បន្ទាយមានជ័យះក្នុងរយះពេល៩ខែឆ្នាំ២០១៥ច្រកទ្វារអន្តរជាតិប៉ោយបែតទទួលបានភ្ញៀវបរទេសជាង៣សែននាក់មានការថយចះុ១១.០២%បើប្រៀបធៀបទៅនិងរយះពេលដូចគ្នាឆ្នាំ២០១៤។នេះបើតាមការលើកឡើងរបស់លោក ចុង ផែត អភិបាលរងខេត្តបន្ទាយមានជ័យក្នុងវេធិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តបន្ទាយមានជ័យនាព្រឹកថ្ងៃទី២៧តុលា២០១៥នៅសាលាស្រុកមង្គលបូរីសម្រាប់ក្រុងសិរីសោភ័ណនិងស្រុកមង្គលបូរីក្រោមការចូលរួមពីសំណាក់ ឯកឧត្តម អីុ ឡុង សមាជិកក្រុមប្រឹក្សាខេត្ត លោក គោស៊ុំ សារឿត អភិបាលខេត្តនិងអស់លោកជាប្រធានស្ថាប័ណ្ណជុំវិញខេត្តអាជ្ញាធរប្រជាពលរដ្ឋទាំងពីស្រុកក្រុង។
តាមការលើកឡើងបានអោយដឹងទៀតថាសម្រាប់ភ្ញៀវទេសចរណ៍បរទេសចេញវិញមានចំនួន៣០៧.៨៣៤នាក់មានការថយចះុ១២.០៨%បើប្រៀបទៅនិងរយះពេលដូចគ្នាឆ្នាំ២០១៤។ដោយឡែកខេត្តបន្ទាយមានជ័យក៍មានភ្ញៀវទេសចរណ៍ជាតិចូលកំសាន្តតាមរមណីដ្ឋាននានានិស្នាក់នៅក្នុងខេត្តមានចំ៣៧១.៣២៤នាក់កើនឡើង១២.៤២%។
ភ្ញៀវទេសចរណ៍បរទេសចូលកំសាន្តតាមរមណីដ្ឋាននានានិស្នាក់នៅក្នុងខេត្តមាន៦.៨២៤នាក់មានការកើនឡើង៦០.៦៤%។ក្នុងខេត្តបន្ទាយមានជ័យមានឧស្សាហកម្មទេសចរណ៍មានចំនួន១៩២កន្លែង។
