ខេត្តបន្ទាយមានជ័យ៖ថ្មីៗនេះគយច្រកបឹងត្រកួនត្រូវបានរងការរិះគន់ពីម្ចាស់រថយន្តវីហ្គោចង្កូតស្តាំម្នាក់ដែលបំរុងបើកចូលលេងក្នុងទឹកដីដោយមានឯកសារត្រឹមត្រូវៗបានគយនៅប្រចាំការច្រកបឹងត្រកួនឃាត់ទុករួចធ្វើការចោទប្រកាន់ថារថយន្តវីហ្គោនេះគ្មានឯកសារត្រឹម
ត្រូវនិងតំរូវឲ្យបង់លុយ៦០០០ដុល្លារពីម្ចាស់រថយន្តវីហ្គោចង្កូតស្តាំរបស់ពលរដ្ឋខ្មែរដែលបម្រុងឆ្លងដែនចូលលេងដីថៃកាលពីថ្ងៃទី២៥ ខែតុលា ឆ្នាំ២០១៥កន្លងមកនេះ។ ម្ចាស់រថយន្តវីហ្គោចង្កូតស្តាំនេះមានឈ្មោះ សាត់ សំអៀន អាយុ៤៣ឆ្នាំ និងប្រពន្ធឈ្មោះ ស៊ិន ចាន់ហាន់ អាយុ៤១ឆ្នាំ រស់នៅស្រុកភ្នំស្រុក ខេត្តបន្ទាយមានជ័យ។លោកសាក់សំអៀននិងអ្នកស្រីសិុនចាន់ហាន់បាននិ យាយប្រាប់អ្នកយកព័ត៌មានថារថយន្តរបស់គាត់មានម៉ាកវីហ្គោ ចង្កូតស្តាំ ពណ៌ទឹកប្រាក់ ពាក់ស្លាកលេខបន្ទាយមានជ័យ 2A-1629 ដោយទិញ ត ពីអ្នកខេត្តបន្ទាយមានជ័យ មានពន្ធ និងឯកសារត្រឹមត្រូវតាមច្បាប់របស់រដ្ឋដែលបានកំណត់។មុនពេលគយច្រកបឹងត្រកួនចាប់រថយន្តរបស់គាត់នោះគ្រុមគ្រសាររបស់គាត់បានបើករថយន្តចេញពីផ្ទះដើម្បីឆ្លងដែនតាមច្រកបឹងត្រកួន ស្ថិតក្នុងស្រុកថ្មពួកដើម្បី ចូលលេងដីថៃ នៃស្រុកតាប់ប្រាយ៉ា ស្រាប់តែត្រូវមន្ត្រីគយប្រចាំមាត់ច្រកឃាត់ និងដកសោរថយន្តយកមករក្សាទុកនៅការិយាល័យគយតាំងពីវេលាម៉ោង៣ថ្ងៃ ទី២៥ ខែតុលា ឆ្នាំ២០១៥ ។ គាត់បញ្ជាក់បន្ថែមថា ទោះបីជាគាត់បង្ហាញកាតគ្រីរថយន្តដែលភ្លេចនៅនឹងផ្ទះតាមរយៈ ប្រព័ន្ធឡាញLineយ៉ាងណាក៏ដោយនៅតែខាងគយទាមទាររកគល់ម៉ាញ៉ែត និងឲ្យបង់លុយពី១ពាន់ដុល្លារទៅ៦ពាន់ដុល្លារសម្រាប់ជាថ្នូរនឹងការដោះលែងរថយន្ត។ ដោយសារតែគ្មានប្រាក់គ្រប់ចំនួនឲ្យខាងគយបានឃាត់រថយន្ត រហូតដល់រសៀលថ្ងៃទី២៦ ខែតុលា ឆ្នាំ២០១៥ទើបប្រគល់រថយន្តមកឲ្យគាត់វិញ។ដោយបានមើលឃើញភាពអយុត្តិធម៌របស់មន្ត្រីគយច្រកបឹងនោះប្រជាពលរដ្ឋលើកឡើងថា មិនដឹងថាគយបឹងត្រកួនគ្មានជំនាញខាងត្រួតពិនិត្យ ឬក៏ធ្វើមិនដឹង បានជាមិនអាចដឹងថា រថយន្តរបស់គាត់មានច្បាប់ឬគ្មានច្បាប់ហើយ បានប្រាប់ឲ្យគាត់ទៅឆែកបញ្ជាក់ពីក្រសួងសាធារណការទៅវិញ។ លោក ជា ប៊ុនថន ប្រធានការិយាល័យគយប្រចាំច្រកតំបន់បឹងត្រកួន បានបដិសេធការចោទប្រកាន់នេះ ហើយឆ្លើយទម្លាក់កំហុសទៅកូនចៅតូចតាចថាបានទារលុយ៦០០០ដុល្លារពីម្ចាស់រថយន្តទៅវិញខ្លួនមិនទទួលខុសត្រូវរឿងជំរិតទាប្រាក់ពីម្ចាស់រថយន្តវិហ្គោ៦០០០ដុល្លានោះឡើយ។ជារឿយៗ គយច្រកតំបន់បឹងត្រកួនដែលមានលោក ជា ប៊ុនថន ជាប្រធានច្រក តែងតែត្រូវបានពលរដ្ឋ និងថ្នាក់ដឹកនាំចោទថា បានបើកដៃឲ្យឈ្មួញនាំទំនិញគេចពន្ធ និងដាក់កុងត្រូលយកលុយពីកសិផល និងបទល្មើសមិនរើសមុខទៀតផង៕
