ខេត្តកំពង់ឆ្នាំង៖«សមាជឹកយុវជនសាខាកាកបាទក្រហមកម្ពុជាខេត្តកំពង់ឆ្នាំង មានចំនួន៩០០នាក់ មកពីវិទ្យាល័យទាំង១៤ក្នុងខេត្ត ព្រមទាំងបានចូលរួមចំណែកយ៉ាងសំខាន់ក្នុងការអនុវត្តន៍នូវភារកិច្ចតាមរយៈគោលនយោបាយមនុស្សធម៌របស់កាកបាទក្រហមកម្ពុជា និង
សេចក្តីណែនាំកម្មវិធីអភិវឌ្ឍយុវជនធ្វើជាមូលដ្ឋានគ្រឹះ» នេះជាការលើកឡើងរបស់ លោក ប្រាក់ សោភ័ណ្ឌ នាយកប្រតិបត្តសាខាកាកបាទក្រហមកម្ពុជាខេត្តកំពង់ឆ្នាំង នៅក្នុងកិច្ចប្រជុំបូកសរុបការងារយុវជនកាកបាទក្រហមកម្ពុជាសាខាខេត្តកំពង់ឆ្នាំង នៅព្រឹកថ្ងៃទី៣០ ខែតុលា ឆ្នាំ២០១៥ នៅក្នុងសាលានយោបាយខេត្ត ដែលមានឯកឧត្តម ឈួរ ច័ន្ទឌឿន ប្រធានកិត្តិសយកាកបាទក្រហមខេត្តកំពង់ឆ្នាំង ចូលរួមជាអធិបតី និងឯកឧត្តម លោកជំទាវ ព្រមទាំងយុវជនកាកបាទក្រហមក្នុងខេត្តជិត៤០០នាក់ចូលរួមយ៉ាងកុះករផងដែរ។
លោក ប្រាក់ សោភ័ណ្ឌ នាយកប្រតិបត្តសាខាកាកបាទក្រហមកម្ពុជាខេត្តកំពង់ឆ្នាំងបានអានរបាយការណ៍សកម្មភាពការងារយុវជន និងអ្នកស្ម័គចិត្តកាកបាទក្រហមកម្ពុជា ខេត្តកំពង់ឆ្នាំងរយៈពេល៩ខែឆ្នាំ២០១៥អោយដឹងថា៖ អនុវត្តតាមផែនការដែលបានអនុម័តដោយសន្និបាតយុវជនកាក បាទក្រហមកម្ពុជាលើកទី៣(ឆ្នាំ២០១៤) និងក្រោមការដឹកនាំផ្ទាល់ប្រកបដោយគតិបណ្ឌិតពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា យុវជនកាកបាទក្រហមកម្ពុជានៅសាខាទូទាំង២៥រាជធានីខេត្ត បានបំពេញតួនាទីដ៍ឧដុង្គឧត្តមរបស់ខ្លួនស្របតាមគោលនយោ បាយដែលបានអនុម័តដោយសន្និបាតយុវជនប្រ កបដោយប្រសិទ្ធភាព និងមានការទទួលខុសត្រូវខ្ពស់ ព្រមទាំងទទួលបាននូវសមិទ្ធិផលគួជាទីមោទនៈ។
ដោយឡែកសាខាខេត្តកំពង់ឆ្នាំងមានយុវជនកាកបាទក្រហមចំនួន៩០០នាក់ នៅតាមវិទ្យាល័យ១៤ក្នុងខេត្ត ក្នុងនោះដែរមានក្លឹបយុវជនសាខាកាកបាទក្រហមកម្ពុជា៣ និងមានអ្នកស្ម័គចិត្តកាកបាទក្រហម២២៤នាក់ នៅក្នុងស្រុក៥នៃខេត្ត ព្រមទាំងមានដៃគូសហប្រតិបត្តការបានចូលរួមចំណែកយ៉ាងសំខាន់ ក្នុងការអនុវត្តនូវភារកិច្ចតាមរយៈគោលនយោបាយ និងសេចក្តីណែនាំកម្មវិធីអនុវត្តយុវជនធ្វើជាមូលដ្ឋានគ្រឹះ ដោយផ្តោតលើសេវាកម្មមនុស្សធម៌ជួយជនរងគ្រោះ និងជនងាយរងគ្រោះ ជាពិសេសសកម្មភាពមិត្តអប់រំមិត្ត មិត្តជួយមិត្តក្នុងសាលារបស់ខ្លួន តាមវិស័យស្នូលទាំង៤របស់កាកបាទក្រហមកម្ពុជា។
នៅក្នុងកិច្ចប្រជុំនេះដែរ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានថ្លែងបញ្ជាក់ថា៖សមិទ្ធិផល និងសកម្មភាពដ៍រស់រវើករបស់ក្មួយៗយុវជនសាខាកាកបាទក្រហមកម្ពុជាខេត្តកំពង់ឆ្នាំង ដែលសម្រេចបានកន្លងមក គឺពិតជាពោរពេញទៅដោយការស្ម័គចិត្ត និងឧត្តមគតិមនុស្សធម៌ សក្តិសមជាកុលបុត្រ កុលធីតាកម្ពុជា ដែលស្ថិតក្រោមការដឹកនាំផ្ទាល់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាប្រធានក្រុមការងារទ្រទ្រង់សកម្មភាពយុវជន និងអ្នកស្ម័គចិត្ត ពិតប្រាកដមែន។
ឯកឧត្តមបានបន្តថា៖នៅក្នុងកម្មវិធីនេះពោរពេញដោយភាពកក់ក្តៅ គឺជាឱកាសដ៍មានតម្លៃសម្រាប់តំណាងយុវជនកាកបាទក្រ ហមកម្ពុជាសាខាខេត្តកំពង់ឆ្នាំងទាំង១៤វិទ្យាល័យ ដែលបានបង្ហាញនូវសក្ខីកម្មនៃការខិតខំប្រឹងប្រែង ដើម្បីកិត្តិនាមកិត្តិស័ព្ទរបស់សហគមជាតិកាកបាទក្រហមកម្ពុជា ក៍ដូចជាបានចូលរួមចំណែកកាត់បន្ថយទុក្ខលំបាកវេទនា ភាពក្រីក្ររបស់ជនរងគ្រោះ និងងាយរងគ្រោះ ដែលទន្ទឹងរង់ចាំអោយយើងជួយជារៀងរាល់ថ្ងៃ។ លទ្ធផលនៃកិច្ចប្រជុំពេលនេះគឺជាមូលដ្ឋានដើម្បីបុកសរុបលទ្ធផល ចូលរួមក្នុងកិច្ចប្រជុំបូកសរុបប្រចាំឆ្នាំ២០១៥នៅថ្នាក់ជាតិ និងដើម្បីសំរេចបាននូវបេសកម្មតាមបាវចនា« ធ្វើអោយបានកាន់តែច្រើនជាងមុន ធ្វើអោយបានកាន់តែល្អជាងមុន ធ្វើអោយបានស៊ីជម្រៅ និងទៅអោយឆ្ងាយជាងមុន » ដែលនេះគឺជាកាត្វកិច្ចរបស់យុវជនកាកបាទក្រហមកម្ពុជារបស់យើង៕
