ឧត្តរមានជ័យ៖ ឯកឧត្តមឧត្តមសេនីយ៍ឯក ប្រាក់ សិទ្ឋ មេបញ្ជាការងកងរាជអាវុធហត្ថ លើផ្ទៃប្រទេស បានជម្រុញដល់មន្ត្រី អាវុធហត្ថទាំងអស់នៅក្នុងខេត្តឧត្តរមានជ័យ ត្រូវធ្វើការពង្រឹងការងារវិស័យការពារជាតិ និងចូលរួមអនុវត្តន៍តាមច្បាប់ឱ្យមានប្រសិទ្ធភាពខ្ពស់ ដើម្បីឆ្លើយត
បឲ្យទាន់សភាពការណ៍ និងចូលរួមយ៉ាងសកម្មក្នុង ការការពារខឿនឯករាជ្យជាតិនិងទុបស្កាត់ រាល់បទល្មើសនានាឱ្យមានប្រសិទ្ឋភាព។ឯកឧត្តមឧត្តមសេនីយ៍ឯក ប្រាក់ សិទ្ធ មេបញ្ជាការរងកងរាជអាវុធហត្ថលើផ្ទៃប្រទេស ដែលបានលើកឡើងក្នុងពិធិផ្សព្វផ្សាយការងារអប់រំចិត្តសាស្រ្តប្រចាំឆមាសទី២ ឆ្នាំ២០១៥ ដល់នាយរង និងពលអាវុធហត្ថ នៅទីបញ្ជាការកងរាជអាវុធហត្ថ ខេត្តឧត្តរមានជ័យ នាព្រឹកថ្ងៃទី២២ ខែ តុលាឆ្នាំ២០១៥នេះ ។ឯកឧត្តមឧត្តមសេនីយ៍ឯក ប្រាក់ សិទ្ធ បានមានប្រសាសន៍បញ្ជាក់ថា ផ្នែកអប់រំចិត្តសាស្រ្ត ត្រូវបានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ រាជាណាចក្រកម្ពុជា ជានិច្ចកាលតែងតែបានយកចិត្តទុកដាក់ និងជំរុញឲ្យអនុវត្តយ៉ាងសកម្ម។ ហើយបានតំរូវឲ្យកងទ័ពទាំងអស់ខិតខំប្រឹងប្រែង និងត្រូវប្តេជ្ញា
ចិត្តអនុវត្តតាមគោលនយោបាយលើវិស័យការពារជាតិរបស់រាជរដ្ឋាភិបាល ដោយផ្អែកលើបទពិសោធន៏ដែលបានឆ្លងកាត់កន្លងមក ដូចជាសភាពការណ៏កើត ឡើងនានាមួយចំនួនដែលបានកើតឡើងកន្លងមក។ឯកឧត្តមបន្តថា កងកម្លាំងពលអាវុធហត្ថមានស្មារតីទទួលខុសត្រូវ ធ្វើការទប់ស្កាត់ឱ្យបានទាន់ពេលវេលានូវបាតុភាពអសកម្ម និងរាល់បញ្ហាដែលកើតឡើង ក្នុងករណីជាយក្សថាហេតុ នៅតាមមូលដ្ឋានឈរជើងខ្លួន។ ជាពិសេសគ្រប់អង្គភាពត្រូវពង្រឹងផ្នែកវិន័យឱ្យបានរឹងមាំ ហើយអនុវត្តន៍ទៅតាមបទបញ្ជារបស់ថ្នាក់ដឹកនាំ និងគោរព អនុវត្តន៍ ច្បាប់របស់ប្រទេសជាតិ ឱ្យបានគ្រប់ជ្រុងជ្រោយ។មិនប៉ុណ្ណោះត្រូវពង្រឹងទំនាក់ទំនងល្អជាមួយប្រជាពលរដ្ឋ បង្កើនជំនឿ ជឿជាក់ចំពោះការដឹកនាំរបស់រាជរដ្ឋាភិបាល ដែលកើតចេញពីការបោះឆ្នោតប្រជាជន។ ដែលទាំងនេះ ក៏ជាសមិទ្ធិផល បានមកពីការចូលរួម ក្នុងផ្នែកអប់រំចិត្តសាស្រ្តដែរ។ឯកឧត្តមមេបញ្ជាការរងកងរាជអាវុធហត្ថលើផ្ទៃប្រទេស ក៏បានធ្វើការផ្តាំផ្ញើដល់ពលអាវុធហត្ថ ដែលបានចូលនៅថ្ងៃនេះថា ការងារអប់រំចិត្តសាស្រ្ត គឺជាកាតំរង់ទិសការងារ ឲ្យចំគោលដៅ ត្រូវចាត់ទុកជាការកសាងធនធានមនុស្ស ជាពិសេសចំពោះ យុវជនដែលជាកំលាំងបន្តវេន ឲ្យប្រកបដោយស្មារតីមានមនសិការស្នេហាជាតិ ឆន្ទៈមុះមុតចំពោះ ជាតិមាតុភូមិ និងមានសមត្ថភាពជំនាញ សីលធម៌ និងមានវិជ្ជាជីវៈដោយពិតប្រាកដ។ 
