមានជ័យបានឲ្យដឹងថាប្រជាកសិករក្នុងខេត្តបន្ទាយមានជ័យបានធ្វើដំណាំដាំដុះនិងស្រូវរដូវវស្សាលើផ្ទៃដីមានចំនួន ២៤៦.០២១ហិកតា ស្មើនឹង១០២,៥១ ភាគរយនៃផែនការធ្វើបាន ។ក្នុងនោះលោកលឹមគានហោរដ្ឋមន្ត្រីធនធានទឹកបានរំលឹកថាដើមរដូវវស្សាឆ្នាំនេះក្នុងខេត្តបន្ទាយមានជ័យ មានបញ្ហាទឹកខ្លាំងជាងគេរហូតដល់ទៅមានឃុំមួយចំនួនខ្វះទឹកសម្រាប់ប្រើប្រាស់ប្រចាំថ្ងៃនិងទឹកធ្វើស្រែប្រាំងយ៉ាងខ្លាំងទៀតផងដែលតម្រូវឲ្យយើងអូសទឹកពីខេត្តបាត់ដំបងយកមកផ្គត់ផ្គង់ពិសេសក្នុងស្រុកមង្គលបូរីតែម្តងប៉ុន្តែមកដល់ពេលនេះ ក្នុងខេត្តបន្ទាយមានជ័យទាំងមូលលែងមានបញ្ហាទៀតហើយលោកសង្ឃឹថាស្រូវវស្សាឆ្នាំនេះប្រកដជាប្រមូលបានផលប្រើនជាងឆ្នាំមុនៗជាមិនខានឡើយ៕
