ខេត្តសៀមរាប៖កម្លាំងសមត្ថកិច្ចចម្រុះរបស់នគរបាលស្នងការដ្ឋានខេត្តសៀមរាបបានបើកប្រត្តិការក្តៅទ្រុងទ្រាយធំបង្ក្រាប បទល្មើសគ្រឿងញៀននិងអំពើរលួច ប្លន់ក្នុងក្រុងសៀមរាប។
យោងតាមរបាយការណ៍បានឱ្យដឹងថា ក្នុងប្រត្តិបត្តិការបង្ក្រាបនេះបានដាក់ចេញនូវផែនការសកម្មភាពរួមមួយដែលមានកម្លាំងមកពីបណ្តាស្រុកចំនួន១១ ក្នុងមានកម្លាំងចំនួន២២នាក់ ,កម្លាំងការិយាល័យនគរបាលព្រហ្មទណ្ឌកំរិតស្រាល២៣នាក់,ការិយាល័យនគរបាលប្រឆាំងគ្រឿងញៀន១៦នាក់,អធិការដ្ឋាននគរបាលក្រុង៧នាក់,ប៉ុស្តិនគរបាលរដ្ឋបាលសង្កាត់ស្លក្រាម១២នាក់,នគរបាលសង្កាត់គោកចក៦នាក់,សរុបរួមមានចំនួន៨៦នាក់ ចែកចេញជា២ គោលដៅគឺ៖នៅក្នុងសង្កាត់ស្លក្រាម,និងសង្កាត់គោកចក។
របាយការណ៍បានបញ្ជាក់ថា ជាលទ្ធផលនៅថ្ងៃទី២២ខែតុលាឆ្នាំ២០១៥ បានរកឃើញនិងបញ្ជូនជនសង្ស័យរក្សាទុកចាត់ចែងប្រើប្រាស់សារធាតុញៀន បញ្ជូនទៅតុលាការបាន៤ករណី ដែលមានមនុស្សចំនួន១០នាក់ក្នុងនោះស្រី៤នាក់ និងដកហូតបានវត្ថុតាងមានៈចង្ក្រានចំរាញ់សារធាតុញៀន១,ថ្នាំញៀនម្សៅក្រាម១កញ្ចប់តម្លៃ៥០ដុលា្ល,ទូរស័ព្ទដៃ៦គ្រឿងនិងឧបករណ៍មួយចំនួន។រកឃើញនិងបញ្ជូនជនសង្ស័យប្រើប្រាស់សារធាតុញៀនទៅមជ្ឈមណ្ឌលស្តារយុវនីតិសម្បទាអ្នកញៀនគ្រឿងញៀនបានចំនួន១០នាក់ក្នុងនោះមានស្រីម្នាក់ និងមានចម្លើយសារភាពព្រមទាំងបានធ្វើតេស្តទឹកនោមឃើញមានសារធាតុញៀនពិតប្រាកដ។នៅថ្ងៃទី២៣ខែតុលាឆ្នាំ២០១៥ រកឃើញនឹងបញ្ជូនជនសង្ស័យរក្សាទុកចាត់ចែងប្រើប្រាស់សារធាតុញៀនទៅតុលាការបាន៤ករណី មនុស្ស៥នាក់ និងដកហូតបានវត្ថតាងមានៈ
ម្សៅក្រាម១កញ្ចប់(កន្លះក្រាម)មេតំហ្វេតាមីន៨កញ្ចប់ស្មើនឹងទម្ងន់៣,៨ក្រាម,ទូរស័ព្ទ៤គ្រឿង,ម៉ូតូ២គ្រឿង,។រកឃើញបញ្ជូនជនសង្ស័យប្រើប្រាស់សារធាតុញៀនទៅមជ្ឈមណ្ឌលស្តារយុវនីតិសម្បទាអ្នកញៀនគ្រឿងញៀនបានចំនួន៦នាក់ ហើយមានចម្លើយសារភាពនិងបានធ្វើតេស្តទឹកនោម ឃើញមានសារធាតុញៀនពិតប្រាកដនិងរកឃើញករណីលួចមានស្ថានទម្ងន់ទោស(កាប់ប្លន់ជនរងគ្រោះយកម៉ូតូកាលពីថ្ងៃទី៨ខែតុលាឆ្នាំ២០១៥ បានមនុស្សចំនួន៩នាក់ កំពុងស៊ើបអង្គេត ស្រាវជ្រាវរកវត្ថុតាងបន្ត។
ជនសង្ស័យទាំង៩នាក់ដែលសមត្ថកិច្ចឃាត់ខ្លួនបញ្ជូនទៅតុលាការមាន ទី១/ឈ្មោះ
ស ខន ភេទប្រុស ៣១ឆ្នាំ(ជនដៃដល់)ទី២/ឈ្មោះ មឿន សុវណ្ណារ៉ា ហៅហេង លីហួ ភេទប្រុសអាយុ១៧ឆ្នាំ(ជនដៃដល់)និងទី៣/ឈ្មោះ អ៊ុក ឌីណា ភេទប្រុសអាយុ១៧ឆ្នាំ បក្សពួក និងទី៤/ឈ្មោះ ស៊ុន ប៊ុនហេង ហៅតាទឹកកក ភេទប្រុសអាយុ៣១ឆ្នាំ ទី៥/ ឈ្មោះ គង់ សីហា ហៅតឿ អាយុ១៨ឆ្នាំ ភេទប្រុស ទី៦/ ឈ្មោះ រឿម រ៉ាន់នី ភេទប្រុសអាយុ២៤ឆ្នាំ ទី៧/ ឈ្មោះ ជេស អំណត់ ហៅធំ ភេទប្រុសអាយុ២៣ឆ្នាំ និងទី៨/ ឈ្មោះ ឆយ សុធាវិចិត្រ ហៅពៅ ភេទប្រុសអាយុ១៨ឆ្នាំ និងទី៩/ឈ្មោះ ធឿន សុណារិទ្ធា ហៅម៉ៅ ភេទប្រុសអាយុ១៧ឆ្នាំ ។ក្រោយពីបានឃាត់ខ្លួនជនសង្ស័យទាំង៩នាក់កម្លាំងជំនាញបានធ្វើការដកហូតវត្ថុតាងបានរួមមានៈម៉ូតូ៤គ្រឿង,ដាវដែកចំនួន១ដើម។បច្ចុប្បន្នជនសង្ស័យនិងវត្ថុតាងខាងលើត្រូវបានកម្លាំងជំនាញកសាងសំណុំរឿងបញ្ជូនទៅតុលាការនៅព្រឹកថ្ងៃទី២៦ខែតុលាឆ្នាំ២០១៥ ដើម្បីចាត់កាតតាមច្បាប់៕ ដោយ គឿន វ៉េត
