ខេត្តពោធិ៍សាត់;ដោយសាតែរថយន្តចាស់មុនបើកបរមិនត្រួតពិនិត្យ ទើបរថយន្តធុនធំមួយគ្រឿងបានប្រាស់ដេកលើទ្រូងផ្លូវ ខណៈពេលដែលកំពុងចរាចរណ៍លើផ្លូវជាតិលេខ៥សុខៗស្រាប់តែដាច់កង់ខាងស្តាំចេញពីតួរថយន្តបណ្ដាលឲ្យវេចង្កូតរេពេញផ្លូវជាតិក៍ក្រឡាប់ផ្ងាជើង ចាក់ផ្លែស្វាយលើផ្លូវរបួសធ្ងន់និងស្រាលមនុស្សក្នុងរថយន្ត២នាក់និងរងកាខូចខាតរថយន្តមួយចំនួន។ ហេតុការណ៍នេះបានកើតឡើងកាលពីវេលាមោ៉ង ២និង១៥នាទីទាបភ្លឺថ្ងៃទី២៦ ខែតុលា ឆ្នាំ២០១៥ ត្រង់ចន្លោះគីឡូមែ៉តលេខ១៥១និង១៥២ ស្ថិតក្នុងភួមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់ ដោយសំណាងណាស់ពំមានគ្រោះថ្នាក់ដល់អ្នកដំណើរចរាចរណ៍លើផ្លូវ។
លោក ខៀវ សុខា នាយប៉ុស្ត៍នគរបាលឃុំក្បាលត្រាច បានឲ្យដឹងនៅកន្លែងកើតហេតុថា រថយន្តមួយគ្រឿងនេះជាប្រភេទហីុយា៉ន់ដាយពណ៍សស្លាក់លេខភ្នំពេញ3C . 84-84 បានចរាចរណ៍ពីកើតឆ្ពោះទៅទិសខាងលិចលើផ្លូវជាតិលេខ៥។ ដោយរថយន្តនេះផ្ទុកផ្លែស្វាយពេញខាងក្រោយរថយន្ត មានមនុស្សជិះតែ២នាក់ប៉ុណ្ណោះគឺតៃកុងបើកបរឈ្មោះ អូន ប៉ូរា៉ ភេទ ប្រុសអាយុ១៨ឆ្នាំនៅស្រុកកងមាស ខេត្តកំពង់ចាម។ និងម្នាក់ទៀតជាព្រូរថយន្តឈ្មោះ អ៊ូច សុខន អាយុ២៨ឆ្នាំ ភេទប្រុស នៅខេត្តតាកែវ។
លោក សុខាបន្តថាពេលដែលពួកគេបើកបរចរាចរណ៍លើផ្លូវជាតិលេខ៥សុខៗ មកដល់ចំនុចចន្លោះគីឡូមែ៉ត្រ១៥១និង១៥២កើតហេតុខាងលើ រថយន្តនោះក៍បានដាច់កង់ក្រោយផ្នែកខាងស្តាំ ចេញពីតួរថយន្តទៅបាត់ ក៍ចាប់ផ្ដើមរ៉េចង្កូតចុះឡេីងៗហើយទាញទៅស្ដាំដៃ ក៍ក្រឡាប់ផ្ងាជើងលើផ្លូវជាតិតែម្ដង។ ដោយម្នាក់ជាព្រូរថយន្តរងរបួសធ្ងន់នឹងតៃកុងបើកបខាងរបួសស្រាល រថយន្តរងកាខូចខាតមួយចំនួនរួមជាមួយផ្លែស្វាយផង។ ក្រោយកើតហេតភ្លាមនគរបាលចរាចរណ៍បានទៅកន្លែងកើត ដោយនិយាយថាជនរងគ្រោះម្នាក់ជាព្រូរងរបួសធ្ងន់ឈ្មោះ អ៊ូច សុខន នោះបានបញ្ជូនទៅកាន់មន្ទីពេទ្យ ។ ដោយឡែករថយន្តនគរបាលចរាចរណ៍បានទៅជួយដាក់ស្លាក់សញ្ញាសំគាល់ចរាចរណ៍ទាំងយប់នោះរហូតដល់ភ្លឺក្រែងមានគ្រោះថ្នាក់ទៀត ទើបស្ទូចយកទៅជួសជុលនិងសាសម្ភារៈផ្លែស្វាយដាក់រថយន្ដផ្សេង ។ លោក ទូច មន្ត្រីនគរបាលចរាចរណ៍ផ្លូវគោកស្រុកក្រគរបានស្ដីបន្ទោសថៅកែរថយន្តនោះថា មូលហេតុគ្រោះបែបនេះគឺដោយសារថយន្តចាស់ មុនធ្វើកាបើកបរដឹកសម្ភារៈផ្ទុកទំនិញផ្សេងៗ មិនព្រមត្រួតពិនិត្យរថយន្តខ្លួនឡើយ ។ ហើយនេះសំណាងណាស់ពេលដែលជួបគ្រោះថ្នាក់នេះអត់មានរថយន្តនិងអ្នកដំណើរអត់ចរាចរណ៍ទៅមក រាងស្ងាត់បន្តិច របួសតែពីនាក់តៃកុងនិងព្រូ បើមានរថយន្តអ្នកដំណើរទៅមកច្រើនវិញមិនដឹងជាគ្រោះថ្នាក់បែបណា បើកំពុងតែបើកបដាច់កង់រ៉េពេញផ្លូវហើយក្រឡាប់បែបនេះ ដូច្នោះសួមម្ចាស់យាន្តគ្រប់ប្រភេទមុនធ្វើកាបើកបត្រូវត្រួតពិនិត្យរថយន្តឲ្យបានគ្រប់គ្រាន់សិនសំុចរាចរណ៍ដឹកទំនិញលើផ្លូវជាតិ។
