ខេត្តកំពង់ឆ្នាំង៖លោក ថោង ចំរើន ប្រធានមន្ទីរសង្គមកិច្ចខេត្តកំពង់ឆ្នាំង និងលោក ប្រាក់ សោភ័ណ្ឌនាយកប្រតិបត្តិសាខាកាកបាទក្រហមខេត្តកំពង់ឆ្នាំង រួមដំណើរដោយលោក ចក់ កែវចំរើន ប្រធានការិយាល័យបេឡាអតីតយុទ្ធជននៃមន្ទីរសង្គមកិច្ចខេត្ត នៅរសៀលថៃ្ងទី២៨ ខែ
តុលា ឆ្នាំ២០១៥ បាននាំគ្នាយកអំណោយ និងថវិការបស់សាខាកាកបាទក្រហមខេត្តកំពង់ឆ្នាំង និងអំណោយព្រះអង្គ ហែម ឡូតព្រះគ្រូចៅអធិការវត្តទួលខ្សាច់ ទៅជូនដល់លំនៅដ្ឋានគ្រួសារចាស់ជរាក្រីក្រ នៅភូមិស្វាយជ្រុំថ្មី ឃុំស្វាយជ្រុំ ស្រុករលាប្អៀរ ឆ្នាំងខេត្តកំពង់ឆ្នាំង។
លោក ចក់ កែវចំរើន បានអោយដឹងថា៖គ្រួសារចាស់ជរាក្រីក្រនេះប្តីមានឈ្មោះ អ៊ូ ច្រិច អាយុ៨៥ឆ្នាំ និងប្រពន្ធឈ្មោះ លឹម លៀង អាយុ៨២ឆ្នាំ មានកូន៩នាក់ ត្រូវប៉ុលពតសម្លាស់អស់៥នាក់ នៅសល់៤នាក់បានបែកពីគ្រួសារទៅនៅឆ្ងាយៗ ហើយបច្ចុប្បន្នរស់នៅលើដីកូន មានមុខរបបដើររើសថង់លក់និងកាប់កំពីងត្នោតលក់ ដើម្បិចិញ្ចឹមជីវិតប្រចាំថៃ្ង។ លោកបានបញ្ជាក់ទៀតថា៖ អំណោយនិងថវិកាដែលប្រគល់ជូនគ្រួសារចាស់ជរានេះ មានអង្ក៣០គីឡូក្រាម,មី១កេះ,ត្រីខ១យួរ,ទឹកត្រីមួយយួរ និងថវិកា៧ម៉ឺនរៀល។
លោក ថោង ចំរើន និងលោក ប្រាក់ សោភ័ណ្ឌ បានពាំនាំប្រសាសន៍ផ្តាំផ្ញើរបស់សម្តេចតេជោ ហ៊ុន សែន នាយករដ្ឋមន្ត្រីនិងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែគិតគូរពីសុខទុក្ខ ជួយប្រជាពលរដ្ឋរងគ្រោះដោយអគ្គីភ័យខ្យល់ព្យុះ ទឹកជំនន់ រន្ទះបាញ់ លង់ទឹក ចាស់ជរាគ្មានទីពឹង គ្រួសារទីទាល់ក្រ អ្នកផ្ទុកមេរោគអេដស៍ និងដោយឧប្បទ្ទវហេតុផ្សេងៗដោ យមិនប្រកាន់ពូជសាសន៍ និងនិន្នាការនយោបាយឡើយ។
លោក ថោង ចំរើន និងលោក ប្រាក់ សោភ័ណ្ឌ បានផ្តាំផ្ញើដល់ក្រុមគ្រួសារចាស់ជរាក្រីក្រសូមរស់នៅដោយមានអនាម័យល្អ ដើម្បីមានសុខភាពអោយល្អប្រសើរ បើមានជម្ងឺត្រូវរាយការណ៍ជូនអាជ្ញាធរមូ លដ្ឋាន និងត្រូវទៅកាន់មន្ទីរពេទ្យជាបន្ទាន់កុំទុកអោយជំងឺធ្ងន់ធ្ងរលំបាកក្នុងការព្យាបាល៕
