ស្ទឹងត្រែង៖ក្មេងជនជាតិឡាវម្នាក់ជាសិស្សសាលាបានលុងទឹកស្លាប់បាត់អស់ជិតដប់ថ្ងៃក្នុងទឹកទន្លេប្រទេសឡាវ ត្រូវបានគេប្រទះឃើញអណ្តែតទឹកគ្មានក្បាលក្នុងទន្លេប្រទេសកម្ពុជា កាលពីល្ងាចថ្ងៃទី២០ខែតុលាឆ្នាំ២០១៥ត្រង់ចំណុចអូរកំផា ស្ថិតក្នុងភូមិញ៉ឹងស៊ុម ឃុំថ្មកែ
ស្រុកសៀមប៉ាងខេត្តស្ទឹងត្រែង៕
លោកវ៉ា សុផាន់អធិការស្រុកសៀមប៉ាងបានអោយដឹងថាក្មេងរងគ្រោះដែលត្រូវលុងទឹកស្លាប់នោះមានឈ្មោះខាន់ ដា ភេទប្រុស អាយុ៦ឆ្នាំ ជាសិស្ស រស់នៅបានបុងកែវ ឃុំហាតសាយសូងស្រុកស្នាមសៃ ខេត្តអត្តពឺប្រទេសឡាវ។
លោកអធិការបន្តទៀតថាបើតាមឪពុកជនរងគ្រោះជនជាតិឡាវនោះបាននិយាយថាមូលហេតុបណ្តាលអោយកូនគាត់លុងទឹកស្លាប់នោះ ពួកគេបាននាំគ្នាជិះទូកដែលចងក្បែរក្បូនមាត់ទឹក ហើយក៏បាត់ខ្លួនមិនដឹងទៅណាបាត់ទោះរកយ៉ាណាក៏មិនឃើញដែរ។អស់រយះជិតដប់ថ្ងៃគឺតាំងពីថ្ងៃទី១៣ មកម្លេះ ហើយត្រូវបានគេប្រទះឃើញនៅថ្ងៃកើតហេតុខាងលើ ក្រោយសមត្ថកិច្ចស្រាវជ្រាវទើបដឹងថាសាកសពត្រូវបានលុងទឹកស្លាប់នៅទឹកដីឡាវ ។
លោកបានបន្តថាក្រោយពីប្រទះឃើញសាកសពក្មេងខាងលើ ពេលត្រួតពិនិតសាកសពពុំមានឃើញក្បាលនោះទេ លោកបានរាយការជូនព្រះរាជអាជ្ញា ស្ថិតក្រោមបញ្ជាសមត្ថកិច្ចជំនាញបានចុះធ្វើកោសល្យវិច្ច័យ ឃើញថាសពក្មេងរងគ្រោះពិតជាលុងទឹកស្លាប់ពិតប្រាកដម៉ែន មូលហេតុដែលដាច់ក្បាលនោះ ដោយសារយូថ្ងៃពេកបានហើមស្អុយនិងហូរកាត់ទឹកជួរជាច្រើនកន្លែងទើបបណ្តាលអោយដាច់ក្បាលបែបនេះ។
សាកសពក្រោយពីពិនិត្យឃើញថាមិនពាក់ព័ន្ធក្នុងករណីឃាតកម្ម ត្រូវបានកិច្ចធ្វើកំណត់ហេតុផ្ទេរប្រគល់ជូនក្រុមគ្រួសាររងគ្រោះយកទៅស្រុកកំណើតនៅប្រទេសឡាវដើម្បីធ្វើបុណ្យតាមប្រពៃណី៕
