ព្រះវិហារ តាមសេចក្ដីរាយការណ៍បានអោយដឹងថាលោកកែបប៊ុណ្ណាមន្ដ្រីផ្នែករដ្ឋបាលព្រៃឈើឆែបបានយកជំនាញមេព្រៃរបស់ខ្លួនប្រព្រឹត្តផ្តេសផ្តាស់ញឹកញាប់ខណះរាល់ការបង្ក្រាបចាប់បានបទល្មើសព្រៃឈើក្នុងមូលដ្ឋានរបស់ខ្លួនភាគីច្រើនមិនបានចងក្រងសំណុំរឿងនោះទេ។
ប្រភពព័ត៌មានបានអោយដឹងថាលោកកែបប៊ុណ្ណាទទួលបន្ទុកថ្នាលបណ្តុះកូនឈើក្នុងភូមិពោធិ៍ទាបឃុំម្លូព្រៃ១ស្រុកឆែបខេត្តព្រះវិហារកំពុងមានរឿងអាស្រូវខ្លាំងក្នុងមូលដ្ឋាន។គាត់តែងតែចុះបង្ក្រាបបទល្មើសព្រៃឈើដែលឈ្មួញខិលខូចយកលាក់ទុកតាមផ្ទះប្រជាពលរដ្ឋនិងស្តុកទុកតាមដុបព្រៃក្នុងព្រៃការពារព្រះរកា។ភាគច្រើនគាត់មើលស្រាលច្បាប់ស្តីពីព្រៃឈើគឺមិនបានចងក្រងសំណុំរឿងបញ្ជូនទៅតុលាការនោះទេដើម្បីងាយស្រួលយកវត្ថុតាងឈើតាប់ប្រណីតនិងឈើតាប់គគីរទាំងនោះចែកចាយគ្នាប្រើប្រាស់និងលក់ដូរជាប្រយោជន៍បុគ្គល។
លោកកែបប៊ុណ្ណាមន្ដ្រីផ្នែករដ្ឋបាលព្រៃឈើឆែបបានឆ្លើយបំភ្លឺអោយដឹងថាគាត់មិនបានប្រព្រឹត្តដូចការចោទប្រកាន់នោះទេ។គាត់ហ៊ានស្បថអោយងាប់បើសិនគាត់បានយកវត្ថុតាងបទល្មើសព្រៃឈើដែលចាប់បង្ក្រាបបានមកចែកគ្នាប្រើប្រាស់និងលក់ដូរ។
គួរបញ្ជាក់ថាឈើតាប់ប្រណីត,ឈើតាប់សុក្រំនិងគគីរដែលជនខិលខូចកាប់បំផ្លាញពីព្រៃឈើការពារព្រះរកាមួយចំនួនធំបានដឹកយកទៅលក់អោយឈ្មួញឈើសេដ្ឋីដុះស្លែម្នាក់ឈ្មោះគិតនិងប្រពន្ធរបស់គាត់សំរាប់កែច្នៃធ្វើគ្រឿងសង្ហាររឹមផលិតគ្រែតុទូនិងសន្លឹកទ្វារសំរាប់ដឹកយកទៅលក់នៅខេត្តសៀមរាប។អាជ្ញាធរមានសមត្ថកិច្ចមិនហ៊ានបង្ក្រាបទីតាំងរោងសិប្បកម្មដ៍ធំមួយកន្លែងនៅភូមិពោធិ៍ទាបរបស់ឈ្មួញម្នាក់នេះទេដោយសារដឹងថាមានមន្ដ្រីជាន់ខ្ពស់២ទៅ៣នាក់នៅរាជធានីភ្នំពេញកាងនៅពីក្រោយខ្នងយ៉ាងរឹងមាំ៕
