ខេត្តកំពង់ឆ្នាំង៖ផ្លូវលំជប៉ុនតាំងពីសង្គមចាស់១ខ្សែប្រវែង១.៣០០ម៉ែត្រ នៅក្នុងភូមិទួលខ្សាច់ ឃុំជ្រៃបាក់ ស្រុករលាប្អៀរ តាំងពីឆ្នាំ១០៧៩មិនដែលបានជួសជុលសោះបានបង្កការលំបាកក្នុងការធ្វើដំណើរយូរឆ្នាំមកហើយ នៅព្រឹកថ្ងៃទី២៦ ខែតុលា ឆ្នាំ២០១៥នេះ លោកមេភូមិ និងតំណាងប្រជាពលរដ្ឋជិត២០នាក់នៅក្នុងភូមិ បាននាំគ្នាលើកដៃសំពះស្នើ
សុំលោកអភិបាលខេត្តកំពង់ឆ្នាំង និងមន្ទីរពាក់ពន្ធ័ក្នុងខេត្ត មេត្តាជួយជួសជុលជូនពួកគា ត់ដែលមានចំនួន១៥៨គ្រួសារ បានប្រើប្រាស់ដោយក្តីអនុគ្រោះផង។
លោក សំ ហឿន អាយុ៨០ឆ្នាំ ជាមេភូមិទួលខ្សាច់តាំងពីឆ្នាំ១០៧៩ និងប្រជាពលរដ្ឋក្នុងភូមិទួលខ្សាច់ នៅព្រឹកថ្ងៃទី២៦ ខែតុលា ឆ្នាំ២០១៥នេះ បាននិយាយអោយដឹងថា៖ ផ្លូវលំមួយខ្សែដែលមានប្រវែង១.៣០០ម៉ែត្រនៅក្នុងភូមិទួលខ្សាច់នេះគឺ ជាផ្លូវលំចាស់ដែលជប៉ុនបានកសាងឡើងក្នុងសម័យអាណានិគមជប៉ុនក្នុងអំឡុងឆ្នាំ១៩៤០ មកដល់ពេលនេះផ្លូលំនេះបានខូចខាតអស់ទៅហើយ និងតាំងពីឆ្នាំ១៩៧ ៩មក មិនដែលមានការជួសជុលទាល់តែសោះ ជាហេតុធ្វើអោយប្រជាពលរដ្ឋនៅក្នុងភូមិចំនួន១៥៨គ្រួសារ ពិបាកធ្វើដំ ណើរខ្លាំងណាស់។
លោកមេភូមិទួលខ្សាច់បានអោយដឹងថា៖ក្នុងឆ្នាំកន្លងមកផ្លូវលំគ្រោះក្រហមកាត់ទទឹ
ងភូមិខ្លីៗចំ នួន៧ខ្សែ មានប្រវែងជិត២.០០០ម៉ែត្រ ត្រូវបានកសាងរួចហើយដោយថវិកា រឃុំ និងថវិការបក្ខដិភាគរបស់ប្រជាពលរដ្ឋ ដោយឡែកផ្លូវបណ្តោយភូមិប្រវែង១.៣ ០០ម៉ែត្រខាងលើនេះ ដែលមានទទឹងពី៥ម៉ែត្រទៅ៧ម៉ែត្រ និងបាតក្រោមនៃផ្លូវមានគ្រឹះថ្មចាស់ខ្លះ មិនទាន់បានជួសជុលនៅឡើយ។
ប្រជាពលរដ្ឋក្នុងភូមិទួលខ្សាច់ស្នើសុំ លោកប្រធានមន្ទីរសាធារណៈការខេត្ត លោកប្រធានមន្ទីរអភិវឌ្ឍន៍ជនបទខេត្ត និងលោកអភិបាលខេត្តកំពង់ឆ្នាំង មេត្តាជួយជួសជុលផ្លូវមួយខ្សែនេះជូនប្រជាពលរដ្ឋក្នុងភូមិដែលមានចំនួន១៥៨គ្រួសារ បានប្រើប្រាស់ដោយក្តីអនុគ្រោះផងចុះ៕
