ខេត្តឧត្តរមានជ័យ៖ ក្រោមការដឹកនាំរបស់រាជរដ្ឋាភិបាលបច្ចុប្បន្ន និវត្តន៍ជននិងជនបាត់បងត្រូវបានយកចិត្តទុកដាក់ យ៉ាងខ្លាំងពីសង្គមជុំវិញខ្លួន ដើម្បីជាការអភិវរក្សនិងដឹងគុណរៀមច្បង ដែលធ្លាប់មានស្នាដៃបំពេញការ ងារជូនប្រទេសជាតិមាតុភូមិនាពេលកន្លង ទើបកម្ពុជាមានសុខសន្តិភាពនិងការអភិវឌ្ឍន៍។
នៅរសៀលថ្ងៃទី១៣ ខែតុលា ឆ្នាំ២០១៥នេះ នាយឧត្តមសេនីយ៍ គន់ គីម អគ្គលេខាធិការ សមាគមន៍អតីតយុវជនកម្ពុជា លោក យឹម ធិន ប្រធានក្រុមប្រឹក្សាខេត្ត ឯកឧត្តម ស ថាវី អភិបាលខេត្ត ឧត្តរមានជ័យ និងលោក ម៉ែន លី ស្នងការនគរបាលខេត្ត រួមទាំងមន្ត្រីរាជការមកពីមន្ទីរពាក់ពន្ធ័ ចុះសួរ សុខទុក្ខ និងបាននាំយកជាអំណោយអង្ករ២តោន ថវិការ៤លានរៀល និងមី៤០០កេស ទៅចែកជូន ដល់អ៊ុំប្រុស អ៊ុំស្រី ដែលជាអតីតមន្ត្រីរាជការនិងកម្លាំងប្រដាប់អាវុធ ដែលបានចូលនិវត្តន៍កន្លងទៅ។
គួរបញ្ជាក់ថា ពិធីនេះត្រូវបានគេធ្វើឡើងក្នុងបំណង លោកទឹកចិត្តដល់អតីតយុវជន ដើម្បីកុំឲ្យ ពួកគាត់គិតថា ថ្នាក់ដឹកនាំឬរដ្ឋាភិបាលបោះបង់ពួកគាត់ចោល៕
