ខេត្តឧត្តរមានជ័យ៖ជនសង្ស័យវ័យ២៥ឆ្នាំម្នាក់ត្រូវបានកម្លាំងនគរបាលស្រុកបន្ទាយអំពិល ចាប់ខ្លួនបញ្ជូនទៅតុលាការ កាលពីថ្ងៃទី២29 ខែតុលា ឆ្នាំ២០១៥ ក្រោយពីជនសង្ស័យរូបនេះរត់គេចខ្លួនអស់មួយរយះ ពាក់ពន្ធ័ករណីជួញដូរគ្រឿងញៀន។
ជនសង្ស័យមានឈ្មោះ អាត នី ភេទប្រុស អាយុ២៥ឆ្នាំ រស់នៅក្នុងភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ មានមុខរបរធ្វើស្រែ ។
លោក ហម ភិរម្យ អធិការនគរបាលស្រុកបន្ទាយអំពិល បានឲ្យដឹងថា ការចាប់ខ្លួនជនសង្ស័យគឺសមត្ថកិច្ចយើងអនវត្តន៍តាមដីការចាប់ខ្លួនលេខ០៣០ ចេញដោយលោក អាំង សុភា ចៅក្រុមស៊ើបសួរនៃសាលាដំបូងខេត្តឧត្តរមានជ័យ បានបញ្ជាឲ្យចាប់ខ្លួនជនសង្ស័យ អាត នី ពីបទជួញដូរដោយខុសច្បាប់នូវសារធាតុញៀនប្រព្រឹត្តនៅភូមិត្រពាំងអំពិល ឃុំគោកមន ស្រុកបន្ទាយអំពិល ខេត្តឧត្តរមានជ័យ កាលពីថ្ងៃទី២៥ ខែតុលា ឆ្នាំ២០១៥កន្លងទៅ៕
