សៀមរាបៈរថយន្តប៉ាសេរ៉ូមួយគ្រឿង ត្រូវបានក្រឡាប់៣ត្រឡប់ បន្ទាប់ពីបែកកង់ធ្លាក់ពីលើថ្នល់ តាមបណ្តោយផ្លូវជាតិ លេខ៦ ត្រង់ចំនុច ភូមិចំរេះ ឃុំស្ពានត្នោត ស្រុកជីក្រែង ខេត្តសៀមរាប កាលពីថ្ងៃទី ២៩ ខែ តុលា ឆ្នាំ ២០១៥ នៅវេលាម៉ោង១២.៤០នាទី ចំងាយពីស្ពានត្នោត៥០ម៉ែត្រ ។
តាមសាក្សីដែលបានឃើញហេតុការណ៍ បានឲ្យដឹងថា មុនពេលកើតហេតុ គេសង្កេតមានរថយន្ត ប៉ាសេរ៉ូ ពណ៌ទឹកបិច លាយទឹកប្រាក់ ពាក់ស្លាកលេខ ឆ៨៧៣ ភព២ បានបើកបរពីទិសខាងកើតឆ្ពោះមកទិសខាងលិច ហើយបានបើក សំដៅចុះស្នាមភ្លោះយ៉ាងជ្រៅ លុះមកដល់ទួលប្រឡោះដើមស្វាយ បុកនិងដីបណ្តាលឲ្យក្រឡាប់៣ត្រឡប់ ខ្ទប់នៅ ផ្ទះរបស់អ្នកស្រី អ្នកមីង ម៉ៅ ឃៀ អាយុ ៤៣ រស់នៅភូមិឃុំ ខាងលើបណ្តាលឲ្យបាក់ខូចខាតមួយចំហាងផ្ទះ ចំណែកម្ចាស់រថយន្ត មានតា យាយ ពិនាក់ប្តីប្រពន្ឋបាននាំគ្នាវាចេញពីក្រោមឡាន ក្រោយមកអ្នកភូមិនាំគ្នារត់មកជួយមិនតិច ពី៥០នាក់បានយកខ្សែចង់ឡានហើយទាញ ឲ្យរថយន្តឈរឡើងវិញ។
លោកយាយ ដោយ ញឹម បានឲ្យដឹងថា លោកយាយបានទិញកូនឡាន ដើម្បីយកទៅផ្ញើរចៅនៅខេត្តសៀមរាប តែដល់ ពេលគ្រោះថ្នាក់តែម្តង លោកយាយធ្វើដំណើរមកពីស្រុកឧត្តង្គ ខេត្តកណ្តាល ទៅខួបកំណើតចៅនៅ ខេត្តសៀមរាប នៅឃុំខ្នារសណ្តាយ ស្រុកបន្ទាយស្រី ខេត្តសៀមរាប ជាមួយលោកតា អែម ស៊ីថាន អាយុ ៧៤ឆ្នាំ ត្រូវជាស្វាម៉ីលោកយាយ និងកូនប្រុសម្នាក់ លុះមកដល់កណ្តាលផ្លូវ កូនប្រុសរបស់គាត់ឈឺពុំអាចធ្វើដំណើមកជាមួយបាន ទើបលោកតា ឲ្យចុះទៅពេទ្យ ដោយមិនបាច់ឲ្យមកជាមួយ ក្រោយមកលោកតា អែម ស៊ីថាន បានបើកមកដោយខ្លួន ឯង លុះមកដល់ចំនុចកើតហេតុ ស្រាប់តែរថយន្តគ្រោះថ្នាក់ដោយបែកកង់ក្រោយបណ្តាលឲ្យក្រឡាប់តែម្តង ។
តាមប្រភពព័ត៌មាន ដែលបានបើកការសង្ស័យថា ករណីគ្រោះថ្នាក់ចរាចរណ៍នេះ បើតាមការពិនិត្យគឺមិនមែនផ្ទុះកង់ឡាននោះទេ ដោយសារតែពុំមាន ស្នាមកង់ឡាន ឬចាប់ហ្វ្រាងនោះទេ គឺស្នាមកង់ឡានបើកមកដោយសម្រួលចុះស្នាមភ្លោះតែករណីក្រឡាប់ដោយសារតែ រថយន្តជ្រុលទីបុកនិងដីទួល ហើយមានគល់ឈើនោះ បណ្តាលឲ្យរថយន្ត ជុចដីបណ្តាលឲ្យក្រឡាប់តែម្តង តាមការសណ្ឋានបានឲ្យដឹងថា ប្រហែលជាលោកតា ដែលជាតៃកុងឡាន បើកបរ ក្នុងស្ថានភាពងងុយដេក តែវាជាសំណាងល្អក្នុងមួយពាន់គ្រោះថ្នាក់ ។
ដោយ ប៊ុន រដ្ឋា
