ខេត្តបន្ទាយមានជ័យ ព្រឹកថ្ងៃទី២៦ខែតុលាឆ្នាំ២០១៥នៅក្នុងបរិវេនសាលាស្រុកអូរជ្រៅប្រជាពលរដ្ឋមានចំនួន៣៣៤នាក់មកពី៣ស្រុកគឺស្រុក អូរជ្រៅ សង្កាត់ប៉ោយប៉ែត និងស្រុកម៉ាឡៃបាននាំគ្នាមកបញ្ចេញមតិនិងពិគ្រោះយោបល់និងក្តីកង្វាល់របស់ប្រជាពលរដ្ឋក្នុងមូលដ្ឋានក្នុងពិធីបើកវេតិការផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តនេះ។ពិធីផ្សព្វផ្សាយពិគ្រោះយោបល់នេះមានការចូលរួមលោកគោស៊ុំសារឿតអភិបាលខេត្តបន្ទាយមានជ័យ លោកអីុឡុងសមាជិកក្រុមប្រឹក្សាខេត្តលោកសានស៊ានហូអភិបាលស្រុកអូរជ្រៅ និងមន្ត្រីអ្នកមុខអ្នកការជាច្រើននាក់ទៀត។លោកគោស៊ុំដារឿតបានមានប្រសាសន៍ថាក្នុងវេទិការផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តនេះវាបានផ្តល់ឱកាសឲ្យដល់ប្រជាពលរដ្ឋឲ្យបានទទួលនូវព័ត៌មានទាំងឡាយដែលនៅក្នុងស្រុកក្រុងហើយក៏ជាឱកាសមួយសំរាប់ប្រជាពលរដ្ឋចូលរួមបញ្ចេញមតិយោបល់កើតឡើងនូវបញ្ហានិងសំណូមពរព្រមទាំងចូលរួមពិភាក្សាប្រកបដោយស្មារតីទទួលខុសត្រូវនិងតម្លាភាពខ្ពស់ផង។នៅក្នុងវេទិកាផ្សព្វផ្សាយនិងពិគ្រោះយោបល់នោះប្រជាពលរដ្ឋភាគច្រើនបានលើកយកបញ្ហាប្រឈមខ្លាំងនៅក្នុងភូមិឃុំរបស់ខ្លួននោះគឺបញ្ហាទឹកតែម្តង។លោកតាំងព្រាត់បាននិយាយក្នុងវេទិការនោះថានៅក្នុងខេត្តបន្ទាយមានជ័យនេះមិនទាន់ទាំងផុតខែវស្សាផងនៅក្នុងភូមិឃុំនិមួយៗមានការខ្វះខាតទឹកយ៉ាងខ្លាំងជាក់ស្តែងថ្មីៗនេះនៅស្រុកព្រះនេត្រព្រះមានក្រុមការងារនិងសមិត្ថកិច្ចជាច្រើននាក់បាននាំគ្នាជីកប្រឡាយដើម្បីបង្ហូរទឹកពីវាលទំនាបយកមកដាក់ចូលស្រះក្នុងភូមិដើម្បីទុកសំរាប់ប្រជាពលរដ្ឋប្រើប្រាស់នៅពេលខែប្រាំងខាងមុខនេះផងដែរ។លោកបានបន្តទៀតថាបញ្ហាខ្វះទឹកជាបញ្ហាសំខាន់ណាស់សំរាប់មនុស្សសត្វដូច្នេះគាត់សំណូមពរឲ្យលោកអភិបាលខេត្តជួយជីកប្រឡាយនៅភាមភូមិឃុំបង្ហៀទឹកចូលស្រះដើម្បីទុកប្រើប្រាស់នៅខែប្រាំង។បញ្ហាទី២គឺបញ្ហាក្រុមហ៊ុនចាក់ដីនៅតាមថ្នាល់ជាតិខ្ពស់ធ្វើឲ្យស្ទះផ្លូវទឹកនៅពេលខែវស្សា។បញ្ហាទី៣បញ្ហាការធ្វើអត្តសញ្ញាណប័ន ធ្វើសៀវភៅគ្រួសារគាត់សំណូមពរឲ្យនគបាលធ្វើ នៅតាមឃុំសង្កាត់ដើម្បីងាយស្រួលដល់ពួកគាត់និងមួយចំណុចទៀតគឺការទៅធ្វើអត្តសញ្ញាណប័នខុសអក្ខរាវិរុតសុំឲ្យកែនៅតាមឃុំ សំណូមពរមិនឲ្យកែនៅតុលាការព្រោះជួកការលំបាកច្រើន។នៅក្នុងពិភាក្សាពិគ្រោះយោបល់នោះមានប្រជាពលរដ្ឋចូលរួមបញ្ចេញមតិយ៉ាងច្រើននាក់ព្រមទាំងបានរកឃើញនូវបញ្ហាជាទិភាពសំខាន់ៗសម្រាប់រដ្ឋាបាលខេត្តយកទៅពិនិត្យពិចារណាក្នុងការឆ្លើយតបដើម្បីលើកកម្ពស់ជីវភាពរស់នៅរបស់ប្រជាពលរដ្ឋក្នុងខេត្ត៕
